1 SAMUEL 1:21 - KITAB NU TUMPU ALLA LELE MA'IMAI'

²¹ Tinokamo na tempo'nyo mule' i Elkana tiba aha salaigan po ule'mo mamba i Silo da monsombahkonmo koloban hi Tumpu susumo anu saja' obau sataun toka sataun. Ka' mule' i Elkana binalajanji'mo da monsombahkon koloban anu memang jinanji'nyomo.

1 SAMUEL 1:21 ပူးပေါင်းရင်းမြစ်များ

KAJADIAN 18:19

Ia pinile'an-Kumo da mompalentah to ana-anaknyo ka' lee'nyo da montuluti Aku ka' mombau apaa na anu ma'ima' ka' adin. De han aijo' nubau nu aha, iwi-iwi' anu jinanji'-Kumo hi Abraham tionyo ahi' Ku podaagi'.”

MAZMUR 101:2

Aku mompasangkilamo kantumuu'an anu madi' ko kasala'annyo. Hipianje na Belento toka mae hi belengku? Aku tumuu'mo susi' i laiganku,

PO'ULE' INGULIT 12:11

Lapas aijo' Tumpu Allah nu belemiu mompile'imo sa'angu' na tampat da tionyo ahi' ponsomban Ia. Ikiijo' na tionyo ahi' kalambanan nu belemiu momboa iwi-iwi' apaa na anu pinalentahkonmo, aijo'mo koloban anu opotunu ka' to kolo-koloban sangga'at, palasombahan sambagian anu o ala i anu sampulu' na bagian ka' palasombahan bau samata-mata bagi nu Tumpu anu jinanji'mo miu.

PO'ULE' INGULIT 12:6

I tampatmo aijo' na tionyo ahi' pomboan nu belemiu to kolo-koloban anu opotunu ka' to kolo-koloban sangga'at, anu osombahkon nu belemiu sambagian o ala i anu sampulu' na bagian tiba iwi-iwi' na anu osombahkon sangga'at, koloban bau pombayan anu jinanji'mo nu belemiu, koloban kasanangan nu kinyonyoa miu ka' anak nu sapi' ka' mee' ka' domba nu belemiu anu momona pino'anaknyo.

YOSUA 24:15

De belemiu madi'mo palesaya ka' mohongo-hongomo Tumpu poto'i mae nasa-nasa sinaa aiya ihe na anu opalesaya ka' o hongo-hongo nu belemiu; hi to pilo-pilogot sangga'at anu sinombahmo nu mompolee' miu kiijo' mae i Mesopotamia naipuan mae kabai hi to pilo-pilogot mian nu Amori anu lipu' nu aha kinajojoonganmo nu belemiu uuka aiya. Panyo kami – aku tiba kami salaigan – mompalesayamo ka' mohongo-hongomo samata-mata hi Tumpu.”

1 SAMUEL 1:3

Sataun toka sataun i Elkana mamba lengkat i Rama da monsombah Tumpu kiijo' i Silo ka' monsombahkon koloban hi Tumpu Anu Daka na kuasanyo. Anu tinimbali imam nu Tumpu kiijo' i Silo aijo'mo i Hofni tiba i Pinehas, aha to ana-anak i Eli.

1 SAMUEL 2:19

Sataun toka sataun tinanyo mongka'uti juba' ise' lantas nu bee'mo hi Samuel de boune aijo' mamba hingga-hinggat tiba langkainyo monsombahkon koloban anu saja' obau sataun toka sataun.