1 SAMUEL 10:1 - KITAB NU TUMPU ALLA LELE MA'IMAI'

¹ Lapas aijo' i Samuel nongalamo boton anu ko isinyo minya-minya' zaitun lantas dinudu'akonnyomo na minya-minya' aijo' hi ubak i Saul ka' ingokannyomo na i Saul ka' notatae, “Tumpu nohangkatmo ka'nombalakatimo beleyum da timbalimo tomundo' hi aha mian Israel anu pinalesayamo hi Ia. Beleyum mompalentahmo mian anu pinalesayamo hi Ia ka' montoamo aha da boli nu kabisa'i nu sampo bali' nu aha. Aiya na timbali tanda saba' beleyum pinile'anmo nu Tumpu, beleyum timbalimo tomundo' hi aha mian anu pinalesayamo hi Ia.

1 SAMUEL 10:1 ပူးပေါင်းရင်းမြစ်များ

2 SAMUEL 1:14

I Daud notatae, “Baani hondo na beleyum nompateimo tomundo' anu pinile'anmo TUMPU!”

2 SAMUEL 19:39

Lapas aijo' i Daud tiba suludadunyo iwi-iwi' notaapmo i Kaunyo nu Yordan. Lantas ingokanmo i Daud na i Barzilai ka' siniloloamo hi ia. Lapas aijo' ninsusule'mo na i Barzilai ilaigannyo.

2 SAMUEL 20:19

Kota' mami Abel aiya daka', sala'sa'angu' na kota anu madi' lewa' mombau kahengge'an ka' tulu-tulutan hondo aiya i tano' nu Israel. Kadaka' belento Tuan ko tanga'anmo mongidei? Te ko kahanda'mo na belento Tuan mongidei tano' nu Tumpu?”

2 SAMUEL 5:2

Salatanmo pe'e naipuan mae, ka' mule' tempo'nyo i Saul daagi nompalentah kami, belentomo Tomundo' na nongkapali suludadu nu Israel de aha mambamo mahampate, ka' mule' Tumpu binalajanji'mo hi belento Tomundo' na molaya' mian anu pinalesayamo hi Ia, ka' timbaliomo tomundo' nu aha mian Israel.”

1 TOMU-TOMUNDO' 1:34

Kiijo' mae i Zadok ka' I Natan tionyo ahi' ohangkatmo da ia baumo tomundo' nu mian Israel. Lapas aijo' opo'onyi'mo nu bele miu na tolompet ka' lewa' otaligalai, 'Higahiakon mae na i Tomundo' Salomo!'

1 TOMU-TOMUNDO' 19:18

Panyo' 7.000 na mian nu Israel Ku posalamatmo, aijo'mo to mian-mian anu sabole-bole montuluti Aku, ka' madi' toho' tolodadupu monsomba patong nu Baal kabai mongooki ia.”

2 TOMU-TOMUNDO' 20:5

da po'ule' minsusule' hi Hizkia, tomundo' nu mian anu pinalesayamo hi Tumpu ka' mompoto'i potunonku sumo uuka, “Aku Tumpu, Tumpu Allah anu nusombah i Daud mompolee' nu beleyum nohongomo do'a nu beleyum ka' nontoamo lolu' nu beleyum. Ku po'alinmo na beleyum hipuan beleyum mambamo i laigan-Ku.

2 TOMU-TOMUNDO' 9:1

Tempo'nyo aitu i Nabi Elisa nolagamo samian na nabi anu pinogulu'nyomo anu aijo' hi aha nabi sangga'at. “Posadiamo da mambamo i Ramot i da'erah Gilead, ka' boa na boton anu ko isinyo lanya' nu zaitun aiya.

2 TOMU-TOMUNDO' 9:12

“Madi', kami madi' monsumbu'!” na koonyo nu aha. “Soba poto'i mae!” Tinaaman i Yehu, “Ia nompoto'i potuunon nu Tumpu tukoonyo aku i hangkatmo nu Tumpu binaumo tomundo' nu Israel.”

MAZMUR 135:4

Ia nompile'imo i Yakub da nu pake i kapentingan-Nyo, mian nu Israel pinotimbali-Nyomo Ia na tumpunyo.

MAZMUR 2:12

nu lakat ahi' na tolodadupu i ahop-Nyo, dumo ahi' nutambuha'i nu Tumpu ka' ola sangkinihap belemiu opateimo, kalana ia motambuha' pojohinjit sumo apu. Mohumpak ka'ima'an na mian anu mihohung hi Tumpu!

MAZMUR 78:71

lengkat mae i tampat pinompotu'annyo tinanyo nu domba, da molaya' Israel mian anu palesayamo hi Ia.

NOSABATMO 30:23

“Ala na to lampa-lampa anu ma'ima' hondo, anom na kilo na mur anu mingue, totolu na kilo na kayu manis, totolu' na kilo na tumba' anu manohong, ka' anom na kilo na kau' teja.

YEREMIA 10:16

Tumpu Allah i Yakub na madi' ahi'susumo pilogot haha aijo'; Ia na nompotimbali iwi-iwi na apaa. Sanggo-Nyo aijo'mo Tumpu Anu Mahakuasa; Ia nompile'imo Israel da timbalimo mian anu palesayamo hi Ia.

YEHEZKIEL 16:13

Sumo aijo' na beleyum pinakeanmo nu mosoni' tiba salaka; baju' nu beleyum te hude lenan na binau tiba sutala anu ko sujinyo. Beleyum timbali mokaan roti anu labu ma'ima' hondo na binau tiba juu' nu uani' anu ma'ima' hondo ka' mule' lanya' nu zaitun. Beleyum talalo ahi' handa ka' mule' beleyum timbalimo tomundo' boune.

HOSEA 13:2

Sampe uuka aiya to mia-mian nu Efraim haha aijo' daagi saja mobau dosa' kalana aha nombaumo iwi-iwi' na patong salaka da osombah – patong anu tinanga'an nu akan nu mian ka' binau nu lima nu manusia. Aha notatae, “Sombahkonmo na koloban hi patong haha aiya!” Madi' minsoop i akan na mian mongooki patong anak nu sapi'!

SISIKON NU TO RASUL-RASUL 13:21

Lapas aitu aha nompoita samian na tomundo. Tumpu nombee'mo aha i Saul anak i Kis lengkat i bansa Benyamin da bau tomundo nu aha kinopinnyo patompulu' na taun.

PO'ULE' INGULIT 32:9

Panyo lee' mae i Yakub aiya na pinile'anmo nu Tumpu ingala-Nyomo bau bagi-Nyo.

1 TESALONIKA 5:26

Mompaha sala-salan do'akon iwi-iwi' nu kalibosan salaku poto utusan nu mian Kristen.

IBRANI 2:10

Memang konanyomo na Tumpu – anu nompotimbalimo iwi-iwi na apaa bau kapentingan-Nyo – ka' nompotimbalimo i Yesus anu momposalamat totu-totu'u, Ia nongoa'imo kasansala'an. Tiba jalan anu sumo aijo' na Tumpu nolagamo mian iwi-iwi' da suele opopodaka' tiba i Yesus. Kalana Iamo na pombuka' jalan hi aha da timbali oposalamat.

ANU PINOTO'I HI YOHANES 5:8

Hau-haunyo Anak nu Domba aijo' nombaumo sumo aijo', opa-opat na malaikat ka' uampulu' ka' opat na to pola-polaya' haha aijo' dinumaladupumo i ahopnyo. Aha toto samian montoongi kasapi ka' mangko' mosoni' anu ko isinyo kamangian, aijo'mo iwi-iwi' na do'a nu mian anu pinalesayamo hi Tumpu.

1 SAMUEL 12:3

Uuka aiya aku tuminjo i ahop nu belemiu! De aku nombaumo kasala'an, pisala'i na aku i ahop nu Tumpu ka' i ahop nu to tomu-tomundo' anu pinile'an-Nyomo. Pa' toho'mo aku nongala sapi' kabai keledai nu aha mian sangga'at? Pa' toho'mo aku nongakali kabai nonsakisa kabai nongala doi anu pinontamboi da mombau anu ma'idek. Poto'i mae da mau pa' apaa na anu ingalangkumo po ule' ku sule'akon.”

1 SAMUEL 13:14

Panyo uuka aiya belento Tomundo' mompalentah madi' pin. Kalana belento Tomundo' madi' mombatuki palentah nu Tumpu, sahingga Tumpu mompile'imo sangga'at mian anu nu ka'i ma'i na timbali tomundo' hi aha mian anu pinalesayamo hi ia.”

1 SAMUEL 15:1

Daagi kinosansinaan i Samuel notataemo hi Saul, “Tumpu na nonsai aku nohangkat belento binau Tomundo' nu aha Israel mian anu pinalesayamo hi Ia. Mokonyo aijo' belento Tomundo' tionyo ahi' mohongo palentah nu Tumpu Anu Daka' na kuasanyo.

1 SAMUEL 15:17

I Samuel notataemo, “Te misa' belento Tomundo' tinimbalimo pamalentah hi aha to tulu-tulunan nu bansa Israel maumo ahi' belento Tomundo'mongakui butong nu belento madi' penting? Belento Tomundo' pinile'anmo nu Tumpu da timbali Tomundo hi aha Israel.

1 SAMUEL 16:1

Madi' pinin lapas aijo' pinoto'imo nu Tumpu hi Samuel, “Tedaagi sangkuka na kopinnyo na beleyum susa' na kinyonyoa kalana monginau' i Saul? Temisa'ia madi'mo ingakuan salaku tomundo' nu aha mian Israel? Uuka aiya ala na lanya' nu zaitun ka' lako'mo i Betlehem, hi mian sanggonyo i Isai kalana sala'samian na anaknyo pinile'an-Kumo da bau tomundo.”

1 SAMUEL 16:13

Lia-lia' na i Samuel nongala lanya' nu zaitun aijo' ka' nohangkatmo ka' nombalakatimo i Daud, lanya' aijo' na pinipi'akon hi ia i ahop nu to utu-utusnyo tu'a. Tempo'nyo aijo' i Daud kinuasanmo nu Roh nu Tumpu. Sinaa aijo' Roh nu Tumpu saja'mo lewa' nongkuasai ia. Lapas aijo' i Samuel ninsusule'mo namba i Rama.

1 SAMUEL 2:10

Anu monsampobali' Tumpu opatei madi' ko anu tontuha', aha mabuhukmo; aita' mae i langit lumontupmo na gohung-Nyo, Tumpu na momputusi palakala nu dunia songko-songko, Ka' mombee'i kuasa anu talasanggo, hi tomundo' anu pinile'an-Nyomo.”

1 SAMUEL 24:6

Panyo lapas aijo' tinutugan i Daud ia sinala'mo kalana nombaumo na ia sumo aijo'.

1 SAMUEL 26:11

Kase' boli mae nu pobee' nu Tumpu na aku aiya mompatei tomundo' anu pinile'an-Nyomo! Ola talombo'nyo na o ala ka' pongisian uee lantas kita mambamo.”

1 SAMUEL 26:9

Panyo notatae na i Daud, “Boli nu poposia na ia! Tumpu mohukum mian anu mombau kalakuan anu ma'idek hi tomundo' anu pinile'anmo nu Tumpu.

1 SAMUEL 8:19

Panyo bansa Israel haha aijo' madi'mo mongka'oho mompajuli potatae i Samuel, ola mule' ahi' aha notatae, “Bakasmo! Maumo pa' mosia kami mongkahanda'imo tomundo'.

1 SAMUEL 8:9

Mokonyo aijo' popo ii'mo na poitaon nu aha; panyo pagala ahi' pokinde'i na aha ka' poto'i mosia na aha saidi'mae de nu palentahmo nu tomundo'.”

1 SAMUEL 9:16

“Dodop subu-subu kila-kila sumo uuka aiya Ku saimo mae na samian aha tulunan mae nu bansa Benyamin monsingkaboti beleyum. Hangkatmo na ia da timbali polaya' ka' obalakati, ka' odudu'i lanya' susumo anu saja'mo obau de mohangkatmo tomundo' hi aha mian nu Israel, anu pinalesayamo hi beleng-Ku, Iamo na momposalamat mian anu pinalesayamo hi beleng-Ku da bolimo nu poposia nu aha mian Filistin. Tinoang-Kumo na kasansala'an nu aha mian anu pinalesayamo hi beleng-Ku ka' nohongomo aha i humang nomoita tulung.”

1 SAMUEL 9:27

Salatan aha tinokamo isohipi' nu kota' notataemo na i Samuel hi Saul, “Pokaumo na posaihon aijo' da mambamo momona.” Lantas nambamo na posaihon aijo' ka' notatae mule' na i Samuel, “Soba tinjo pe'e sasaingoni' i aiya, da ku poto'i na potuunon nu Tumpu Allah hi beleyum.”