1 SAMUEL 11:13 - KITAB NU TUMPU ALLA LELE MA'IMAI'

¹³ Panyo i Saul notatae, “Mau ola samian madi' timbali opatei sinaa iya, kalana Tumpu sinaa aiya nomposalamatmo mian nu Israel.”

1 SAMUEL 11:13 ပူးပေါင်းရင်းမြစ်များ

2 SAMUEL 19:22

Panyo i Daud notatae i Abisai, ka' hi Yoab utusnyo tu'a, “Boli mae monggalo'i pikilanku. Kadaka' belemiu momposusa'mo mae aku? Sinaa aiya aku po ule'mo binau tomundo' nu aha Israel ka' madi'mo timbali ko mian nu Israel anu ohukum mate.”

2 SAMUEL 19:23

Lapas aijo' binasumpa'mo na i tomundo' da nu hongo i Simei, “Aku mangaku monjagai beleyum da madi'mo mohumpak hukuman mate.”

2 SAMUEL 23:10

i Eleazar na sabole-bolemo nahampate ka' nompateimo mian nu Filistin sahingga ia nalawemo hondo. Limanyo i hojokmo sahingga ia madi'mo noko ala nongkakabasakon bajaknyo. Sinaa aitu Tumpu nombee'mo ka untungan nahampate anu daka' hondo hi aha mian nu Israel. Gombuan nu suludadu nu aha Israel anu tinolo ule'mo ninsusule' nokiijo' i tampat pinahampatean i Eleazar. Lantas lewa'mo nongukatakon baju' anu pinusok nahampate nu to bangke-bangke' haha aijo' ikiijo'.

NOSABATMO 14:13

Tinaaman i Musa, “Boli mabuhuk! Saba-sabanmo! Otoaje nu belemiu na kasalamatan anu nubee' nu Tumpu hi belemiu. Mian nu Mesir anu otoa nu belemiu uuka aiya, madi'mo daagi' otoa nu belemiu.

NOSABATMO 14:30

Sinaa aijo' Tumpu nomposalamatmo bansa Israel tempo'nyo aha tinumbuhanmo nu aha mian Mesir, ka' aha nontoamo to bangke-bangke' nu aha mian Mesir singkapmo tinosasa i biwi nu bone'.

YESAYA 59:16

Ia binangangmo kalana madi'mo ko anu tinolo aiha' ka' madi'mo ko anu nonsangaja'i. Sahingga nosi alamo kuasa-Nyo na Ia da momposalamatmo ka' mombee'imo aha kamenangan.

1 KORINTUS 15:10

Panyo kalana balakat nu Tumpu aku tinimbalimo susumo tinuu'ku uuka aiya. Ka' madi' pinalasuma na Tumpu nongampunimo aku. Pakalaus aku ahi' na mokalaja lebe makeke molingkudui rasul kanjoo'annyo sangga'at. Panyo sabenannyo aijo' misa' usahangku; aijo' usaha nu Tumpu anu mongkalibosi aku ka' mokalaja hingga-hinggat ka' aku.

1 SAMUEL 10:27

Panyo to pia-piangkuka na mian anu ma'idek na kinyonyoanyo notatae, “Te kokaliangannyo mule' na mian aiya hi kita?” Aha madi' mongadati i Saul ka' madi' mombee'i palasen apa-apaa hi ia. Panyo ia mingadi-adi'au' aitu madi' nu sumbu'.

1 SAMUEL 14:45

Panyo mian da'isan notataemo hi Saul, “Te toho' mule' i Yonatan na mohumpak hukuman osilakai? Yo aitu iamo na nomboa mae ka'untungan nahampate anu daka' aiya? Madi'! Kami bajanji' tiba sanggo nu Tumpu anu tumuu', saba i Yonatan madi' timbali mohudu' na ubaknyo mau pe'e ola sahamba. Kalana ola samata-mata ola Tumpu na nontulungi sahingga ia nohumpakmo ka'untungan na nahampate sinaa aiya.” Sumo aijo' na i Yonatan pinotumuu' nu aha mian da'isan da boli nohumpak hukuman o silakai.

1 SAMUEL 19:5

Ia nombatoni'akonmo nyawanyo tempo'nyo ia kahanda'mo mompatei i Goliat ka' Tumpu nombee'mo ka untungan nahampate anu daka' hondo hi Israel kalana ia. Belento Tuumangku nontoamo apaa na anu jinadimo aijo', ka' belento Tuumangku binilahimo tempo'nyo aitu. Jadi kadaka' uuka aiya belento Tuumangku kahanda'mo mongkabisa'i mian nau madi' kosala'nyo, ka' kahanda'mo mompatei i Daud anu madi' kosala'nyo apa-apaa?”