1 SAMUEL 13:6 - KITAB NU TUMPU ALLA LELE MA'IMAI'

⁶ Lapas aijo' aha nontumbuhimo ma'i-ma'idek mian nu Israel sahingga mian nu Israel i nabuhukmo hondo, madi'mo noko ala nombau apa-apaa. Kanjoo'annyo na aha mian nu Israel natisulukmo i liang nu batu tiba iliang nu bungkutnyo kabai i olot nu batu gahanggan kabai i uno nu bubung ka' bolo' nu tano',

1 SAMUEL 13:6 ပူးပေါင်းရင်းမြစ်များ

2 SAMUEL 24:14

Tinaaman i Daud, “I beh silakamo na aku! Panyo' de mule' aku nu hukum nu manusia, lebe ma'ima' kita iwi-iwi' nu hukum nu Tumpu, kalana daka' hondo na kalibosan-Nyo.”

YESAYA 42:22

Panyo bansa aijo' lapasmo binulingan; aha pinojoongmo i uno nu salipi' anu kaiyong i uno nu tano', ka' pinaha po, isimo i uno nu talungku', Ahamo aijo' na anu pinahabulingmo mae, ka' madi' ko anu tinoka mae nontulungi.

YEREMIA 41:9

Bubung aijo', bubung daka' anu binau i Tomundo' Asa tempo'nyo ia tinumbuhanmo i Baesa tomundo' nu Israel.

YEHEZKIEL 33:27

Atas sanggong-Ku, Tumpu anu tumuu', Tumpu Anu Matangkas na Kuasanyo, to mia-mian anu jojoong i kota' haha aijo' anu singkapmo i hansun silakamo opatei. Aha anu jojoong i tampat padang anu ewa nu kaanmo nu binatang anu mahangas. Aha anu matisuluk i iwi-iwi na bungkutnyo ka' i to lia-liang silakamo kalana panyakit anu molele.

FILIPI 1:23

Ohua' na jalan na mohela' aku. Ku ka'ima'imo hondo na mompala'i dunia aiya da mamba jojoong tiba i Kristus, kalana aijo' na anu talalo ma'ima';

IBRANI 11:38

Dunia aiya misa' tampat anu lebe ma'ima' hi aha. Aha saja' jinojoong nolali-lalin i padang mateges ka' i bungkutnyo, ka' jinojoong i to lia-liang nu batu ka' i to bolo-bolo' nu tano'.

YOSUA 8:20

Mian nu Ai haha aijo' nosiloi i hiku, ka' nontoamo tibuk kinopuha-puhamo nokiita' i langit. I Yosua ka' gombuan nu suludadunyo suele nontoamo tibuk ka' nonsumbu'mo taalu' gombuan nu suludadu sangga'at nompatundu'mo ka' nongalamo kota aijo'. Jadi ninsusule'mo na i Yosua tiba gombuan nu suludadunyo montumbuhi ka' mompateimo aha mian nu Ai. Aha mian nu Israel anu ikiijo'mo i kota Ai suele tinokamo mae ka' nompahampateakonmo sahingga mian nu Ai kinalimpunganmo nu aha ka' madi'mo noko popalai, iwi-iwi' i nate pinatean nu aha mian Israel,

TO MIA-MIAN KOPIAN 10:9

Ka' mule' mian nu Amon notaapmo i Kaunyo nu Yordan mamba mompahampateakon aha tulunan nu bansa Yehuda, Benyamin, tiba Efraim, sahingga mian nu Israel sinansalamo hondo.

TO MIA-MIAN KOPIAN 20:41

Ka' tempo'nyo aijo' suele suludadu nu Israel anu pinile'anmo nobalikmo ka' nontumbuhimo, sahingga suludadu nu aha Benyamin aijo' tinasiagamo kalana sinumbu'mo nu aha na aha aijo' tantu mahungku'mo.

TO MIA-MIAN KOPIAN 6:2

Mian nu Israel nabuhukmo hondo hi aha mian nu Midian, sahingga aha lewa'mo natisuluk i liang ka' i tampat sangga'at anu madi' ko anu mompoposia i bungkutnyo.

1 SAMUEL 13:15

Lapas aijo' i Samuel nompala'imo Gilgal ka' nambamo lau-laus i Gibea i daerah nu aha mian Benyamin. Tempo'nyo aijo' i Saul nambamo nontoa suludadunyo, konjoo'nyo kila-kila aha 600 na mian.

1 SAMUEL 14:11

Salatan aha ua-ua aha nanintoamo hi aha mian nu Filistin anu kiijo' i ponjaga'an, notataemo mae na aha mian nu Filistin haha aijo', “Soba toa daagi ko aha to mia-mian nu Ibrani anu nosabatmo mae lengkat i bolo' anu pinaninsulukan nu aha!”

1 SAMUEL 14:22

Ka' suele aha to mia-mian nu Israel anu naninsulukmo i to puge-puge'nyo nu Efraim anu nohongomo taalu' mian nu Filistin nalaimo, natigalumo ka' nontumbuhimo babali'i aha mian nu Filistin haha aijo'.

1 SAMUEL 23:19

Lapas aijo' tino pia-piangkuka na mian lengkat mae i Zif nambamo nangadap hi Saul kiijo' mae i Gibea ka' nompoto'i tukoonyo nu aha, “I Daud naninsulukmo i daerah mami i uno nu liang koko Hores, anu kiijo' i Bungkutnyo Hakhila sasu salatan padang anu mapeges i Yehuda.

1 SAMUEL 24:3

Lia-lia' na i Saul nompile'i totolu' na madala na suludadu anu ahi' otaha imani i songko-songko na Israel lantas nambamo nolio i Daud tiba suludadunyo i sasu kabete'an Bungkutnyo nu Batu Mee' nu Kuhat.

1 SAMUEL 31:7

Salatan aha mian nu Israel haha aijo' anu jojoong i santoa nu Bangka'nyo Yizreel tiba anu i sasu kabete'an Kaunyo nu Yordan nohongomo taalu' suludadu nu Israel nopalaimo ka' taalu i Saul tiba to ana-anaknyo anu toto momo'ane sinilakamo, aha nopalaimo nompala'imo kota' nu aha haha aijo'. Lantas jinojoonganmo nu aha mian Filistin na kota' haha aijo'.

1 SAMUEL 7:7

Salatan ihongomo nu aha mian Filistin na mian nu Israel sinihukmo kiijo' i Mizpa, aha oli-olima' na tomundo' nu Filistin nambamo no kiijo' tiba suludadu nu aha ka' nontumbuhimo aha mian nu Israel. I hongo nu aha mian Israel na han aijo' aha nabuhukmo.