1 SAMUEL 1:17 - KITAB NU TUMPU ALLA LELE MA'IMAI'

¹⁷ Lantas notataemo na i Eli, “De sumo itina' pinsusule'mo ma'i-ma'ima'. O'amalakon da Tumpu Allah nu Israel mompopo ii'mo apaa na anu nu poita.”

1 SAMUEL 1:17 ပူးပေါင်းရင်းမြစ်များ

KAJADIAN 25:21

Kalana i Ribka madi' nohumpak anak, i Ishak nondo'akonmo bengkele'nyo hi Tumpu. Ka' Tumpu nompopo ii'mo do'a i Ishak, sahingga i Ribka pinoboamo.

2 SAMUEL 15:9

Tinaaman i Tomundo', “Lako'mo ka' ma'i-ma'ima' mae.” Lantas nambamo na i Absalom i Hebron.

2 TOMU-TOMUNDO' 5:19

I Elisa notataemo, “Lako'mo ma'i-ma'ima'.” Lantas i Naaman nambamo. Madi' pinin salatan i Naaman nambamo,

1 TAWARIKH 4:10

Panyo i Yabes binalado'amo hi Tumpu Allah anu osombah nu mian Israel, ia notatae “O Tumpu Allah, balakatiakon mae de timbali na aku ka' podaka'akon mae na da'erah-ngKu. Jagaiakon mae na aku, ka' pojo'onakon mae na balaa' da aku madi' sansala.” Ka' anu pinoitanyomo aijo', tinalimamo nu Tumpu Allah.

MARKUS 5:34

Lantas i Yesus notatae hi boune aijo', “Anak-Ku, kalana beleyum palesaya hi beleng-Ku, beleyum ma'alin! Lako'mo ima-ima' beleyum sinehatmo totu-totu'u!”

LUKAS 7:50

Panyo i Yesus notatae hi boune aijo', “Kalana beleyum palesaya hi beleng-Ku, beleyum oposalamat. Lako'mo ma'i-ma'ima'!”

LUKAS 8:48

I Yesus notatae hi ia, “Anak-Ku, kalana beleyum palesaya hi beleng-Ku, beleyum na'alin. Lako'mo sinalamatmo.”

TO MIA-MIAN KOPIAN 18:6

Tinaaman nu imam aijo', “Boli bata-bata. Tumpu monsitujuimo lajang nu belemiu aiya.

1 SAMUEL 1:16

Boli osangka na aku aiya ola boune anu lewa' masala'. Aku balado'a susumo aiya kalana talalomo hondo molibos ka' susa' na kinyonyoangku.”

1 SAMUEL 1:23

Tinaaman i Elkana, “Ma'ima'mo, baumo apaa na anu nu oa'i ma' ima'; jojoongmo i laigan sampe tokaje na tempo'nyo beleyum madi'mo momposusu anak to. Ka' o'amalakon da Tumpu momponyata anu jinanji'mo nu beleyum.” Jadi i Hana jinojoongmo i laigan sahingga tinokamo na tempo'nyo anak aijo' madi'mo nonsusu.

1 SAMUEL 20:42

Lapas aijo' notataemo na i Yonatan hi Daud, “O'amalakon da Tumpu Allah montulungi beleyum. Tumpu saja' mombee'i kahosonan kita tiba lee'to da saja' montoongi palajanjian nu kita ohua' i ahop nu Tumpu Allah.” Lapas aijo' nambamo na i Daud, ka' i Yonatan suele ninsusule'mo i kota.

1 SAMUEL 25:35

Lapas aijo' i Daud nongalamo apaa na anu binoa mae i Abigail lantas pinoto'inyomo hi ia, “Pinsusule'mo i laigan nu beleyum ka' bolimo bata-bata. Apaa na anu pinoitamo nu beleyum ku bee'je.”

1 SAMUEL 29:7

Kalana aijo' pinsusule'mo ma'i-ma'ima' ka' boli mombau apa-apaa anu moko pa'idek kinyonyoa nu aha.”