1 SAMUEL 13:9 - KITAB NU TUMPU ALLA LELE MA'IMAI'

⁹ Kalana aitu pinoto'inyomo hi aha, “Boa mae na koloban anu opotunu tiba koloban anu bau pompodame.” Lantas ia posi sausanyo nonsombahkonmo koloban anu opotunu aijo'.

1 SAMUEL 13:9 ပူးပေါင်းရင်းမြစ်များ

2 SAMUEL 24:25

Lantas pinotinjomo i Daud na mezba i kiijo' ponsomban Tumpu lantas nonsombahkonmo koloban anu pinotunu ka' koloban anu bau pompodame. Tumpu nontalimamo do'a i Daud ka' panyakit anu momolele aijo' i Israel madi'mo nolele.

1 TOMU-TOMUNDO' 3:4

Tampat ponsomban anu talalo hondo talasanggo kiijo' mae i Gibeon. Toto monsan i Salomo monsombahkon koloban kiijo' mae daagi' kino sansinaan, susumo anu saja'mo nu bau, ia po'ule' namba.

MAZMUR 37:7

Tanda'imo na Tumpu nu kinyonyoa anu saban popea' nu kasabanan, Iaje ahi' na montindaki. Boli bata-bata kalana mian anu kinohasinnyomo i uno nu kantumuu'annyo kabai anu nombaumo palabuatan sola mongakali.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

AMSAL 20:22

Boli mombalosi ka'idekan tiba ka'idekan palesaya na Tumpu, Ia na anu montulungije.

AMSAL 21:27

Tumpu madi' sanang i palasombahan nu mian anu palaganta lebe-lebe mule, de monsombahkon aijo ko makisud ma'idek.

AMSAL 21:3

Palabuatan anu adin ka' totu'u lebe momposanang Tumpu molingkudui iwi-iwi' na anu opalasombahkon.

YESAYA 66:3

Panyo bansa haha aijo' ola mosi bau pongka'oho' nu aha; aha sanang hondo na monsombah mae panyo bau-baunyo anu okahegati. Hi aha madi' ko bedanyo: mongkolobanakon sapi' lakinyo ka' mongkolobanakon mian, mongkolobanakon anak nu domba ka' mompato'akon gogohong nu dedeng; monsombahkon gandum ka' mongkolobanakon baso' nu bau', mompapui kamangian ka' monsombah patong.

PO'ULE' INGULIT 12:5

Songko-songko na da'erah nu to tulu-tulunan nu aha Israel Tumpu Allah nu belemiu mompile'ije sa'angu' na tampat da bansanto moko ala toka i ahop-Nyo ka' monsombah Ia.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.

1 SAMUEL 14:18

“Boa mae na baju' nu imam aijo' na koonyo i Saul hi Imam Ahia. (Sinaa aijo' i Ahia nomboamo baju' nu imam i ahop nu aha mian nu Israel.”)