1 PETRUS 5:7 - KITAB NU TUMPU ALLA LELE MA'IMAI'

⁷ Sampa' o'asanakon iwi-iwi' hi Tumpu na anu ma'isa talalo matantu i uno nu kinyonyoa nu belemiu, kalana Ia na mongkalesang komiu.

1 PETRUS 5:7 ပူးပေါင်းရင်းမြစ်များ

MAZMUR 34:15

patikojo'on ipalabuatan anu ma'idek, anu ma'ima' ahi' na saja' obau o'usahakan ahi' totu-totu'u na paladamean.

MAZMUR 37:5

Simpalakon hi Tumpu na kantumuu'an nu beleyum, Ia ahi' na otaha'imani, ka' Ia na montulungi beleyum.

MAZMUR 40:17

O'amalakon da iwi-iwi' na mian anu monsombah Belento bilahimo ka' lame'mo ka' iwi-iwi' na anu mongka'ima'i kasalamatan lengkat mae hi Belento tataap motatae, “Memang ahi' talasanggo na Tumpu!”

MAZMUR 55:22

Potataenyo ma'ima'hondo na ia mombisalai, panyo i uno nu kinyonyoanyo mongka'ideki. Ia basisik madi' ko pesa-pesa, panyo monsusuk, sumomo bajak na ko tajomnyo.

AMSAL 16:3

Asanakon hi Tumpu iwi-iwi' na tanga'an nu beleyum; sahingga kohasinnyo na beleyum mokalaja.

MATIUS 6:27

Ihe na hi komiu anu kalana bata-bata timbali mompomantan umunnyo mau mule' sangkiding?

MATIUS 6:28

Kadaka' komiu bata-bata mongkona pakean miu? Palahatikan na to bunga-bunga bakung anu tumuu' i padang. Bunga-bunga aijo' madi' mokalaja ka' madi' montonun;

MATIUS 6:31

Boli bata-bata ka' motatae, ‘Apaa na anu o kaanto’, kabai ‘apaa na anu o inumto’, kabai ‘apaa na anu o pakento’?

MARKUS 4:38

Imboyok nu duangan aijo', i Yesus hau-haunyo hoyot nintangonan. Anu saja' mombatuki noliko Ia. Aha notatae, “Tuumangku Gulu', apaa Tuumangku Gulu', madi' mompajuli, kita silaka?”

LUKAS 12:22

Lantas i Yesus notatae hi anu saja' mombatuki Ia, “Aijo' na sababnyo Aku motatae, ‘Boli bata-bata mongkona kantumuu' anum, aijo'mo pa' apaa na anu okaan miu, kabai apaa na anu opake miu.’

LUKAS 12:26

De ola han anu ise' aijo' madi'mo opoko bau miu, ka' kadaka' bata-bata mongkona hahan sangga'at?

YOHANES 10:13

Mian anu mongala tambo aijo' malai, kalana ia mokalaja ola kalana tambo. Ia madi' mompajuli domba-domba haha aijo'.

FILIPI 4:6

Boli bata-bata maumo pa'apaa. I uno nu iwi-iwi' na han, balado'a ka' potoka na poitaon miu hi Tumpu. Apaa na anu opalalui miu, saja' opoto'i na aijo' hi Tumpu, ka' montalima kase.

1 SAMUEL 30:6

To sulu-suludadu i Daud sinusa'mo hondo kalana madi'mo kino anak tiba bengkele' nu aha. Mokonyo aijo' aha kahanda'mo mompahambunu'akon nu batu i Daud. Jadi i Daud sinusa'mo hondo panyo kinyonyoanyo po ule'mo pinohoson nu Tumpu Allahnyo.