1 SAMUEL 1:18 - KITAB NU TUMPU ALLA LELE MA'IMAI'

¹⁸ Tinaaman i Hana, “Kutaha imani da aku ositujui mae nu belento Tuumangku.” Lapas aijo' ia nambamo lantas nongkaanmo; ka' ia madi'mo lewa' sinusa' na kinyonyoanyo.

1 SAMUEL 1:18 ပူးပေါင်းရင်းမြစ်များ

KAJADIAN 32:5

Uuka aiya aku kino sapi'mo, keledai, domba, mee' ka' to posa-posaihon. Aku mompolele mae lele hi belento tuanku, mongima-imani da kita tuanku sanang mae hi belengku.' ”

KAJADIAN 32:6

Salatan to posa-posaihon ninsusule'mo mae hi Yakub pinoto'imo nu aha, “Kami nambamo hi Esau, utus tu'a nu belento Tuan ka' uuka aiya ia uutumo mae laja-lajang mamba mae singkabot hi belento Tuan. Ia toka mae tiba aha pato atu' na mian.”

KAJADIAN 33:15

Notatae na i Esau, “Desumo atina', ma'ima'mo ku pala'ije hi beleyum to pia-piangkuka na mianku.” Panyo tinaaman i Yakub, “Bolimo basusa-susa', aku ola kahanda' momposanang kinyonyoa nu kita utusku Tu'a.”

KAJADIAN 33:8

I Esau nompokilawamo, “Beleyum ko kahanda' mosia tiba mian da'isan anu siningkabotankumo mae uuka aiya?” Tinaaman i Yakub, “Da momposanang kinyonyoa nu belento utusku Tu'a.”

MAZMUR 34:6

Mian anu sinansalamo nontaha'imanimo ia ka' ilame'mo aha madi'mo daagi' mohumpak ambang.

ANU MOMPOLELE POTATAE NU TUMPU 9:7

Donganmo pongkaan ka' balame-lame'; inumo sana-sanang na kinyonyoa na anggur nu belemiu, Tumpu madi' kabalatan pakalaus Ia ahi' situju.

YOHANES 16:24

Sampe tempo' uuka komiu ma'isa toho' nompoita apa-apaa momboa sanggong-Ku. Poitamo, komiu tionyo mohumpak, da kalame'an miu ma'ima'.”

ROMA 15:13

Tumpu aijo'mo na tampat anu otaha'imani miu. O amalakon iaje na mongisi kinyonyoaum nu iwi-iwi' na kalame'an ka' ka'ima'an, kalana komiu palesaya hi Ia, da kalana kuasa nu Roh nu Tumpu komiu mompaka taha'iman hi Tumpu.

I RUT 2:13

Tinaaman i Rut, “Kita Tuuma totu-totu'u mongkanonongimo mae aku mau mule' aku madi' pokakana tiba anu mokalaja hi belento Tuuma. Kanonongan nu belento Tuuma nomposanangmo hondo kinyonyoangku.”

I RUT 2:2

Daagi' kino sansinaan i Rut notataemo hi Na'omi, “Kita Tinangku, ku poita da aku mamba i ale' da' montoluki gandum pa' ko anu manabu' i lima nu anu mompadak. Ku tutugi tantu daagi' ko mian anu mompobee' aku mombau sumo aijo'.” “Ii'mo anaku!” tinaaman i Na'omi, “lako'mo!”