1 SAMUEL 12:21 - KITAB NU TUMPU ALLA LELE MA'IMAI'

²¹ Boli montuluti to pilo-pilogot anu madi'moko ala montulungi ka' momposalamat belemiu, kalana aha sabenannyo imadi'an.

1 SAMUEL 12:21 ပူးပေါင်းရင်းမြစ်များ

2 TOMU-TOMUNDO' 17:15

Israel ka' Yehuda madi' mongka'oho' montuluti iwi-iwi' na palentah nu Tumpu ka' madi' montuluti palajanjian anu binauNyomo tiba mompolee' nu aha. Aha madi' montapali to poki-pokinde'Nyo, panyo ola ahi' monsombah to pilo-pilogot anu madi' ko gunanyo, sahingga aha suele madi'mo ko gunanyo. Aha nombatukimo sonto' apaa na anu nu bau nu to bansa-bansa anu mompaha ohani aha, mau mule' Tumpu nontewa'mo.

YESAYA 41:29

Memang pilogot haha aijo' madi' kogunanyo, aha na ola ahi' patong anu sinuang anu madi' moko ala mongkohenggo, ka' madi' ahi' moko ala mombau apa-apaa.”

YESAYA 45:20

Tumpu notatae, “Sihukmo ka' tokamo mae hingga-hinggat, belemiu iwi-iwi' anu madi' pinatean nu to bansa-bansa! Ponga' ahi' na to mia-mian anu molondakon patong kau' ka' balado'amo hi to pilo-pilogot anu madi' moko ala momposalamat.

YESAYA 46:7

Patong aijo' pinaku'mo ka' pino una'mo itampatnyo, ia tuminjo'mo ikiijo' ka' madi' ahi' moko ala molalin. De mian tokamae balado'a hi ia, ia madi' montaami, ka' madi' ahi' momposalamat mian aijo' da madi'mo susa'.

YEREMIA 10:15

Pilogot haha aijo' madi'mo ko halaga'nyo, pantasmo ahi' na oletakon ka' lewa' o, alu. De tokamo mae na tempo'nyo aha opateimo.

YEREMIA 10:8

Ponga' ka' waweng na aha iwi-iwi' kalana pilogot nu aha ola kau' samata-mata madi' moko ala mompogulu' anu kogunanyo.

YEREMIA 14:22

Pilogot nu to bansa-bansa madi' moko ala montudunakon ujan i tano'. Langit suele imadi' ahi' moko ala mombubusakon ujan nu posi kuasanyo. Ola-olanyomo ahi' Belento na anu otaha'imani mami. Belento na nombau aijo' iwi-iwi' sampe jinadi.

YEREMIA 16:19

O Tumpu, Belentomo na nonjagaimo mae aku ka' nombee'imo mae kahosonan hi belengku; Belento nontulungimo mae aku tempo'nyo i uno nu kasusa'an. To bansa-bansa lengkat mae ipuus nu tano' tokamo mae hi Belento ka' motatae, “Mompolee' mami daagi' ko pilogot anu madi' totu'u ka' madi' ahi' hondo-hondo kokaliangannyo.

YEREMIA 2:13

Mian anu palesayamo hi belengku nombaumo ohua' na ngahan nu dosa': aha nohikumo mae Aku, mata nu uee anu mombee'i kantumuu'an hi manusia; aha nombaumo kolam nu butong nu aha, kolam anu losut madi' moko ala montahan ueenyo.”

YEREMIA 2:5

Tumpu notatae, “Kasala'an apaa na anu tinoa nu mompolee' nu belemiu hi beleng-Ku, sahingga aha pinalagantamo mae hi beleng-Ku? Aha pagala nolio pilogot anu madi' ko angga'nyo ka' ahennyo posi ahamo ahi' na na ambang.

YUNUS 2:8

To mia-mian anu monsombah pilogot anu madi' ko gunanyo nompala'imo Belento ka' madi'mo daagi nontuluti Belento.

YUNUS 2:9

Panyo aku monyanyiakonmo bau pompuji Belento ka' kusombahkonmo na koloban hi Belento. Batu-batu anu jinanji'kumo ku sidahimo Belentomo na Tumpu anu momposalamat.”

HABAKUK 2:18

Kinutukan nabeleyum! Beleyum notataemo hi sangkolong na kau', “Pobulamo!” kabai hi batu anu daka' hondo, “Tinjomo!” Te moko ala na patong sa'angu' montaeakon apa-apaa hi beleyum? Maumo patong aijo' ilapisan nu mosoni' tiba salaka, panyo madi' ahi' ko nyawanyo. Apaa na gunanyo patong nu pilogot? Aijo' ola manusia na nombau. Anu nu humpak hi ia ola ahi' anu madi' totu'u. Ola palasuma na kapalesaya'an nu mian anu mombau bapilogotan anu pinosi bau nu limanyo anu madi' moko ala motatae aijo'.

SISIKON NU TO RASUL-RASUL 14:15

“Ee, kadaka' komiu mombau aiya? Kami aiya mule' mian sumo-sumomo kita Utus! Kami toka aiya da mompolele Lele Ma'ima' hi komiu, da komiu mompala'i hahan anu madi' ko gunanyo aiya ka' toka hi Tumpu anu tumuu', anu nompotimbalimo langit ka' tano' ka' ambai ka' iwi-iwi' anu daagi' i unonyo.

1 KORINTUS 8:4

Han painggaga mongkaan kaanon anu sinombahkonmo hi pilogot, osumbu'to saba' te pilogot monggambanakon apa-apaa anu sabenannyo i madi'an. Ka' osumbu'to mule' saba' Tumpu ola sa'angu'; madi' ko sangga'atannyo.

PO'ULE' INGULIT 11:16

Boli belemiu mongka'oho' opojo'on hi Tumpu da monsombahmo ka' palesayamo hi to pilo-pilogot sangga'at.

PO'ULE' INGULIT 30:17

Panyo de belemiu madi' tulu-tulutan, ka' madi' mongka'oho' mombau anu pinalentahkon-Nyomo ka' mompojohokmo butong nu belemiu da timbalimo ponga' kalana monsombahmo to pilo-pilogot sangga'at,

PO'ULE' INGULIT 32:21

Aha nonsaduakon aku da nontambuha'i anu misa' Tumpu Allah, ka' nontambuha'imo patong nu bapilogotan nu aha. Sahingga Ku potimbalimo na mian anu pinalesayamo hi beleng-Ku da mongka'idekimo anu misa' bansa, ka' montambuha'i bansa anu ponga'.