1 SAMUEL 1:11 - KITAB NU TUMPU ALLA LELE MA'IMAI'

¹¹ Lapas aijo' i Hana nonjanji'mo, ia notatae, “O Tumpu Anu Daka'na kuasanyo, toakon mae na posaihon nu belento aiya! Toakon mae na kasusa'anku aiya. Inau'akon mae na aku ka' boli mae okolilimi na aku! De belento Tumpu mombee'i mae hi belengku aiya samian na anak mo'ane, aku mojanji ku bee'je na anak aijo' hi belento Tumpu na kantumuu'annyo sidu-sidutu'. Aku mojanji' mule' da ubaknyo madi' timbali ogunting.”

1 SAMUEL 1:11 ပူးပေါင်းရင်းမြစ်များ

KAJADIAN 28:20

Lantas i Yakub binasumpa'mo, “De Belento Tumpu montulungi ka' monjagai mae aku i lumambanan aiya ka' mombee'i mae aku anu okaan ka' pakean,

KAJADIAN 29:32

I Lea pinoboamo lantas nohampeakonmo samian na anak mo'ane. Ia notatae, “Tumpu nontoamo mae kasusa'anku, ka' uuka aiya langkai'ku nongka'ima'imo aku.” Lantas sinanggohannyomo na anaknyo aijo' i Ruben.

KAJADIAN 30:22

Lantas inginau'mo nu Tumpu Allah na i Rahel; Tumpu Allah nompopo'i'mo do'anyo ka' mombee'i mule' ia mohampeakon anak.

KAJADIAN 8:1

Tumpu Allah madi' mongkolilimi i Nuh ka' binatangnyo iwi-iwi' anu daagi' hi ia i uno nu kapan aijo'. Tumpu Allah nompotobungmo mombun, sahingga uee nontampu'unimo tinolo tutus.

2 SAMUEL 16:12

Ihe na monsumbu' Tumpu montoakonmo mae kasansala'an anu ingoa'ankumo aiya ka' mombalakatimo mae aku salaku bau pombolosi mae totobi' anu binee'mo mae hi belengku.”

MAZMUR 25:18

Toakon mae na kasansala'anku ka' kasusa'anku, ka' ampuniakon mae na dosa'ku iwi-iwi'.

NOSABATMO 4:31

Sahingga pinalesayamo na aha, ka' salatan aha nohongomo taalu' Tumpu daagi' monginau' bansa Israel ka' nontoamo iwi-iwi' na kasansalan nu aha, aha dinumaladupumo ka' nonsombahmo.

AMSAL 31:2

“O anaku anu ku una' ikinyonyoangku anu ihampeakonkumo salaku bau pontaami do'angku. Apaa na anu tionyo ku taeakon hi beleyum?

ANU MOMPOLELE POTATAE NU TUMPU 5:4

Sahanyo boli balajanji' de madi' otepati na palajanjian aijo'.

IMAMAT 27:2

atulan haha aiya da ogunakon hi bansa Israel. De samian osombahkonmo hi Tumpu bau pontobus anu i niatnyomo samata-mata obee' hi Tumpu, mian aijo' timbalimo otobus nu doi konjoo'nyo,

NOMBILANGMO 21:2

Lantas mian nu Israel nonjanji'mo sumo uuka hi Tumpu, “De Belento mombee'i mae kami ka'untungan mahampate mongewa bansa aijo' aha tiba kota nu aha haha aijo' o ideimo mami ingko-ingkot.”

NOMBILANGMO 6:11

Tomonsi' sa'angu' tionyo ahi' osombahkon nu imam bau pongampuni dosa', ka' sa'angu' mule' bau koloban anu opotunu da madi'mo ia mahumimi'. I sinaa aijo' mule' ia tionyo ahi' po'ule' mule' mompotuu' ubaknyo bau samata-mata pongangga'i Tumpu

NOMBILANGMO 6:5

De daagi' hau-haunyo ia mompojalan niatnyo, ia madi' timbali monggunting ubaknyo kabai o kis. Hau-haunyo aijo' ubaknyo ka' jangkutnyo opojohokmo da tumuu' mantan. Ia sabole-bole montoongi niatnyo sampe mingkotje na tempo'nyo ia binalaniat mokalaja samata-mata hi Tumpu.

NOMBILANGMO 6:8

De daagi' hau-haunyo ia mian anu binalaniatmo ia mian anu ola samata-mata mokalaja hi Tumpu.

TO MIA-MIAN KOPIAN 11:30

I Yefta nojanji'mo hi Tumpu, sumo uuka, “De Tumpu mompobee' aku mohungku'i mian nu aha Amon,

TO MIA-MIAN KOPIAN 13:5

De anak nu beleyum aijo' hampemo, boli hondo-hondo o gunting na ubaknyo kalana i uno pe'e nu ma'alum ia tinantukanmo da mombau anu nupalentahkon nu Tumpu. Ia na montinjohakon da mompobebas aha bansa Israel da bolimo nukuasai nu mian Filistin.”

1 SAMUEL 1:12

Pinin hondo na i Hana binalado'a ka' saja'mo pinotoakon i Eli na nganga' nu boune aijo'.

1 SAMUEL 1:19

Dodododopnyo i Elkana tiba aha salaigan nobulaamo subu-subu ka' salatan noko sombahmo Tumpu, aha ninsusule'mo i Rama. Sahingga i Elkana noduhusmo tiba i Hana bengkele'nyo aijo' ka' pinopo ii'mo nu Tumpu na do'a i Hana aijo'.

1 SAMUEL 1:22

Panyo tempo'nyo aijo' i Hana madi'mo nombatuki. Ia notatae hi langkai'nyo, “Tanda'i pe'e da ia madi'mo monsusu, i Samuel ku boaje i Laigan nu Tumpu, ka' ia jojoongmo kiijo' mae sidu-sidutu'.”

1 SAMUEL 1:27

Anakmo ai-aiya na pinoitangku hi Tumpu. Do'angku pinopii Nyomo mae,

1 SAMUEL 1:28

kalana aijo' anak aiya ku bee'mo hi Tumpu da timbalimo Ia na tumpunyo sidu-sidutu'.” Lapas aijo' aha nonsombahmo Tumpu.

1 SAMUEL 2:20

Sahingga i Eli nombalakatimo i Elkana tiba bengkele'nyo, ka' ia notatae hi Elkana, “O'amalakon da Tumpu po ule' mule' mombee'i anak hi beleyum lengkat hi bengkele' nu beleyum aiya, da bau pombolosi anak anu binee'mo nu beleyum hi Tumpu.” Lapas aijo' ninsusule'mo na aha i Rama.