1 SAMUEL 11:14 - KITAB NU TUMPU ALLA LELE MA'IMAI'

¹⁴ Lantas notataemo na i Samuel hi aha, “Imbo' da kita iwi-iwi' mambamo i Gilgal ka' mompatantumo i Saul da baumo ahi' tomundo'to.”

1 SAMUEL 11:14 ပူးပေါင်းရင်းမြစ်များ

2 SAMUEL 19:15

Lantas nambamo na i tomundo' ka' salatan tinokamo i Kaunyo nu Yordan tempo'nyo aitu mian nu Yehuda haha aijo' tinokamo mae i Gilgal da molabot i tomundo' ka' monsangalui ia motaap i kaunyo aijo'.

AMOS 5:5

Boli mamba mokiijo' i Bersyeba da mogaleja. Boli molio Aku kiijo' i Betel, kalana Betel saidi madi'mo. Boli suele mamba mokiijo' i Gilgal, kalana anu jojoong i kota' aijo' oboamo i tampat pompojoongan.”

1 SAMUEL 10:8

Lapas aijo' beleyum tionyo ahai' mambamo i Gilgal ka' otanda'i kiijo' mae pitunsinaa. Tokaje na aku monsombahkon koloban bau pompodame ka' mompoto'i hi beleyum apaa na anu tionyo ahi' nu bau nu beleyum.”

1 SAMUEL 12:1

Lantas notataemo na i Samuel hi aha bansa Israel iwi-iwi'. “Pinopo'ii'kumo na anu pinoitamo nu belemiu ka' nohangkatmo samian na anu bau tomundo' nu belemiu.

1 SAMUEL 5:3

Salatan dodododopnyo subu-subu aha mian nu Asdod tinokamo i ponsomban aijo' tinoa nu aha patong Dagon nanabu'mo daha-dahapa i tano' i ahop nu Peti' Palajanjian nu Tumpu! I hangkat nu aha na patong aijo' ka' poule' pino ana'nyo i tampatnyo.

1 SAMUEL 7:16

Sataun toka sataun ia mamba monsongkohi Betel, Gilgal, tiba Mizpa. Ka' itampat haha aijo' ia mongulus palakala po ualian sampe jadimo ma'ima'.