1 SAMUEL 12:3 - KITAB NU TUMPU ALLA LELE MA'IMAI'

³ Uuka aiya aku tuminjo i ahop nu belemiu! De aku nombaumo kasala'an, pisala'i na aku i ahop nu Tumpu ka' i ahop nu to tomu-tomundo' anu pinile'an-Nyomo. Pa' toho'mo aku nongala sapi' kabai keledai nu aha mian sangga'at? Pa' toho'mo aku nongakali kabai nonsakisa kabai nongala doi anu pinontamboi da mombau anu ma'idek. Poto'i mae da mau pa' apaa na anu ingalangkumo po ule' ku sule'akon.”

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Aku nontulutimo palentah nu Tumpu ka' madi' ahi' pinanggaga hi Tumpu Allah-ngku.

NEHEMIA 5:11

Belemiu tionyo ahi' suele bolimo mompoita samaya' nu belemiu haha aijo' hi mian da'isan anu binasamay'mo hi belemiu aijo' mau doi kabai gandum, kabai anggur kabai lanya' nu zaitun. Sampa sule'akon na ale' nu sosu'anan sangga'at, ale' nu anggur, ale' nu zaitun ka' laigan nu aha!”

MAZMUR 15:5

ka' monsaboli doi madi' pilenje mongala ueenyo; anu madi' mongka'oho' mongala doi bau pontamboi da opolugi' na mian anu madi' ko kasala'annyo. Mian anu saja' mombau susumo aijo', saja' sanang na ia mingkinyonyoa.

NOSABATMO 20:17

Boli mongkamilui anu nu mian sangga'at: laigannyo, bengekele'nyo, to posa-posaihonnyo, potuu'onnyo, keledainyo, kabai mau mule' pa' apaa na anunyo.”

NOSABATMO 23:8

Boli mongala doi pombayan palakala da otinjohi na mian aijo', kalana doi pombayan palakala aijo' mompopaha mian sahingga madi'mo montoa anu totu'u ka' mompolugi'mo to mia-mian anu madi' ko sala'nyo.

AMSAL 15:27

Ihe na molio ka'untungan anu madi' halala' mompateimo posi auannyo; panyo ihe na mongka'ideki doi anu bau ponsogo' saidi' mae kantumuu'annyo sanang.

IMAMAT 6:4

Mian anu ko sala'nyo aijo' tionyo ahi' mombayan iwi-iwi' apaa na anu i humpaknyo aijo' kalana geguan. Salatan ia i humpakmo nombaumo sala', ia tionyo ahi' mombayan iwi-iwi' hi tumpunyo, ka' mombayan mule' uampulu' na palasen.

NOMBILANGMO 16:15

I Musa notambuha'mo hondo ka' notataemo hi Tumpu, “Tumpu, boli mongala palasombahan nu aha. Madi' toho' aku mompolugi' mau pe'e samian anu aijo' hi aha; ka' sa'angu' pe'e na keledai ma'isa toho' ingalangku aijo' hi aha.”

MATIUS 22:21

“Tomundo,” tinaaman nu aha. Saba' i Yesus notatae hi aha, “Desumo aitu, bee'mo hi Tomundo apaa na anu i Tomundo, ka' hi Tumpu apaa na anu nu Tumpu Allah.”

LUKAS 19:8

Lapas mule' kiijo' i laigannyo, i Zakheus tinuminjo ka' notatae hi Yesus, “Tumpu, sambahagian na halata'ku, ku halala'akon hi mian kasiasi; tiba ihehe na anu toho' ingakalanku, po'ule' ku bayan hi ia pimpaton lipat!”

SISIKON NU TO RASUL-RASUL 20:33

Ma'isa toho' aku nongkamilui doi kabai pakean lengkat hi toto samian.

2 KORINTUS 12:14

Uuka aiya ko pintolunnyomo na aku mosadia mamba molenga komiu. Ka' aku madi' mongka'oho' momposusa' komiu, kalana anu ku kahanda'i misa' apaa na anu daagi' hi komiu, panyo butong miu. Kalana misa' to ana-anak na anu tionyo molio kaanon nu tu'anyo, panyo tu'anyo ahi' na anu tionyo molio kaanon nu to ana-anak.

PO'ULE' INGULIT 16:19

De mongalamo sa'angu' na kaputusan, aha madi' timbali suka-suka na momputusi, kabai mompiboati sangga'at. Aha madi' timbali suele mongala pontamboi palakala, kalana pontamboi aijo' monsaduakonmo mian paha na matanyo, sahingga mian pande ka' mian anu hodi' na kinyonyoanyo suele sumo aijo'mo, mombau kaputusan anu madi' adin.

1 TESALONIKA 2:10

Kami tumuu' susi', totu'u ka' madi' ko kasala'an hi komiu anu pinalesayamo hi Kristus. Komiumo na to saki-sakisi mami, ka' suele mule' Tumpu.

1 TESALONIKA 2:5

Posi komiumo na monsumbu' saba' madi' kami motatae anu to tami-tami', kabai mongakali ko kahanda' da momposuluk to nia-niat mangoa. Tumpu na sakisi!

1 PETRUS 5:2

da belemiu molaya' tompukan nu domba anu pinalesayakonmo nu Tumpu hi belemiu. Oposanang na kinyonyoa de molaya' aha susumo anu nukahanda'i nu Tumpu, ka' boli maboat na kinyonyoa. Boli mule' belemiu mokalaja kahanda' da mohumpak dale', panyo kalana komiu totu-totu'u mongka'oho' mongkalesang.

1 SAMUEL 10:1

Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 12:4

Mian haha aijo' nontaami, “Imadi', madi' toho' belento Tuuma nongala apa-apaa, kabai nongakali, kabai nonsakisa kami; madi' toho' maumo pa' hihe.”

1 SAMUEL 12:5

Lantas notataemo na i Samuel, “Sinaa uuka aiya Tumpu ka' tomundo' anu pinile'an-Nyomo na timbali sakisi saba' aku memang madi' ko kasala'an maumo ola ise-ise'.” “Memang totu'u Tumpu na bau sakisinto,” tinaaman nu aha.

1 SAMUEL 2:35

Lapas aijo' Aku mompile'ije imam anu tulu-tulutan hi belengku ka' anu mombau apaa na anu Ku palentahkon hi ia. Ku bee'ije na ia tulunan anu saja mombau kalaja nu imam i ahop nu to tomu-tomundo' anu Ku pile'imo.

1 SAMUEL 24:11

Uuka aiya posi belento Tomundo' nonsumbu'mo taalu' kiijo' i unonyo nu bolo' sabenannyo Tumpu nombee'mo belento Tomundo' hi belengku aiya. Aku sinale'anmo nu sala' samian da opateimo na belento Tomundo' panyo aku aiya madi' nontuluti. Tinaamanku tukoongku aku madi' mongka'oho' mombau anu ma'idek hi Tomundo'ku anu pinile'anmo nu Tumpu.

1 SAMUEL 24:6

Panyo lapas aijo' tinutugan i Daud ia sinala'mo kalana nombaumo na ia sumo aijo'.

1 SAMUEL 24:7

Ia notataemo hi suludadunyo, “O'amalakon da Tumpu monjagai mae da boli aku mombau anu ma'idek hi tomundo'ku anu pinile'anmo nu Tumpu. Mau ola sangkiding aku madi' timbali mombau anu ma'idek hi ia, kalana ia tomundo' anu pinile'anmo nu Tumpu!”

1 SAMUEL 26:11

Kase' boli mae nu pobee' nu Tumpu na aku aiya mompatei tomundo' anu pinile'an-Nyomo! Ola talombo'nyo na o ala ka' pongisian uee lantas kita mambamo.”

1 SAMUEL 26:9

Panyo notatae na i Daud, “Boli nu poposia na ia! Tumpu mohukum mian anu mombau kalakuan anu ma'idek hi tomundo' anu pinile'anmo nu Tumpu.