1 SAMUEL 12:11 - KITAB NU TUMPU ALLA LELE MA'IMAI'

¹¹ Lapas aijo' Tumpu nonsaimo i Gideon, lapas aijo' i Barak, ka' lapas aijo' mule' i Yefta, ka' imihinyo mae akumo. Kami toto samian nompobebasmo belemiu da boli nu poposia nu sampo bali' nu belemiu sahingga belemiu noko alamo tinumuu' madi'mo ko anu nompoposia.

1 SAMUEL 12:11 ပူးပေါင်းရင်းမြစ်များ

2 TOMU-TOMUNDO' 13:5

Tumpu nombe'imo samian anu bau molaya' hi aha mian nu Israel anu molapasakon aha i kakuasa'an nu Siria sahingga aha tumuu' madi'mo ko anu mompoposia susumo u'utu mae.

1 TAWARIKH 7:17

I Ulam kino anak mo'ane samian sanggonyo i Bedan. Aijo'mo na lee' i Gilead anak i Makhir makumpu i Manasye.

TO MIA-MIAN KOPIAN 4:6

Daagi' kino sansinaan ia nompokaumo mian molaga i Barak, anak i Abinoam anu kiijo' mae i kota Kedes i da'erah Naftali. Lantas pinoto'inyomo hi Barak, “Sumo uuka na palentah nu Tumpu, Tumpu Allah nu Israel toka hi beleyum; 'Posihuk na to momo'ane 10.000 na mian anu hi aha tulunan i Naftali tiba hi Zebulon, ka' oboa na aha i Bungkutnyo nu Tabor.

TO MIA-MIAN KOPIAN 6:14

Lapas aijo' Tumpu nombee'imo palentah aiya hi Gideon, “Tiba kahosonan ka' kabaanian nu beleyum iwi-iwi', lako'mo lapasakon na mian nu Israel da bolimo nukuasai nu mian Midian. Akumo na anu nompokau beleyum.”

TO MIA-MIAN KOPIAN 6:31

Panyo tinaaman i Yoas hi aha iwi-iwi' anu nongka'idekimo aijo', “Pa' belemiu mongka'ima'i Baal ka' monsangaja'imo ia? Ihe na monsangaja'i ia opateimo sinaa aiya! De memang Baal aijo' Tumpu Allah yo bakas da ia mosi sangaja'ije butongnyo, kalana anu ingideanmo aijo' mezbahnyo.”

TO MIA-MIAN KOPIAN 6:32

Kalana i Yoas notatae, “Pojohok da i Baalmo na mongewa i Gideon, kalana ia nongideimo mezbahnyo,” sahingga nolengkat pe'e i aijo' mian nonsanggohimo i Gideon “Yerubaal”.

TO MIA-MIAN KOPIAN 7:1

Daagi' kino sansinaan i Gideon tiba to sanga-sangalunyo iwi-iwi' nobulamo subu-subu hondo. Aha nambamo ka' nombaumo kemah koko bulakan nu uee Harod. Pinombauan kemah nu mian Midian i sasu utara i tampat nu aha aijo', i bangka'nyo koko Bungkutnyo nu More.

TO MIA-MIAN KOPIAN 8:29

Noko pahampate aijo', i Gideon ninsusule'mo i kampung kinahampeannyo ka' jinojoongmo ikiijo' mae.

TO MIA-MIAN KOPIAN 8:35

Aha mule' madi' monginau' ka' mombalosakon kanonongan nu aha sa'anakan i Gideon mongkona hahan anu ma'ima' anu binaumo i Gideon hi aha mian nu Israel.

1 SAMUEL 3:20

Mokonyo aijo' iwi-iwi' na aha mian Israel anu i songko-songko na lipu' mongakuimo i Samuel nabi nu Tumpu. De motataemo na i Samuel iwi-iwi' na bansa Israel mompotombihingmo. Tumpu daagi saja manintoa kiijo' i Silo, anu momonanyo Ia nanintoamo hi Samuel ka' notataemo hi ia.

1 SAMUEL 7:13

Sumo aijo' na aha mian nu Filistin ihungku'an. Tumpu madi'mo nompobee' aha ninsoop i daerah Israel, tempo'nyo i Samuel daagi tutuu'.