1 SAMUEL 12:9 - KITAB NU TUMPU ALLA LELE MA'IMAI'

⁹ Panyo imihinyo mae aha nongkolilimimo Tumpu, Tumpu Allah nu aha, mokonyo aijo' pinojohok-Nyomo na aha ilumambanan ka' pinatundu'mo i Sisera, kapala nu suludadu anu matangkas hondo na pangkatnyo kiijo' i Hazor ka' mule' mian nu Filistin tiba tomundo' nu aha Moab.

1 SAMUEL 12:9 ပူးပေါင်းရင်းမြစ်များ

MAZMUR 106:21

Aha nongkolilimimo Tumpu anu nomposalamatmo aha, anu nombaumo hahan anu daka' hondo tempo'nyo kiijo' mae i Mesir.

YESAYA 63:10

Panyo aha notomuhukmo ka' mule' nomposusa'mo kinyonyoa nu Tumpu. Sahingga Ia tinimbalimo sampobali' nu aha posi Iamo ahi' na nahampate nongewa aha.

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

PO'ULE' INGULIT 32:18

Aha madi'mo nontapali anu Nomposalamat aha anu daka' hondo na kuasanyo, nongkolilimimo Tumpu Allah nu aha anu nombee'imo kantumuu'an.

PO'ULE' INGULIT 32:30

Mosia na samian moko ala mololoi' samadala na mian, ka' ua'aha na mian monsaduakonmo sampulu' na madala na mian malai? Tumpu, Tumpu Allah nu aha, nompobalukmo aha; aha pinala'ianmo nu Tumpu Allah anu baani ka' daka' na kuasanyo.

TO MIA-MIAN KOPIAN 10:7

Kalana aijo' Tumpu nontambuha'imo aha mian nu Israel, sahingga pinojohok-Nyomo na bansa Filistin tiba bansa Amon nongkuasaimo aha.

TO MIA-MIAN KOPIAN 13:1

Mian nu Israel nompo'ule'mo binaladosa' hi Tumpu, lantas Tumpu nompojohokmo mian nu Filistin nongkuasai aha kinopinnyo pinatompulu' na taun.

TO MIA-MIAN KOPIAN 3:12

Aha mian nu Israel po'ule' mule' binaladosa' hi Tumpu, sahingga pinohosonmo nu Tumpu na i Eglon tomundo nu aha Moab, nolingkuduimo Israel.

TO MIA-MIAN KOPIAN 3:31

Polaya' anu suele aiya mule', aijo'mo i Sangar anak i Anat. Ia suele nontinjohakonmo ka' nompobebasmo mian nu Israel. Tiba tokonnyo anu bau pola'i sapi' de olaya'mo, aijo'mo na bau pinompateinyo 600 na aha mian nu Filistin.

TO MIA-MIAN KOPIAN 4:2

Sahingga Tumpu nompojohokmo aha da i hungku'an i Yabin tomundo nu aha Kana'an anu jojoong i kota Hazor. Kapala nu suludadu anu matangkas hondo na pangkatnyo aijo'mo i Sisera anu jojoong i Harose-Hagoyim.

1 SAMUEL 12:15

Panyo sumo aitu mule' de belemiu madi' mohongo-hongo Tumpu ka' mule' monggagakon palentahNyo, memang belemiu tiba tomundo' nu belemiu nu ewamo nu Tumpu.