1 SAMUEL 1:28 - KITAB NU TUMPU ALLA LELE MA'IMAI'

²⁸ kalana aijo' anak aiya ku bee'mo hi Tumpu da timbalimo Ia na tumpunyo sidu-sidutu'.” Lapas aijo' aha nonsombahmo Tumpu.

1 SAMUEL 1:28 ပူးပေါင်းရင်းမြစ်များ

KAJADIAN 24:26

Sahingga dinumaladupumo na posaihon aijo' nonsombah Tumpu.

KAJADIAN 24:48

Aku dinumaladupumo nonsombah ka' nompuji'mo Tumpu, Tumpu Allah nu tuanku i Abraham. Ia nolaya'mo mae aku tinoka-toka i aiya, hi sampoto utusan nu tuanku sahingga aku nongkabotmo langkoyang aiya bau bengkele' nu anaknyo.

KAJADIAN 24:52

Salatan i hongo nu posaihon i Abraham na potatae nu aha, ia dinumaladupumo nonsombah Tumpu.

AMSAL 31:2

“O anaku anu ku una' ikinyonyoangku anu ihampeakonkumo salaku bau pontaami do'angku. Apaa na anu tionyo ku taeakon hi beleyum?

NOMBILANGMO 6:8

De daagi' hau-haunyo ia mian anu binalaniatmo ia mian anu ola samata-mata mokalaja hi Tumpu.

2 TIMOTIUS 3:15

Beleyum tionyo ahi' monginau', saba' daagi' pe'e ise' beleyum nonsumbu'mo Kitab nu Tumpu. Kitab nu Tumpu aijo' timbali mombee'i beleyum pangalati'an da mohumpak kasalamatan montului jalan palesaya hi Kristus Yesus.

TO MIA-MIAN KOPIAN 7:15

Salatan i Gideon nohongomo anu ingipi nu mian aijo' tiba mule' alati'nyo, ia tinolodadupumo nonsombah Tumpu Allah. Lapas aijo' ia ninsusule'mo i pinombauan kemah nu aha Israel ka' notatae, “Pahapotoukamo! Tumpu mombee'imo ka'untungan mahampate mongewa suludadu nu aha Midian!”

1 SAMUEL 1:11

Lapas aijo' i Hana nonjanji'mo, ia notatae, “O Tumpu Anu Daka'na kuasanyo, toakon mae na posaihon nu belento aiya! Toakon mae na kasusa'anku aiya. Inau'akon mae na aku ka' boli mae okolilimi na aku! De belento Tumpu mombee'i mae hi belengku aiya samian na anak mo'ane, aku mojanji ku bee'je na anak aijo' hi belento Tumpu na kantumuu'annyo sidu-sidutu'. Aku mojanji' mule' da ubaknyo madi' timbali ogunting.”

1 SAMUEL 1:22

Panyo tempo'nyo aijo' i Hana madi'mo nombatuki. Ia notatae hi langkai'nyo, “Tanda'i pe'e da ia madi'mo monsusu, i Samuel ku boaje i Laigan nu Tumpu, ka' ia jojoongmo kiijo' mae sidu-sidutu'.”

1 SAMUEL 2:11

Lantas ninsusule'mo na i Elkana tiba aha salaigan nambamo i Rama, panyo i Samuel anak ai-aijo' na jinojoongmo ahi' i Silo ka' lewa'mo mombau apaa na anu nu palentahkon nu Tumpu i uno nu atulan anu nu pojalan i Imam Eli.

1 SAMUEL 2:20

Sahingga i Eli nombalakatimo i Elkana tiba bengkele'nyo, ka' ia notatae hi Elkana, “O'amalakon da Tumpu po ule' mule' mombee'i anak hi beleyum lengkat hi bengkele' nu beleyum aiya, da bau pombolosi anak anu binee'mo nu beleyum hi Tumpu.” Lapas aijo' ninsusule'mo na aha i Rama.

1 SAMUEL 28:2

Tinaaman i Daud, “Tantumo, otoaje nu belento Tomundo' apaa na anu kubau hi belento Tomundo'.” Lantas i Akhis notataemo, “Ma'ima'mo! Beleyum ku hangkatmo da timbali anu saja' monjagai ka' montoa mae aku sidu-sidutu'.”