1 SAMUEL 10:22 - KITAB NU TUMPU ALLA LELE MA'IMAI'

²² Kalana aitu to mia-mian nompokilawamo hi Tumpu, “O Tumpu, ugaat mian utu daagimo ko anu i aiya?” Tinaaman nu Tumpu, “I Saul natisulukmo kaiyong mae i padut i tampat pompo'una'an to paka-pakakas posadiaon.”

1 SAMUEL 10:22 ပူးပေါင်းရင်းမြစ်များ

KAJADIAN 25:22

Ia pinoboa anak i hapi', ka' ma'isa pe'e anak haha aijo' i hampe', aha nongkohenggomo i uno nu ma'alumnyo. I Ribka notataemo, “Kadaka' han aiya jinadimo mae hi butongku?” Lantas ia nompoitamo tanga'an hi Tumpu.

2 SAMUEL 2:1

Lapas aijo' i Daud nompokilawamo hi Tumpu, “Pa' kita Tumpu mongka'oho'aku mamba mongkuasai sala'sa'angu' na kota' i Yehuda?” “Ii',” Tinaaman nu Tumpu. Pinokilawa i Daud “Kota' anu iya mae?” “Hebron,” na koonyo nu Tumpu.

2 SAMUEL 21:1

Tempo'nyo i Daud daagi' nompalentah tinokamo na balaa' kasusa'an i anu okaan tinotolu' na taun na kinopinnyo. Lantas i Daud nomoitamo pokinde' hi Tumpu pa' mosiamo na han anu sumo aijo', jadi pinoto'imo nu Tumpu, “Balaa kasusa'an i anu okaan atina' kalana kasala'an i Saul tibamo aha sa'anakan, aha nompateimo to mia-mian nu Gibeon.” (

NOMBILANGMO 27:21

I Yosua tionyo ahi' mompoita pokinde' hi Imam Eleazar, ka' i Eleazar tionyo ahi' mompokilawa hi beleng-Ku mosia na pongka'oho'-Ku monggunakon Urim ka' Tumim. Tiba jalan anu sumo aijo', na i Eleazar mompotiju' i Yosua ka' hi iwi-iwi' na bansa Israel ka' iwi-iwi' mule' na han anu nu ahopi nu aha.”

LUKAS 14:11

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

TO MIA-MIAN KOPIAN 1:1

Salatan i Yosua sinilakamo, aha mian nu Israel nompokilawamo hi Tumpu, “O Tumpu, tulunan nu bansa ihe anu aiya hi kami na tionyo ahi' momona mamba montumbuhi aha mian Kana'an?”

TO MIA-MIAN KOPIAN 20:18

Suludadu nu mian Israel aijo' nambamo i tampat ponsomban nu aha Tumpu kiijo' mae i Betel, ka' nompokilawamo hi Tumpu Allah, “O Tumpu, tulunan nu bansa ile na aiya hi kami na momona mamba montumbuhi aha mian nu Benyamin?” Tumpu nontaami, “Tulunan nu bansa Yehuda.”

1 SAMUEL 10:21

Salatan to au-auan nu tulunan nu bansa Benyamin aijo' pinokaumo nokiijo' i ahop, lantas auan i Matri na kinonanyo salatan nompile'imo. Lapas aijo' nokiijo'mo na to momo'ane anu hi auan i matri, ka' i Saulmo anak i Kish na kinonanyo salatan nompile'imo. Lantas iliomo nu aha na i Saul panyo madi' ko ianyo.

1 SAMUEL 14:37

Lantas pinokilawamo i Saul hi Tumpu Allah, “Pa' timbali na aku montumbuhimo aha mian nu Filistin?” Pa' aha obee'mo nu belento hi aha mian nu Israel? Panyo sinaa aijo' madi' tinaaman nu Tumpu Allah.

1 SAMUEL 15:17

I Samuel notataemo, “Te misa' belento Tomundo' tinimbalimo pamalentah hi aha to tulu-tulunan nu bansa Israel maumo ahi' belento Tomundo'mongakui butong nu belento madi' penting? Belento Tomundo' pinile'anmo nu Tumpu da timbali Tomundo hi aha Israel.

1 SAMUEL 22:10

I Ahimelekh nompoitamo pokinde' hi Tumpu pa' apaa na anu tionyo ahi' nu bau i Daud. Ka' mule' i Daud binee'anmo mantu tiba bajak i Goliat, mian nu aha Filistin aijo'.”

1 SAMUEL 23:9

Panyo sinumbu'mo i Daud na i Saul ko kahanda'mo ma'idek hi ia. Kalana aijo' pinoto'inyomo hi Imam Abyatar, “Boa mae na baju' nu imam itina' mo uuka mae.”

1 SAMUEL 30:7

Lantas pinoto'imo i Daud hi Imam Abyatar anak i Ahimelekh, “Boa mae na baju' nu Imam itina'!” Sahingga binoamo i Abyatar na baju' nu Imam aijo' hi ia.

1 SAMUEL 30:8

Lapas aijo' pinokilawamo i Daud hi Tumpu, “Pa' tionyo ahi' ku loloi' na mian anu nambamo mae nontumbuhi aijo'? Pa' timbali ku tuusakon na aha?” Tinaaman nu Tumpu, “Ii' timbali, loloi'mo, timbali nu tuusakon na aha ka' po ule'mae nu boa na anu ihakopmo nu aha.”

1 SAMUEL 9:21

Tinaaman i Saul, “Aku aiya tulunan mae nu aha bansa Benyamin, tulunan nu bansa anu sangkiding hondo hi aha Israel ka' mule' to utu-utuskumo na anu madi' hondo ko alati'nyo hi aha tulunan nu bansa aijo'. Jadi kadaka' kita Tuuma motataemo sumo itina' hi belengku?”