1 SAMUEL 12:23 - KITAB NU TUMPU ALLA LELE MA'IMAI'

²³ Mongkona butongku ku amalakon da aku boli sampe baladosa' hi Tumpu kalana madi' mondo'akon belemiu, panyo ola ahi' aku suele saja' sabole-bole mombee'i pokinde' hahan anu ma'ima' ka' anu totu'u.

1 SAMUEL 12:23 ပူးပေါင်းရင်းမြစ်များ

1 TOMU-TOMUNDO' 8:36

ka' ampuniakon mae na dosa' nu mian Israel anu pinalesayamo hi Belento tiba tomundo' nu aha. Pokinde'iakon na aha da mombau apaa na anu totu'u. Lapas aijo' Tumpu tudunakonmo mae na ujan i lipu' nu Belento aiya, lipu' anu binee'mo nu Belento hi mian anu pinalesayamo hi Belento da timbali anu nu aha sampe toka sidu-sidutu'.

2 TAWARIKH 6:27

O Tumpu i suluga', potombihingakon mae na aha. Ka' ampuniakon mae na dosa' nu to posa-posaihon nu Belento mian nu Israel. Pokinde'iakon mae na aha da mombau anu madi' sala' Lapas aijo', o Tumpu, tudunakonmo mae na ujan i lipu' nu Belento aiya, lipu' anu binee'mo nu belento hi mian anu pinalesayamo hi belento da ahamo na tumpunyo sampe toka sidu-sidutu'.

MAZMUR 122:6

Odo'akon na Yerusalem da mohumpak ka'imaan, “O' amalakon da iwi-iwi' na mian anu mongka'ima'i beleyum mohumpak kantumuu'an mai maima.

MAZMUR 34:11

Sadang singa suele mo ohop de madi'mo ko anu okaan panyo mian anu monsombah Tumpu na madi' ahi' kakulangan.

MAZMUR 34:12

Potombihing mae o to ana-anak iwi-iwi' da ku ajan na belemiu moholomati Tumpu.

NOSABATMO 32:30

Dodododopnyo i Musa notataemo hi bansa aijo', “Belemiu nombaumo dosa' anu daka' hondo. Panyo uuka aiya aku po'ule'mo mindako i bungkutnyo aijo' mangadap hi Tumpu; o'amalakon mae da aku mohumpak ka'ampunan nu dosa' nu belemiu.”

AMSAL 4:11

Aku nompogulu'mo kapandean bapikin hi beleyum ka' nompotiju'mo mosia na kantumuu'an anu totu'u.

ANU MOMPOLELE POTATAE NU TUMPU 12:10

Ia bala usaha da mohumpak potatae anu mongindeke', ka' potatae anu tinulisnyomo memang madi' tageo'.

YESAYA 30:21

De belemiu madi'mo montulu ijalan anu memang ahi' ojalani, aitu mae ihiku nu belemiu ohongomo na potatae-Nyo montaloakon, “Aiya ahi' mae na jalan; tuusakon na jalan aiya.”

YEREMIA 15:1

Tumpu notataemo mae hi belengku, “Aku madi'mo daagi' mongkalibosi bansa aiya, maumo ahi' i Musa tiba i Samuel tuminjomo i aiya momoita mae da Ku kalibosi na aha. Saimo na bansa aiya da mambamo, madi'mo Ku ka'ima'i na montoa aha!

YEREMIA 27:18

De memang ahi' aha totu'u nabi, ka' nontalimamo potuunon lengkat hi beleng-Ku, tantu aha uuka aiya nomoitamo mae hi beleng-Ku, Tumpu Anu Mahakuasa da to bala-balang anu daagi' i uno nu Laigan-Ku tiba anu daagi' i laigan nu tomundo' i Yerusalem madi' binoa i Babel.

YEREMIA 42:4

Tinaamanku, “Ma'ima'mo de sumo itina', ku situjui apaa na anu kinakakasemo nu belemiu atina'. Aku balado'amo hi Tumpu Allah-nto, ka' pa' apaa na pontaami-Nyo mae ku sisikje iwi-iwi'; maumo sa'angu' madi' ku pohowini hi belemiu.”

YEREMIA 6:16

Tumpu notatae hi mian anu palesayamo hi Ia, “Tinjo' ipopanga'an-popanga'an nu jalan ka' palahatikan ima-ima'! Pokilawa na jalan anu naipuan mae, ka' iya na anu ma'ima'an hondo na jalan haha aijo'. Tuusakonmo na jalan aijo' da belemiu tumuu' madi' ko anu mompoposia.” Panyo aha notatae, “Madi', kami madi' mongka'oho' montuusakon jalan aijo'!”

SISIKON NU TO RASUL-RASUL 12:5

Jadi i Petrus pinosoop i uno nu talungku'; panyo to jama-jama'at ola ahi' saja' nondo'akon i Petrus totu-totu'u hi Tumpu.

SISIKON NU TO RASUL-RASUL 20:20

Kita utus monsumbu' saba' saja'mo pinoto'ingku hi komiu apaa na anu ko gunanyo hi komiu. Aku mongajan komiu i posa'angu'an-posa'angu'an nu mian da'isan i to lai-laigan.

ROMA 1:9

Aku saja' monginau' komiu de aku balado'a. Tumpu na nonsakisi apaa na anu tinaloakonkumo aijo' memang totu'u. Iamo na Tumpu anu kuku hongo-hongo buke-buke' na kinyonyoangku, aijo'mo mompolele Lele Ma'ima' mongkona Anak-Nyo.

1 KORINTUS 9:16

Kalana de aijo' ola han mompolele Lele Ma'ima' lengkat mae hi Tumpu, tantu aku madi' ko hak kobubuun, kalana Tumpu nompalentahmo aku, da mompojalan aijo'. Silaka na aku de aku madi' mompolele Lele Ma'ima' aijo'!

KOLOSE 1:28

I Kristusmo atina' na anu opolele mami toka hi toto samian. Kami mompotuka' ka' mompagala hondo-hondo mompogulu' aha iwi-iwi'. Kahanda' mami aijo'mo da batu-batu mian timbali oboa hi Tumpu Allah, sumo mian anu motu'amo na pikilan i uno nu hahan rohani, kalana nosa'angu'mo tiba i Kristus.

KOLOSE 1:9

Mokonyo aijo' kami saja' mondo'akon komiu salatanmo pe'e kami nohongo komiu. Pinoita mami hi Tumpu, da Roh nu Tumpu Allah mombee'i kapandean ka' da mangalati', sahingga komiu monsumbu' totu-totu'u kahanda' nu Tumpu.

1 TESALONIKA 3:10

Sinaa ka' pihi okakase mami hi Ia nu kinyonyoa anu totu-totu'u da posi kami na singkabot tiba komiu da mompahaposampa' apaa na anu okahanda'i miu da palesayamo hi Kristus susumo anu sahondo-hondonyo.

2 TIMOTIUS 1:3

Aku montalima kase hi Tumpu anu binaungkumo na palentahnyo nu kinyonyoa anu ma'ima' sumo anu binaumo nu mompolee'ku naipuan mae. Aku saja' montalima kase hi Tumpu ka' ku inau' na beleyum i uno nu do'a, mau sinaa mau mule' pihi.

1 SAMUEL 12:19

Lantas notataemo na aha hi Samuel, “Tulungi mae kita Tuuma, do'akon mae na kami aiya hi Tumpu Allah nu belento da kami madi' silaka. Uuka aiya sinumbu'mo mami taalu' kami po'ule'mo nombau dosa susumo dosa' mami naipuan mae kalana nompoitamo samian na tomundo'.”

1 SAMUEL 8:6

Panyo i Samuel madi' sinanang na nohongo apaa na anu pinoita nu aha aijo'. Lantas ia binalado'amo hi Tumpu,