1 SAMUEL 10:12 - KITAB NU TUMPU ALLA LELE MA'IMAI'

¹² Lantas daagi ko samian anu jojoong ikiijo' nompokilawamo, “Mosia na nabi haha aijo' sangga'at – pa' osumbu' nu belemiu ihe na tuuma nu aha?” Aijo'mo na pinolengkatan momonanyo nu potatae, “Ugaat i Saul suele tinimbalimo nabi?”

1 SAMUEL 10:12 ပူးပေါင်းရင်းမြစ်များ

YESAYA 54:13

Iwi-iwi' na mian anu jojoong hi beleyum timbalimo to muli-mulid-Ku, aha sanangmo ka' bilahimo na kantumuu'an nu aha.

YOHANES 6:45

I Uno nu Kitab nu to Nabi-nabi tinulis sumo uuka, ‘Iwi-iwi' na mian nu pogulu' nu Tumpu.’ Jadi iwi-iwi' na mian anu mohongo Tuuma ka' balagulu' hi Ia, toka mae hi beleng-Ku.

YOHANES 7:16

I Yesus nontaami, “Anu Ku pogulu' aiya misa' pangajalan-Ku, panyo pangajalan-Nyo anu nonsai mae Aku.

YAKOBUS 1:17

Batu-batu taju anu ma'ima' ka' palasen anu ma'ima' pinolengkatannyo mae i suluga', tinau'akon nu Tumpu, anu Nompotimbali iwi-iwi na anu ma jingka i langit. Iamo na Tumpu anu madi' mongabali' ka' madi' mule' monsaduakon kapintungan mau mule' pa' mosiamo.

1 SAMUEL 10:13

Noko lapas na i Saul lewa' nonsalelei ka' lewa nolo'ais nambamo na ia i mezbah anu kiita i bungkutnyo.

1 SAMUEL 19:23

Jadi ia ilau-laus no kijo', panyo' ia kinuasaan mo nu Roh Allah, sahingga nonsalelei ka' sa' malobo tutus jalan mokijo i Nayot.

1 SAMUEL 19:24

Salatan tinokamo kiijo' mae, ia nongukatakonmo baju'nyo ka' lewa'mo nonsalele ka' mule' suele lewa'mo nolo ais hi ahop i Samuel lantas tinombahangkangmo i tano' langgo'-langgo' sinansinaa ka' sinampahu. (Aiyamo na pinolengkatan momona nu sisik anu nontaloakon, “Pa' ugaat suele i Saul tinimbali nabi?”)