1 SAMUEL 12:22 - KITAB NU TUMPU ALLA LELE MA'IMAI'

²² Tumpu binasumpa'mo, tukoonyo, Ia madi' mompala'i belemiu kalana tinantukan-Nyomo da belemiu opotimbalimo mian anu palesayamo hi Ia.

1 SAMUEL 12:22 ပူးပေါင်းရင်းမြစ်များ

1 TOMU-TOMUNDO' 6:13

Aku jojoongmo i laigan anu binaumo nu beleyum aiya hi aha mian nu Israel anu pinalesayamo hi belengku. Madi'mo Ku pala'i na aha.”

1 TOMU-TOMUNDO' 8:57

O'amalakon da Tumpu Allah-nto montoa mae kita susumo Ia nonjagai mompolee'to, o amalakon da Ia madi' mompala'i kita.

2 TOMU-TOMUNDO' 14:27

Tumpu madi' ko kahanda' mompateimo Israel sampe toka sidu-sidutu', kalana aijo' tinulungan-Nyomo na aha, pinake-Nyo na i Tomundo' Yerobeam ko II nyo, nontulungi aha.

2 TOMU-TOMUNDO' 21:14

Mian anu daagi' jojoong i kiijo' Ku pojohokmo da timbali kaanon nu to bansa-bansa anu kahanda' mongewa ia, anu mompatundu'mo aha, ka' mompahahuhuakonmo lipu' nu aha.

1 TAWARIKH 28:9

Lantas i Daud notataemo hi Salomo, “O anaku, tionyo ahi' Tumpu Allah anu nu sombah nu tuuma nu beleyum na nu akui salaku Tumpu Allah nu beleyum. Beleyum tionyo ahi' montuluti hondo-hondo lengkat i uno nu kinyonyoa nu beleyum totu-totu'u. Kalana nu sumbu'mo nu Tumpu na pikilan ka' tanga'an nu kinyonyoanto. De beleyum molio Ia, nukabot na Ia, panyo de beleyum mompala'i Ia, ia madi'mo mongala beleyum sampe toka sidu-sidutu'.

2 TAWARIKH 15:2

Sahingga ia nambamo hi Tomundo' Asa, ka' notatae, “Belento o Tomundo' Asa tiba iwi-iwi' mian anu jojoong i Yehuda tiba mule' Benyamin' potombihing mae! Tumpu ohani hi belento de belento ohani hi Ia. De belemiu momoita pokinde' hi Tumpu, tantu nu bee'imo. Panyo de belemiu madi' montapali Ia, Ia mule' ahi' madi' suele montapali belemiu.

NEHEMIA 9:17

Aha madi'mo nohongo-hongo, iwi-iwi' na kanonongan nu Belento madi'mo pinajulian nu aha. Ka' iwi-iwi' na anu binaumo nu Belento oka-okabangangi madi'mo nu inau' nu aha. Kalana aha kinobubuunmo sahingga aha nompile'imo samian anu binau kapala, da momboa aha mamba i Mesir, ka' po ule'mo timbali posaihon. Panyo Belento Tumpu Allah sanang na kinyonyoa mongampuni, talalo hondo sabaan, manonong ka' mule' talalo hondo mongkalibosi. Kalibosan nu belento totu-totu'u madi' hondo ko gampanyo; Belento madi' nompojohok aha.

MAZMUR 106:8

Panyo pinosalamatmo nu Tumpu na aha kalana kapentingan nu butong-Nyo, da kabaanian-Nyo oponyata'mo.

MAZMUR 94:14

Kalana Tumpu madi' hondo mompala'i mian anu palesayamo hi Ia; ia madi' ola mompojohok anu tinimbalimo pusaka'Nyo.

NOSABATMO 32:12

De Belento monsilakaimo aha nutaloakonmo nu mian Mesir tukoonyo nu aha belento nolaya' mae bansa aijo' nosabat nolengkat mae i Mesir da opatei na aha i bungkutnyo ka' monsilakai aha iwi-iwi'. Boli sumo aijo'.

YESAYA 37:35

Kota' Yerusalem Kutinjohimo ka' Kujagaimo da bau kaholomatan-Ku ka' kalana monginau' palajanjian-Ku hi posaihon-Ku i Daud’ ”.

YESAYA 41:17

De bansang-Ku sisinoe'mo aijo' moliomo uee, ka' gogohong nu aha pakamo kalana negotmo, saba' Aku, Tumpu na montaamije do'a nu aha; Tumpu nu Israel na madi' ahi' mompala'i mian anu palesayamo hi Ia.

YESAYA 42:16

Bansang-Ku anu napisokmo Ku taka'mo montulu jalan anu madi' nu sumbu' nu aha; aha Ku taka'mo montulu jalan anu madi' nu sumbu' nu aha. Kapintungan Ku potimbalimo da majingka hi aha, ka' jalan anu milebo-lebok Ku pohatamo. Aijo'mo na anu Ku bau hi aha, ka' memang ahi' Ku baumo.

YESAYA 43:25

Panyo Aku ahi' Tumpu na nohapusmo dosa' nu beleyum, Aku mongampunimo beleyum kalana sumo aijo'mo nakinyonyoang-Ku; Aku madi'mo daagi' sola' monginau dosa' nu beleyum.

YESAYA 43:7

Kalana aha iwi-iwi' ilagamo i uno nu sanggong-Ku, aha pinotimbaling-Kumo da mompopodaka' Aku.”

YESAYA 48:11

Aijo' binaung-Kumo kalana kapentingan-Ku, kalana madi' Ku pojohok na sanggong-Ku ohumimi'i; kaholomatan-Ku madi' Ku bagi maumo pa' hihe.”

YESAYA 49:15

Tumpu nontaamimo mae, Ia notatae, “Tetoho' mule' samian na tina nu anak mongkolilimi anaknyo, ka' madi'mo mongkalibosi anak anu kinandungnyomo? Maumo ahi' ia na mongkolilimimo, panyo Aku na madi' ahi' mongkolilimi beleyum!

YESAYA 63:8

Tumpu notatae, “Memang aha aijo' mian anu palesayamo hi beleng-Ku to ana-anak anu madi' monsusa'i mae.” Sahingga Ia tinimbalimo anu Nomposalamatmo aha,

YEREMIA 14:21

Inau' na palajanjian nu Belento, boli mae o ambangi nu Belento na kami; palajanjian nu Belento tiba kami boli ahi' madi' opotimbali nu Belento. Yerusalem tampat kasuhangan nu Belento anu talasanggo hondo boli ahi' o ambangi nu Belento.

YEREMIA 14:7

Mian anu palesayamo hi beleng-Ku nomoitamo mae tulung, ‘O Tumpu, maumo ahi' dosa' mami montuukmo mae kami panyo paya' tulungiakon mae na kami susumo anu jinanji'mo nu Belento.

YEREMIA 14:9

Kadaka' Belento sumomo mian anu biningungmo; sumomo talenga' anu madi'mo moko ala montulungi? Panyo, memang tantu Belento aiya itotonga' mami, o Tumpu! Kami mian anu palesayamo hi Belento, boli ahi' nu pala'i nu Belento na kami!’ ”

MOHAANGI 5:20

Kadaka' Nu pala'i na kami sumo aijo'mo na kopinnyo? Ugaat beleyum mongkolilimimo mae kami sampe toka sidu-sidutu'?

YEHEZKIEL 20:14

Panyo aijo' madi' binaung-Ku kalana monginau' kaholomatan nu sanggong-Ku, da sanggong-Ku boli mae o'alu nu to bansa-bansa anu nontoa mae Aku nomboa mae aha Israel nosabat lengkat mae i Mesir.

YEHEZKIEL 20:9

Panyo aijo' madi' binaung-Ku da sanggong-Ku boli mae o'alu nu to bansa-bansa itampat kajojoongan nu aha. Kalana i ahop nu bansa haha aijo' Aku nombebakonmo tukoong-Ku bansa Israel Ku sabatakonmo lengkat i Mesir.

MALEAKHI 1:2

Tumpu notatae hi mian anu palesayamo hi Ia, “Aku mongkalibosi belemiu.” Panyo tinaaman nu aha, “Mosia na Tumpu mongkalibosi kami?” Tinaaman nu Tumpu, “Temisa' i Esau utus tu'a i Yakub? Panyo i Yakub na Ku kalibosi ahi',

MATIUS 11:26

Aijo'mo na anu momposanang kinyonyoa nu Tuuma.”

YOHANES 15:16

Misa' komiu na nompile'i Aku. Aku na nompile'i komiu, ka' nompokau komiu mamba da mimbua' mahampe – bua-bua' anu madi' ko kapa'idekannyo. Sahingga nubee'je i Tuuma hi komiu mau mule' apaa na anu opoita miu hi Ia de mompake sanggong-Ku.

ROMA 11:1

Aku mompokilawa: Apaa Tumpu nongalinmo mian-Nyo anu pinalesayamo? Tantu madi'! Aku pe'e mian nu Israel lee' mae i Abraham anu tinonsoop i bansa Benyamin.

ROMA 11:29

Kalana de Tumpu nompile'imo mian ka' mombalakatimo mian aijo', Tumpu madi'mo toho' po'ule' momadi'akon apaa na anu binau-Nyomo.

1 KORINTUS 4:7

Ihe na nompotimbali kita Utus molingkudui mian sangga'at? Te misa' iwi-iwi' apaa na anu i humpak nu kita Utus, lengkat hi Tumpu Allah? Jadi, kadaka' kahanda' mombuulakon butong, au'aitu apaa na anu daagi' hi kita Utus, aijo' misa' anu binee'?

EFESUS 1:12

Bakas, da kita na momonanyo taha'iman hi Kristus, mompuji' Tumpu kalana Ia talasanggo.

EFESUS 1:6

Puji' na Tumpu anu talalo talasanggo kalana palesaya hi Anak-Nyo anu nu nukanonongi hondo, Ia suele nongkalibosimo hondo kita.

PO'ULE' INGULIT 14:2

Belemiu anumo nu Tumpu Allah nu belemiu; iwi-iwi' na bansa i dunia aiya, belemiumo na pinile'an nu Tumpu Allah da timbalimo mian anu palesayamo hi Ia.”

PO'ULE' INGULIT 31:17

De aijo' obaumo, Ku tambuha'imo hondo-hondo na aha. Aha Ku pala'imo ka' Ku pateimo. Manjoo' na balaa' anu okabuhuk, montokaimo aha, lantas aha sinsumbu'je, ka' motatae taalu' anu jinadimo aijo' kalana Aku, Tumpu Allah nu aha madi'mo daagi' monsangaja'i aha.

PO'ULE' INGULIT 31:6

Tionyo ahi' kinyonyoa nu belemiu opohoson ka' tionyo ahi' baani. Boli okabuhuk na aha kalana nutulungije nu Tumpu Allah nu belemiu na belemiu. Ia madi' ola mompojohok belemiu sahingga belemiu mompele-pele'mo, kabai mompala'i belemiu.”

PO'ULE' INGULIT 31:8

Tumpu na momboa ka' montulungi beleyum. Ia madi' ola mompojohok belemiu sahingga belemiu mompele-pele'mo kabai mompala'i beleyum. Kalana aijo' boli mabuhuk kabai bata-bata.”

PO'ULE' INGULIT 7:6

Bau na iwi-iwi' aijo' kalana belemiu anumo nu Tumpu Allah nu belemiu. Iwi-iwi' na bansa anu i dunia aiya belemiumo na anu pinile'anmo nu Tumpu Allah nu belemiu da timbalimo mian anu palesayamo ka' talasanggo.

FILIPI 1:6

Posi Tumpu na nontampu'uni kalaja anu ma'ima' aijo' hi belemiu, ka' kupalesaya totu-totu'u Ia na molausakon kalaja aijo' sahingga toka i Sinaanyo de i Kristus mompo'ule'mo toka.

IBRANI 13:5

Boli kantumuu'an miu mongka'ima'i doi na mongkuasai, panyo tionyo ahi' komiu mongoa'i sukupmo tiba apaa na anu daagi'mo hi belemiu. Kalana Tumpu notataemo, “Aku madi' mompojohok kabai mompala'i beleyum.”

YOSUA 7:9

Mian nu Kana'an ka' iwi-iwi' mian sangga'at i da'erah aiya mohongomo apaa na anu jinadimo aijo'. Aha montumbuhimo mae ka' mompateimo kami iwi-iwi'! Lantas apaamo na anu obau nu belento Tumpu da kita sabole-bole ahi' o angga'i?”

1 PETRUS 2:9

Panyo belemiu bansa anu pinile'anmo, to ima-imam anu mohongo ka' mombau palentah nu tomundo, bansa anu susi' matungka' bau kapentingan nu Tumpu, mian anu nu Tumpu. Tumpu Allah nompile'imo belemiu ka' nolagamo belemiu nosabat mompala'i mae kapintungan da minsoop i uno nu jingka-Nyo anu lonyingkaban, kahanda'nyo da belemiu mombebakon lele mongkona apa-apaa na anu binau-Nyomo anu madi' opoko lingkudui.