1 PETRUS 5:8 - KITAB NU TUMPU ALLA LELE MA'IMAI'

⁸ Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

1 PETRUS 5:8 ပူးပေါင်းရင်းမြစ်များ

ESTER 7:6

Tinaaman i Ester, “I Haman anu ma'i-ma'idek na kalakuannyo aitu, aiyamo ia na sampobali' ka' anu monsakisamo kami!” Tinonto'anmo i Haman na i tomundo ka' bengkele'nyo ka'nabuhukmo.

AYUB 2:2

Lantas pinokilawamo nu Tumpu hi ia, “Lengkat mae iya na beleyum?” Tinaaman nu Anu lewa' Monggoda, “Aku sala'je mae lewa' inamba nonsongkohi dunia aiya ka' nolajangi tinoka-toka iyayamae.”

MAZMUR 104:21

Singa anu toto bata-bata'nyo nintaumo molio anu nu sa'u, mompoita kaanon anu pinotoukamo nu Tumpu.

MAZMUR 109:6

Hangkatmo na samian anu ma'idek na kinyonyoanyo da momputusi ia, bakas da ia nu kalaak nu anu monsampobali' ia.

AMSAL 19:12

Tambuha' nu tomundo sumomo polohu' nu singa; kanonongan nu tomundo sumomo dondu'ok mohumpisi sinin na anu tumuu'.

AMSAL 20:2

Tambuha' nu tomundo' sumomo polohu' nu singa, mian anu monsaduakon da ia motambuha' alati'nyo monsilakai posi butongnyo.

AMSAL 28:15

Mian anu ma'idek na kinyonyoanyo mongkuasai mian anu madi' ko apa-apaanyo. Sumomo singa anu molohu'mo kabai beruang anu mololoi'mo.

YESAYA 50:8

Kalana Tumpu na ohani ahi', Ia nompoto'imo saba' aku na madi' ahi' kokasala'an. Ihe na mongkahanda'i mae painggaga tiba aku? Imbo' da kita mompaha ahop hingga-hinggat. Ihe na mongewa mae aku? Pokau mae da ia mongohani mae aku.

YEREMIA 2:15

Sampobali'nyo mohu'akonmo ia susumo singa tano'nyo opokunmo ka' madi'mo daagi' ko isinyo iwi-iwi' na kota'nyo mingkotmo nu toyo'i nu apu opojohokmo madi'mo ko anu monjojoongi.

YEREMIA 51:38

Aha mian nu Babel molohu'mo susumo singa ka' molokakmo susumo anak nu singa.

YEHEZKIEL 19:7

Benteng-benteng pinaha hobo'akonnyomo, kota-kota' pinaha hansunannyomo. Songko-songko na lipu' aha miannyo nabuhukmo kalana, nohongomo hu'nyo anu daka' hondo aijo'.

YEHEZKIEL 22:25

To pola-polaya' nu aha sumomo ahi' singa molohu'mo salatan nonsa'umo kaanonnyo. Aha nompateimo mian da'isan, nongagoimo iwi-iwi' na halata' tiba kakaya'an anu nu humpak nu aha ka' nonsaduakonmo manjoo' na to bou-boune anu binalumo.

DANIEL 6:24

Paya' na kinosanangnyo na kinyonyoa i tomundo' sahingga pinalentahnyomo da i Daniel osabatakonmo mae aijo' iliang nu singa. Salatan palentah aijo' binaumo saba' tinoa mae madi' ahi' kinobela-belanyo mau pe'e sangkiding hi Daniel, kalana ia palesaya hi Tumpunyo.

HOSEA 11:10

Tumpu notatae, “Mian-Ku anu palesayamo mombatukimo Aku de Aku molohu'mo susumo singa ka' mompopobuhukmo sampobali' nu aha. Mian-Ku anu palesayamo sampamo mae toka lengkat isasu kabete'an da monsombahmo Aku.

HOSEA 13:8

Ku sa'umo na belemiu susumo beruang anu no lapusmo na anaknyo. Ku bea-beakmo na belemiu. Susumo singa Ku sa'umo na belemiu itampat nu belemiu, ka' susumo binatang anu bahangihi' mombea-beakmo butong nu belemiu.

YOËL 3:16

Tumpu notataemo daka-daka' aita' mae i bungkutnyo nu Sion, lengkat mae i Yerusalem sumomo ahi' gohung na potatae-Nyo. Langit tiba tano' ginayu'anmo kalana kakuasa'an-Nyo. Panyo Tumpu tataap monsangaja'i ka' monjagai Israel, mian-Nyo anu palesayamo.

AMOS 1:2

Aiyamo na anu tinaloakon i Amos, “Tumpu noloboo'imo aita' mae i Bungkutnyo nu Sion, potatae-Nyo pinodaka'mo lengkat mae i Yerusalem. To pada-padang hemput tinimbalimo napeges, hemput i Bungkutnyo nu Karmel i nagayoumo hondo.”

AMOS 3:4

Te toho' mule' singa i kuhat molohu' de ia ma'isa mohumpak anu nu kaan? Te toho' mule' anak nu singa molohu' i uno nu liangnyo de ia ma'isa mohakop apa-apaa?

AMOS 3:8

De singa molohu', ihe na madi' mabuhuk? De Tumpu Anu Matangkas na kuasanyo notatae, ihe na ola momohokot madi' mombebaakon potuunon-Nyo?

ZAKHARIA 11:3

Potombihing na tando' nu mian anu singkap balakuasa kakaya'an nu aha imadi'anmo hondo-hondo. Potombihing na huu' nu to singa-singa i uno nu alas; kalana ihansunmo na kajojoongan nu aha tutuus Kaunyo nu Yordan.

ZAKHARIA 3:1

Anu tinoa mule' sangga'at, Tumpu nompotoamo mule' hi belengku i Imam Daka' Yosua tinjo-tinjo i ahop nu malaekat nu Tumpu. Sasu hi Yosua tinuminjomo na Setan anu kahanda'mo mongkalak ia.

MATIUS 13:39

Sampobali' anu nonsu'an padang haha aijo' Ibilis. Tempo' nu mompadak, aijo'mo Sinaa Kiamat, ka' to mia-mian anu mompadak aijo'mo na to mala-malaikat.

MATIUS 24:42

Jadi, obala'ingati, kalana komiu madi' monsumbu' hipian na Tumpu miu toka.

MATIUS 25:41

Lantas Tomundo aijo' notatae hi to mia-mian anu i sasu kowi-Nyo, ‘Lako'mo pokiijo', anu kinutukanmo! Pinsoopmo i uno nu apu anu madi' toho' mate, anu pinosadiakonmo i Setan ka' hi to mala-malaikatnyo!

MATIUS 4:1

Lapas aitu i Yesus binoa nu Roh nu Tumpu nokiijo' i padang bolaa da o sobai nu Ibilis.

MATIUS 4:11

Ahennyo Ibilis nompala'imo Yesus, ka' to mala-malaikat tinokamo montulungi Ia.

MARKUS 4:15

Bine' anu nanabu' i jalan, sumomo to mia-mian anu mohongo lele mongkona mosia na Tumpu mompalentah. Sala'je ihongo Ibilis tinoka ka' mongala apaa na anu sinau i uno nu kinyonyoa nu aha.

LUKAS 21:34

“Ojagai na butongum, boli komiu talalo mongka'ima'i mombau bau-bauon ka' lewa' monginum inumon anu moko langu, kabai talalo mompotutugakon kapalaluan nu kantumuu'anum, sahingga komiu madi' mosadia sampe toka sinaanyo aijo' anu nu potolokengkeng mae.

LUKAS 21:36

Saja' bajaga-jaga ka' balado'a, da komiu mahoson na mongahopi iwi-iwi' na anu saidi' mae timbali, ka' komiu moko ala mangadap hi Anak nu Mian.”

LUKAS 22:31

“Simon, Simon, hongo! Ibilis binee'anmo kasampatan da monguji' komiu; sumo gandum oga'atakonmo i kilitnyo sahingga anu ma'ima' oga'atakonmo i anu ma'idek.

YOHANES 8:44

Ibilis na tuuma miu, ka' komiu mongka'oho'mo mombatuki kahanda' nu tuuma miu. Lengkat pe'e imoonanyo Ibilis aijo' saja'mo nompatei. Ia madi' toho' mosambiha' i kahondoan, kalana madi' ko kahondoan hi ia. De ia baleko', aijo' pantas, kalana sumo aijo'mo na sipatnyo. Ia baleko' ka' pinolengkatan nu leko'.

2 KORINTUS 2:11

Kubau sumo aijo' da Ibilis boli mongala kasampatan mongkuasai kita; kalana osumbu'to na tanga'annyo iwi-iwi'.

EFESUS 4:27

da Ibilis madi' mohumpak kasampatan.

EFESUS 6:11

Pake iwi-iwi' na poguhaton nu mahampate anu sukup anu binee'mo nu Tumpu hi komiu, da komiu timbali moko ala totinjo mongewa kapandean nu to roh-roh anu mongakali lengkat i Ibilis.

1 TIMOTIUS 2:15

Mau mule' sumo aijo', boune salamat na mohampeakon anak, asan ia ta'aluk na kinyonyoa tataap palesaya hi Kristus ka' tataap mongkalibosi mian sangga'at ka' tumuu' samata-mata kalana kapentingan nu Tumpu.

1 TIMOTIUS 2:9

Tionyo ahi' to bou-boune mompakei butongnyo babaanggan, ka' mompake pakean anu ma'ima' na otoa. Boli mompake potongan nu ubak ogunting anu talalo okabangangi kabai mai-mainan mosoni', kabai mutiara, kabai pakean anu to maha-mahan.

1 TIMOTIUS 3:11

Bengkele' nu aha suele tionyo ahi' mian anu tobos, misa' mian anu mongka'ima'i lewa' mombebakon sisik anu madi' totu'u. Aha tionyo monsumbu' boli mahasisikon ka' jujun i uno nu han iwi-iwi'.

1 TIMOTIUS 3:2

Samian na anu montoongi jama'at tionyo ahi' mian anu madi' ko kasala'annyo, ola sa'angu' na bengkele'nyo, monsumbu' sabaan, pande ka' anu montoongi atulan; ia mongka'ima'i montalima mian i laigannyo, ka' timbali mongajan mian,

2 TIMOTIUS 4:17

Panyo Tumpu na nonsangalui aku. Ia na nombee'imo kahosonan sahingga aku noko ala nompolele Lele Ma'ima' aijo' iwi-iwi', da ihongo nu mian iwi-iwi' anu misa' Yahudi. Sahingga aku madi'mo kinona nu bahaya nu kapatean.

TITUS 1:8

Ia tionyo ahi' sanang na montalima mian anu sonsoo' i laigannyo, mongka'ima'i hahan anu ma'ima', timbali mongatun butong, jujun, susi' ka' ta'atun.

TITUS 2:12

Balakat nu Tumpu aijo' mompogulu' kita da madi'mo daagi' kita tumuu' mompaha sala' tiba pongka'oho' nu Tumpu ka' madi'mo montuluti anu nu ka'ima'i nu dunia. Kita pinogulu' da tumuu' i uno nu dunia aiya, da monsumbu' boli sampa tagoda nu apa-apaa, jujun ka' tulu-tulutan hi Tumpu.

TITUS 2:2

Opokinde'i na mian to momo'ane anu langkai'mo, da aha boli sampa tagoda nu apa-apaa, pande ka' tumuu' sumo mian anu pantas otabe'i. Aha tionyo ahi' suele montoongi pangajalan anu totu'u anu nolengkat mae hi Tumpu, mongkalibosi tala-talakana', ka' sabaan na mongoa'i sansala.

TITUS 2:4

da tiba jalan anu sumo aijo' aha timbali mompogulu' to bou-boune anu ma'isa bengkele' mongkalibosi osoanyo ka' to ana-anaknyo,

TITUS 2:6

Sumo aitu mule', pokinde'i na to oli-olitau da aha timbali sinsumbu'.

YAKOBUS 4:7

Mokonyo aijo' pati'aluk hi Tumpu ka' ewa na Ibilis, sahingga Ibilis mopadeka' mompala'i komiu.

1 PETRUS 1:13

Kalana aitu, tionyo ahi' komiu saja' mosadia. Bajaga-jaga ka' otaha'imani ahi' totu-totu'u na balakat anu obee'je mae hi beleyum de i Yesus Kristus po'ule'mo toka saidi' mae.

1 PETRUS 4:7

Iwi-iwi na apaa mongahopi ka'ahenannyo, mokonyo aijo' okuasai ahi' na butong miu ka' balajaga-jaga, da belemiu moko ala timbali balado'a.

ANU PINOTO'I HI YOHANES 12:10

Lantas aku nohongo potatae anu daka', i suluga' nontaloakon, “Uukamo aiya na tempo'nyo Tumpu momposalamatmo mian anu pinalesayamo hi Ia! Uuka aiya Tumpu mompotoamo kuasa-Nyo salaku Tomundo! Uuka aiya Tomundo anu Momposalamat anu jinanji'mo aijo' suele mompotoamo kakuasa'an-Nyo! Kalana anu mompisala'i to Utu-utusto i ahop nu Tumpu sinaa ka' malom, sinabatakonmo lengkat mae i suluga'.

ANU PINOTO'I HI YOHANES 12:12

Kalana aijo', tionyo ahi' suluga' ka' iwi-iwi' anu jojoong i unonyo, balame-lame'mo! Panyo silaka na dunia ka' ambai, kalana Ibilis nintatau'mo hi komiu ka' pinusamo hondo, kalana nusumbu' saba' tempo'nyo madi'mo daagi' pin.”

ANU PINOTO'I HI YOHANES 12:9

Ulo anu talalo hondo daka' aijo' ingalin i sambiha'nyo! Iamo na ulo anu ilangkai'mo anu o sanggohi Ibilis kabai Roh Ma'idek, anu mongakalimo songko-songko na dunia. Ia ingalinmo nokaiyong i dunia tiba iwi-iwi' na malaikatnyo.

ANU PINOTO'I HI YOHANES 20:10

Lapas aijo' Ibilis anu nongakalimo aha aijo', i lumbu'akonmo i uno nu apu anu sumo ndalangon ka' belelang. I kiijo'mo na tampatnyo nu binatang ka' nabi anu madi' totu'u aijo' ingalin momonanyo. Aha sinakisamo sinaa ka' malom sampe toka sidu-sidutu'.

ANU PINOTO'I HI YOHANES 20:2

Lantas ia nohakop ulo anu daka' hondo aijo', ulo aijo' pininmo hondo – aijo'mo Ibilis kabai Roh anu Ma'idek aijo' – ka' nompungumo ia samadala na taun na kopinnyo.

TO MIA-MIAN KOPIAN 14:5

Sahingga nambamo na i Simson nokiijo' i Timna hingga-hinggat tiba tuuma ka' tinanyo. Hau-haunyo aha notulumo i ale' nu anggur, i Simson siningkabotmo tiba sa'angu' na singa anu daagi' bata'nyo. Singa aijo' tinolo huu'mo,