1 SAMUEL 11:15 - KITAB NU TUMPU ALLA LELE MA'IMAI'

¹⁵ Jadi nambamo na aha iwi-iwi' i Gilgal, ka' kiijo' i tampat ponsomban, i Saul pinotantumo salakumo tomundo'. Aha nonsombahkonmo koloban anu bau pompodame, ka' mule' i Saul tiba iwi-iwi' na bansa Israel nolame'akonmo apaa na anu jinadimo aijo'.

1 SAMUEL 11:15 ပူးပေါင်းရင်းမြစ်များ

2 SAMUEL 19:15

Lantas nambamo na i tomundo' ka' salatan tinokamo i Kaunyo nu Yordan tempo'nyo aitu mian nu Yehuda haha aijo' tinokamo mae i Gilgal da molabot i tomundo' ka' monsangalui ia motaap i kaunyo aijo'.

NOSABATMO 24:5

Lantas i Musa nonsaimo to pia-piangkuka na olitau ka' aha nonsombahkonmo koloban anu otunui bau bagi nu Tumpu, ka' mule' nongkolotmo to pia-piangkuka na sapi' da bau koloban paladamean.

YAKOBUS 4:16

Panyo uuka aiya komiu ko tige-tige ka' buulon. Iwi-iwi' anu okabubuulakon sumo aijo' sala'.

1 SAMUEL 10:17

Lantas i Samuel nolagamo aha mian da'isan Israel da sihuk i Mizpa,

1 SAMUEL 10:24

Lapas aijo' i Samuel notataemo hi aha mian da'isan, “Aiyamo na mian anu pinile'anmo nu Tumpu, madi' ko anu pokakana aiya hi kita iwi-iwi.” Iwi-iwi' na bansa haha aijo' nolobo'akonmo, “Higahiakon mae na i tomundo'!”

1 SAMUEL 10:8

Lapas aijo' beleyum tionyo ahai' mambamo i Gilgal ka' otanda'i kiijo' mae pitunsinaa. Tokaje na aku monsombahkon koloban bau pompodame ka' mompoto'i hi beleyum apaa na anu tionyo ahi' nu bau nu beleyum.”

1 SAMUEL 12:1

Lantas notataemo na i Samuel hi aha bansa Israel iwi-iwi'. “Pinopo'ii'kumo na anu pinoitamo nu belemiu ka' nohangkatmo samian na anu bau tomundo' nu belemiu.

1 SAMUEL 12:17

Kupoitakonje hi Tumpu sahingga maumo uuka tempo'mo nu posinaa, nu tudunakonje nu Tumpu na gohung tiba ujan salaku bau pontaami-Nyo do'angku. Tokaje na tempo'nyo aijo' belemiu sinsumbu'je mosia na kodaka'nyo na dosa' nu belemiu hi Tumpu kalana nompoitamo samian na tomundo.”

1 SAMUEL 8:19

Panyo bansa Israel haha aijo' madi'mo mongka'oho mompajuli potatae i Samuel, ola mule' ahi' aha notatae, “Bakasmo! Maumo pa' mosia kami mongkahanda'imo tomundo'.