1 SAMUEL 1:23 - KITAB NU TUMPU ALLA LELE MA'IMAI'

²³ Tinaaman i Elkana, “Ma'ima'mo, baumo apaa na anu nu oa'i ma' ima'; jojoongmo i laigan sampe tokaje na tempo'nyo beleyum madi'mo momposusu anak to. Ka' o'amalakon da Tumpu momponyata anu jinanji'mo nu beleyum.” Jadi i Hana jinojoongmo i laigan sahingga tinokamo na tempo'nyo anak aijo' madi'mo nonsusu.

1 SAMUEL 1:23 ပူးပေါင်းရင်းမြစ်များ

2 SAMUEL 7:25

Ka' uuka aiya o, Tumpu Allah de timbali da belento mombalakatiakon mae da sampe toka sidu-sidutu' ahi' janji' anu tinaloakonmo nu belento mongkona butongku aiya tiba lee'ku saidi mae. De timbali apaa na anu jinanji'mo nu belento aijo' obau ahi'.

1 TOMU-TOMUNDO' 3:21

Dodo-dodopnyo subu-subuh salatan aku nobulamo ka' kahanda'mo momposusu bunga mea'ku aijo', tinoangku ia sinilakamo. Salatan saja'mo i nasahanku, sinumbu'kuje taalu' ia misa' ahi bunga mea'ku.”

MAZMUR 22:9

Aha notatae, “Bakas da ia taha'iman hi Tumpu, da nuposalamat nu Tumpu na ia, de sanang na Tumpu hi ia!”

YESAYA 44:26

Akumo na nompododo potatae nu posihaon-Ku, ka' nompotimbalimo apaa na anu tinanga'anmo nu anu sinaing-Kumo, Pinoto'ing-Kumo, Yerusalem po ule'mo ojojoongi nu mian, ka' iwi-iwi' na kota' i daerah Yehuda po ule'mo Ku bau; anu singkapmo na idek po ule'mo obau.

NOMBILANGMO 30:12

Panyo de salatan i hongomo nu langkai'nyo na han aijo' lantas nu tewa'mo na ia, tantu boune aijo' madi'mo daagi' montoongi niatnyo kabai janji'nyo. Tumpu mongampuni ia, kalana ia nutewa' nu langkai'nyo.

MATIUS 24:19

Palias na ko ide'nyo na sinaa aijo' kona hi boune anu poboa, ka' tina anu daagi' momposusu anaknyo!

LUKAS 11:27

Salatan i Yesus notatae sumo aijo', samian na boune anu aijo' hi mian da'isan aijo' notatae hi Yesus, “Totu'u ko dale' na boune anu nompohampemo ka' nomposusumo Beleyum!”

1 SAMUEL 1:17

Lantas notataemo na i Eli, “De sumo itina' pinsusule'mo ma'i-ma'ima'. O'amalakon da Tumpu Allah nu Israel mompopo ii'mo apaa na anu nu poita.”

1 SAMUEL 14:36

Lapas aijo' notataemo na i Saul hi to sulu-suludadunyo, “Imbo' kita mambamo montumbuhi aha sampe toka dodop subu ka' mompatei aha iwi-iwi'.” Tinaaman nu aha. Ma'ima'mo Tomundo' baumo pa' apaa na anu o tutugi nu belento Tomundo' ma'ima'. Panyo i imam notatae, “Imbo' da kita mompoita pe'e pokinde' pa' mosia na koonyo nu Tumpu Allah.”

1 SAMUEL 14:40

Lantas notataemo na i Saul hi aha iwi-iwi' mian da'isan aha Israel. “Belemiu iwi-iwi' tinjo i sasu aiya mae.” Tinaaman nu aha, “Tionyo ahi' obaumo nu belento Tomundo' pa' apaa na anu otutugi nu belento Tomundo' ma'ima'.”