1 SAMUEL 12:5 - KITAB NU TUMPU ALLA LELE MA'IMAI'

⁵ Lantas notataemo na i Samuel, “Sinaa uuka aiya Tumpu ka' tomundo' anu pinile'an-Nyomo na timbali sakisi saba' aku memang madi' ko kasala'an maumo ola ise-ise'.” “Memang totu'u Tumpu na bau sakisinto,” tinaaman nu aha.

1 SAMUEL 12:5 ပူးပေါင်းရင်းမြစ်များ

KAJADIAN 31:50

I Laban po'ule 'mule' notatae, “De beleyum mombau anu ma'idek hi to ana-anakku kabai mongosoai to bou-boune sangga'at, mau mule' madi' ko anu monsumbu', o inau', Tumpu Allah na monjagai mae kita.

AYUB 16:19

Ku sumbu' saba' anu montinjohi aku kiita' mae i suluga'; Ia na nontutuhakon tukoonyo aku madi' baladosa'.

AYUB 42:7

Salatan ilapasmo na notatae hi Ayub, Tumpu notataemo hi Elifas, “Ku tambuha'imo na beleyum ka' hi sangalu nu beleyum ua'aha aijo', kalana belemiu madi' mompoto'i anu ahi' sahondo-hondonyo mongkona Aku. Panyo i Ayub posaihonku aijo' madi' sumo aijo'.

MAZMUR 17:3

De Belento monguji' kinyonyoangku ka' de pihi na toka mae mompalesa aku, tantu osumbu'je nu Belento na aku memang ahi' sahondo-hondonyo na kinyonyoangku; potataengku madi' sala' sumomo ahi' pikilanku.

YOHANES 18:38

I Pilatus nompokilawa hi Ia, “Apaa na poso'nyo nu kahondoan?” Lantas i Pilatus po'ule' nosabat lengkat i laigan aijo' ka' notatae hi to mia-mian nu Yahudi, “Aku madi' nohumpak sa'angu' pe'e na kasala'an hi Ia.

SISIKON NU TO RASUL-RASUL 23:9

Jadi talalomo hondo na pinainggaga. To pia-piangkuka na mian nu Farisi anu tinimbalimo gulu' agama tinuminjomo ka' nonggagakon totu-totu'u. Aha notatae, “De mongala i pongka'oho' mami, mian aiya sangkiding pe'e madi' ko sala'nyo! Ugaat totu'u daagi' ko roh kabai malaikat anu notatae hi ia!”

SISIKON NU TO RASUL-RASUL 24:16

Mokonyo aijo' aku saja' bala usaha ima-ima', da kinyonyoangku belesi hi Tumpu, ka' belesi hi sangko mian.

SISIKON NU TO RASUL-RASUL 24:20

Kabai sahanyo mian haha aijo' na monsisik ka'idekan apaa na anu i humpak nu aha hi belengku, tempo'nyo aku binoa hi Mian Kopian Daka' nu Agama.

1 KORINTUS 4:4

Aku madi' mongoa'i sala' i uno nu han mau mule' pa' apaa, panyo aijo' misa' bukuti' au'-aitu aku memang madi' kosala'nyo. Posi Tumpuje na montantukan aku kosala'nyo kabai madi'.

2 KORINTUS 1:12

Kami sanang kalana kinyonyoa mami na mompohoson kami, saba' kantumuu'an mami i dunia aiya – anu talalo hondo pompahasumbu'an mami tiba kita Utus – pinojalanmo mami ma'i-ma'ima' ka' sahondo-hondonyo. Kami nombau aijo' misa' kalana kapandean nu mian, panyo kalana kahosonan anu binee' nu Tumpu Allah.

1 SAMUEL 12:4

Mian haha aijo' nontaami, “Imadi', madi' toho' belento Tuuma nongala apa-apaa, kabai nongakali, kabai nonsakisa kami; madi' toho' maumo pa' hihe.”

1 SAMUEL 26:9

Panyo notatae na i Daud, “Boli nu poposia na ia! Tumpu mohukum mian anu mombau kalakuan anu ma'idek hi tomundo' anu pinile'anmo nu Tumpu.