1 SAMUEL 1:6 - KITAB NU TUMPU ALLA LELE MA'IMAI'

⁶ I Hana kinyonyoanyo saja' nusakiti i Penina ka' nu popo ambang, kalana ia lengke' ka' mule' Tumpu madi' nombee'i ia anak.

1 SAMUEL 1:6 ပူးပေါင်းရင်းမြစ်များ

KAJADIAN 30:1

Panyo i Rahel ma'isa suele nohumpak anak, kalana aijo' ia ninsihipmo hi utusnyo tu'a, lantas notataemo hi Yakub, “Bee'i mae anak na aku, de madi' aku silakamo.”

2 SAMUEL 6:23

I Mikhal anak boune i Saul aijo' madi' nohumpak anak sampe ia sinilakamo.

AYUB 24:21

Iwi-iwi' aijo' jinadimo kalana ia lewa'mo nonsansalai to balu-balu, ka' talalo ahi' nonsigohi totina anu madi'mo ko anaknyo.

AYUB 6:14

I uno nu mongoa'i sansala susumo aiya ku taha'imani da toka mae na sangalu anu mongkanonongi. Pa' aku daagi' sabole-bole tulu-tulutan kabai madi'mo mohongo-hongo Anu Daka' na kuasanyo.

IMAMAT 18:18

Boli mo'osoa tiba boune utus nu bengkele' nu belemiu de daagi' bengkele' nu belemiu tutuu'.

TO MIA-MIAN KOPIAN 11:37

“Ola”, koonyo nu langkoyang aijo' mule', “Daagi' ko anu ku poita: bee'i mae na aku tempo' ohua' na bitu'on da mamba pe'e kolalajang i bungkutnyo tiba to sanga-sangalungku. I kiita' mae na aku mohangi pe'e uki'ku aiya kalana aku silakamo padahan daagi' langkoyang ma'isa toho' no'osoa.”

1 SAMUEL 1:7

Han aijo' saja' opo uli-ulit sataun-toka sataun de aha mambamo i Laigan Ponsomban Tumpu, i Penina saja monsakiti kinyonyoa i Hana. Toto minsan i Hana humangmo ka' madi'mo mongka'oho' mongkaan kalana ia o ambangimo.

1 SAMUEL 2:1

Lantas i Hana binalado'amo, ia notatae, “Tumpu nompolame'mo kinyonyoangku; anu binau binauNyo nomposanangmo santu'ku. Sinanangmo na aku mompopo ambang sampo bali'ku, kalana totu-totu'u Tumpu Allah nontulungimo mae aku.