1 SAMUEL 13:7 - KITAB NU TUMPU ALLA LELE MA'IMAI'

⁷ ka' mule' daagi ko anu notaapmo i kaunyo nu Yordan ka' nambamo i daerah nu aha Gad tiba Gilead. I Saul daagi kiijo' mae i Gilgal ka' mian da'isan anu nombatuki ia nabuhukmo ka' ilakatnyomo.

1 SAMUEL 13:7 ပူးပေါင်းရင်းမြစ်များ

TO MIA-MIAN KOPIAN 7:3

Jadi, poto'i hi to sanga-sangalu nu beleyum, 'Ihe na mongoa'i mabuhuk sampa malia-lia' pala'i na Bungkutnyo nu Gilead aiya ka' pinsusule' i laigannyo.’ ” Sahingga 22.000 na mian anu ninsusule'mo; ka' ola 10.000 na mian anu jinojoong.

PO'ULE' INGULIT 28:25

De belemiu madi'mo montuluti Tumpu Allah nu belemiu, Nu potimbalimo na belemiu da nuhungku'imo nu sampobali' miu iwi-iwi'. Belemiu montoukaimo ahi' totu-totu'u montumbuhi panyo ola ahi' malai ka' mosungkehet. Iwi-iwi' na bansa i dunia aiya mabuhukmo na montoa belemiu anu sinusa'mo susumo aijo'.

PO'ULE' INGULIT 20:8

To kapa-kapala nu suludadu suele tionyo ahi' mompoto'i aiya hi belemiu, ‘Pa' daagi' ko mian anu aiya hi belemiu madi' moko ala mahampate ka' mabuhuk? De daagi', pinsusule' pe'e na ia da boli ia na mongidei kabaanian nu mian sangga'at.’

PO'ULE' INGULIT 3:12

“Salatan tano' aijo' tinimbalimo anunto binee'-Kumo hi tulunan nu bansa Ruben ka' Gad na da'erah sasu utara kota Aroër koko Kaunyo nu Arnon, ka' sambagian i da'erah bungkutnyo nu Gilead, tibamo kota'nyo iwi-iwi'.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

1 SAMUEL 13:8

I Saul nontanda'i i Samuel pinitunsinaa na kinopinnyo susumo anu pinotuunmo i Samuel hi ia, panyo i Samuel ma'isa ahi' tinoka kiijo' i Gilgal, sahingga i Saul pinala'ianmo nu mian anu mombatuki ia.

YOSUA 13:8

Tulunan nu bansa Ruben ka' Gad ka' sambagian na tulunan nu bansa Manasye mohumpakmo tano' anu binee'mo i Musa, posaihon nu Tumpu, aijo'mo tano' anu i sasu kabete'an Kaunyo nu Yordan.

YOSUA 13:11

Ka' suele tiba da'erah Gilead, da'erah songko-songko Gesur tiba Maakha, tiba iwi-iwi' na Bungkutnyo nu Hermon, ka' iwi-iwi' na da'erah Basan toka-toka i Salkha.

1 SAMUEL 17:11

Salatan i Saul tiba aha iwi-iwi' nohongomo, taalu' sampo bali haha aijo' mongewamo mae tinolokengkengmo na aha ka' nabuhukmo hondo.

1 SAMUEL 31:7

Salatan aha mian nu Israel haha aijo' anu jojoong i santoa nu Bangka'nyo Yizreel tiba anu i sasu kabete'an Kaunyo nu Yordan nohongomo taalu' suludadu nu Israel nopalaimo ka' taalu i Saul tiba to ana-anaknyo anu toto momo'ane sinilakamo, aha nopalaimo nompala'imo kota' nu aha haha aijo'. Lantas jinojoonganmo nu aha mian Filistin na kota' haha aijo'.