1 SAMUEL 11:1 - KITAB NU TUMPU ALLA LELE MA'IMAI'

¹ Lapas aijo' i Nahas tomundo' nu aha mian nu Amon nompalentahmo suludadunyo ka' nontumbuhimo kota Yabesh idaerah Gilead. Mian anu jojoong i Yabesh nompoitamo hi Nahas, de timbali, “Pombau mae palajanjian tiba kami da kami tulu-tulutan hi palentah nu belento.”

1 SAMUEL 11:1 ပူးပေါင်းရင်းမြစ်များ

KAJADIAN 26:28

Lantas tinaamanmo nu aha, “Uuka aiya sinumbu'mo mami taalu' Tumpu monjagai beleyum ka' kami binapikinmo lebe ma'ima' kita balajanji'mo. Basumpa'mo

2 SAMUEL 10:1

Madi' pinin ilapas na aijo', i Nahas tomundo' nu aha mian Amon sinilakamo, ka' i Hanun anaknyo momo'ane i hangkatmo binau tomundo'.

2 SAMUEL 10:2

Lantas notataemo na i Tomundo' Daud, “I Nahas bela'ku anu manonong hondo. Jadi aku mule' tionyo mobela'mo ahi' tiba i Hanun anaknyo.” Kalana aijo' i Daud nonsaimo mian namba ilipu' Amon da mohase i Hanun kalana tuumanyo sinilakamo.

2 SAMUEL 17:27

Salatan i Daud tinokamo i Mahanaim, ia ilalabotmo i Sobi anak i Nahas anu nolengkat mae ikota' Raba kiijo' i Amon, ka i Makhir anak i Amiel anu nolengkat mae i Lodebar, ka' i Barzilai anu nolengkat mae i Rogelim anu kiijo' mae i Gilead.

2 SAMUEL 2:5

ia nonsaimo mian namba nokiijo' da mompotoka potuunon, “O'amalakon da Tumpu mombalakati belemiu kalana belemiu nompotoamo kanonongan nu belemiu hi tomundo' nu belemiu, nolamunmo bangke'nyo.

1 TOMU-TOMUNDO' 20:34

Lantas notataemo na i Benhadad hi ia, “Ku sule' akonmo hi belento Tuan na kota iwi-iwi' anu i ngalamo nu tuumangku hi tuuma nu belento Tuan. Belento Tuan timbalimo ahi mombau puso nu badagangan i kota Damsyik susumo anu binaumo nu tuumangku kiijo' i Samaria.” Tinaaman i Ahab, “Kalana nojanji'mo na belento Tuan sumo itina', sahingga ku pobebasmo na belento Tuan.” Lapas aijo' nombaumo palajanjian na i Ahab tiba i Benhadad lantas pinobebasnyomo na ia.

1 TAWARIKH 10:11

Salatan i hongomo nu mian anu jojoong i kota' Yabes, i da'erah Gilead apaa na anu binaumo nu aha mian Filistin hi Saul,

1 TAWARIKH 10:12

mian anu toto babaani hondo kiijo' hi aha nambamo nongala bangke' i Saul tiba bangke' nu to ana-anaknyo anu to momo'ane lantas binoamo nu aha i Yabes. I lamunmo nu aha na ia i patu nu sa'angu' na kau' anu daka', lapas aijo' aha binapuasa'mo ingipitun na kinopinnyo.

AYUB 41:4

Te ia timbali mombau kasangaja'an tiba beleyum, ka' mojanji' saja' mompopi'i' apaa na anu nukahanda'i nu beleyum?

NOSABATMO 23:32

Boli mombau palajanjian tiba mian haha aijo' kabai to pilo-pilogot nu aha.

YESAYA 36:16

Boli mohongo i Hizkia! Aku, tomundo' nu Asyur mompoto'i da belemiu mosabat mae atina' ikota' ka' mangakumo kalah. Da belemiu timbali mongkaan bua' nu anggur anu i, ale' nu belemiu ka' monyamit bua' nu ara anu pinosi su'an nu belemiu ka' mule' monginum uee anu iposi bubung nu belemiu,

YEREMIA 40:11

Tempo'nyo aitu iwi-iwi' na mian nu Israel anu jojoong ilipu' Moab, Amon, Edom, tiba ilipu sangga'at nohongomo mae taalu' i tomundo' Babel nompobee'mo sambagian na aha mian nu Israel jojoong i Yehuda ka' mule' taalu' ia nohangkatmo i Gedalya binau gubernur.

YEREMIA 40:14

ka' notatae, “Pa' sinumbu'mo nu beleyum na i Baalis tomundo' nu aha Amon nompalentahmo i Ismael da mompateimo beleyum?” Panyo madi' pinalesaya i Gedalya na potatae nu aha aijo'.

YEHEZKIEL 17:13

Lantas ia nompile'imo sala'samian na poto utusan mae nu tomundo' Yehuda ai-aijo', ka' nombaumo palajanjian tiba ia, ka' nompokaumo ia binasumpa' da montulutimo ia. Tomundo' nu aha Babel aijo' nontahanmo mian anu toto penti-penting haha aijo',

PO'ULE' INGULIT 23:3

Mian nu Amon ka' Moab tiba lee'nyo nu aha sampe lapisannyo anu ko sampulu'nyomo madi'mo timbali minsoop mian anu pinalesayamo hi Tumpu,

TO MIA-MIAN KOPIAN 10:7

Kalana aijo' Tumpu nontambuha'imo aha mian nu Israel, sahingga pinojohok-Nyomo na bansa Filistin tiba bansa Amon nongkuasaimo aha.

TO MIA-MIAN KOPIAN 11:4

Manga-manga mian nu Israel tinumbuhanmo nu aha mian Amon.

TO MIA-MIAN KOPIAN 21:8

Sahingga pinaha pokilawamo nu aha pa' daagi' ko sa'angu' na tulunan nu bansa Israel anu madi' namba sinihuk i Mizpa. Jadi salatan sinumbu'mo nu aha taalu' aha mian nu Yabea i daerah Gilead na madi' i namba i Mizpa.

1 SAMUEL 12:12

Panyo salatan belemiu nontoamo taalu' belemiu nu tumbuhimo i Nahas tomundo' nu aha Amon, belemiu madi'mo nongakui Tumpu salaku tomundo' nu belemiu ka' nompoto'imo hi belengku, 'Kami mongka'oho' mo da opalentahmo nu samian na tomundo.'

1 SAMUEL 14:47

Salatan i Saul tinimbalimo tomundo' nu aha Israel, ia nahampatemo iyaya mae nongewa iwi-iwi' na sampo bali' nu aha Israel, aijo'mo mian nu aha Amon tiba mian nu aha Edom, to tomu-tomundo' nu aha lipu' Zoba ka' mian nu aha Filistin. Mau iya mae na pahampateannyo ia saja' mohumpak ka untungan na mahampate.