1 SAMUEL 1:9 - KITAB NU TUMPU ALLA LELE MA'IMAI'

^9-10 Daagi kinosansinaan noko kaan na aha kiijo' i Laigan nu Tumpu i Silo, i Hana nobungkutmo nompala'imo meja' pongkaanan. Tempo'nyo aitu i Imam Eli suele kiijo' i Laigan nu Tumpu hau-haunyo suha-suhang i kadelanyo koko sabatan. Talalomo hondo nolibos na i Hana ka' binalado'amo hi Tumpu ka' i humangmo hondo totu-totu'u.

1 SAMUEL 1:9 ပူးပေါင်းရင်းမြစ်များ

2 SAMUEL 7:2

Sahingga notataemo na i tomundo' hi Nabi Natan, “Soba toa aku aiya jojoong ilaigan nu tomundo, kau' lontio' i Libanon na binau, padahan Peti' Palajanjian nu Tumpu Allah ola opo una' ilaiganku!”

MAZMUR 27:4

Ola sa'angu' na anu ku kakase hi Tumpu, ola aiya na anu ku kahanda'i: jojoong i Laigan nu Tumpu sampe toka sidu-sidutu' de aku daagi' tutuu' da ku oa'i na kanonongan nu Tumpu, ka' mongkakase da nu pokinde'i mae nu Tumpu.

MAZMUR 29:9

Potatae nu Tumpu nonggegutmo kau' berangan, ka' nohontangmo na hon nu kau' iwi-iwi' i uno nu alas; Panyo i uno nu Laigan nu Tumpu mian anu palesayamo notataemo daka-daka' “O puji' na Tumpu!”

MAZMUR 5:7

Nupatei nu Belento na to mia-mian anu mongka'ima'i lewa' baleko' anu saja' mongakali ka' anu saja' mompatei otoa nu Belento madi' ko angga'nyo.

NOSABATMO 21:6

saba' tuannyo tionyo ahi' momboa ia i tampat ponsomban. Ikiijo' botuan aijo' opokau tuminjo maninseha i tumban kabai ohi' nu tumban tampat ponsomban. Ka' tuannyo tionyo ahi' monsusuk bihing nu botuannyo aijo', sahingga ia timbalimo botuannyo sampe toka sidu-sidutu'.

1 SAMUEL 3:15

Lapas aijo' i Samuel po ule'mo i hoyot, ka' nopatas mae subu-subu ia nobulamo ka' nontuhea'akonmo iwi-iwi' tumban nu Laigan nu Tumpu. Ia mabuhuk na mompoto'i anu tinoanyomo aijo' hi Eli,

1 SAMUEL 3:3

ka'i Samuel ihoyotmo koko Peti Palajanjian nu Tumpu i uno nu Kemah anu Susi. Tempo'nyo aijo'sinaa ma'isa binete'ka' sulu' daagi tongko-tongko.

1 SAMUEL 4:13

I Eli anu talalomo hondo binata-bata na mompotutugakon kasalamatan nu Peti' Palajanjian nu Tumpu hau-haunyo suha-suhang i kadela anu kiijo' isohipi' nu jalan lewa' mompopikilakon. Salatan mian aijo' nonsisikmo lele, Israel nahungku'mo iwi-iwi' na anu jojoong i kota lewa'mo no haangi ka' nontando'i.