1 SAMUEL 11:8 - KITAB NU TUMPU ALLA LELE MA'IMAI'

⁸ Bansa Israel mongkabuhuk apaa na anu saidi mae nu bau nu Tumpu, sahingga iwi-iwi' na mian madi' ko samiannyo, nogogaumo, mamba mahampate hingga-hinggat. Aha pinosihukmo ka' binilangmo kiijo' i Bezek: Aha 300.000 na mian nu Israel, ka' 30.000 na aha mian nu Yehuda.

1 SAMUEL 11:8 ပူးပေါင်းရင်းမြစ်များ

2 SAMUEL 24:9

ka' pinoto'imo nu aha hi tomundo' na konjoo'nyo anu i lekenmo aijo'. Konjoo'nyo nu to momo'ane anu timbali o'ala bau suludadu, aha 800.000 na mian hi aha Israel ka' 500.000 na mian hi aha Yehuda.

2 TOMU-TOMUNDO' 3:6

Kalana aijo' i Tomundo' Yoram sampamo nompala'i Samaria ka' nambamo nompaha tipaha'i iwi-iwi' na suludadunyo anu mahampate.

TO MIA-MIAN KOPIAN 20:2

Iwi-iwi' konjoo'nyo 400.000 na suludadu anu i lumajang tengke. To pola-polaya' nu aha tulunan nu bansa Israel suele tinoka ikiijo'.

1 SAMUEL 11:9

Lapas aijo' pinoto'imo hi mian anu sinai mae lengkat i Yabesh sumo uuka, “Poto'i hi aha mian nu Yabesh, dodop daagi subu-subu ma'isa pe'e sonsu'un na sinaa ko anumo montulungi aha.” Salatan aha mian nu Yabesh nohumpakmo potuunon aijo' aha sinanangmo hondo.

1 SAMUEL 13:15

Lapas aijo' i Samuel nompala'imo Gilgal ka' nambamo lau-laus i Gibea i daerah nu aha mian Benyamin. Tempo'nyo aijo' i Saul nambamo nontoa suludadunyo, konjoo'nyo kila-kila aha 600 na mian.

1 SAMUEL 15:4

Lantas pinosadiamo i Saul na suludadunyo ka' i lekengnyomo ikiijo' i Telaim; aha 200.000 na suludadu lengkat hi aha Israel, ka' 10.000 na mian lengkat hi aha Yehuda.