1 PETRUS 5:6 - KITAB NU TUMPU ALLA LELE MA'IMAI'

⁶ Kalana aitu, pati'alukakon na butong nu belemiu i aluk nu lima nu Tumpu anu maho-mahoson, da Nu hangkat na belemiu de tokamo na tempo'nyo.

1 PETRUS 5:6 ပူးပေါင်းရင်းမြစ်များ

1 TOMU-TOMUNDO' 21:29

“Tinoaumo nu beleyum mosia na i Ahab tina'alukmo hi beleng-Ku? Kalana aijo' Aku madi'mo daagi' mompotoka mae balaa' de daagi' ia tutuu' minsanje anaknyo atina'je ka' Kupotoka mae na balaa' aijo' hi aha sa'anakan.”

2 TOMU-TOMUNDO' 22:19

beleyum nompele-pele'mo ka' nangaku sinala'mo hi beleng-Ku. Pinopobuhuk-Kumo na Yerusalem na hukuman ka' mian anu jojoong i kiijo'. Ku potimbalimo na kota' aijo' sa'angu' na kota' anu okabuhuk hondo de otoa, ka' sanggo Yerusalem ku potimbalimo sanggo anu kinutukan. Panyo salatan beleyum nohongomo anu binau pinompobuhuku aijo', beleyum i humangmo ka' nombea-beakmo baju' salaku tanda sinusa'mo hondo na kinyonyoa nu beleyum. I hongong-Kumo na do'a nu beleyum,

2 TAWARIKH 12:12

Kalana i Tomundo nongakuimo kasala'an hi Tumpu, ka' mule' kalana daagi' ahi' ko hahan anu ma'ima' i Yehuda sahingga madi'mo Tumpu nontambuha'i i Rehabeam ka' madi'mo ahi nonsilakai ia.

2 TAWARIKH 30:11

Panyo, daagi' ahi' ko to mia-mian aha tulunan nu bansa Asyer, Manasye ka' Zebulon, anu mongka'oho' mamba i Yerusalem.

2 TAWARIKH 32:26

Panyo ahennyo i Hizkia ka' to mia-mian nu Yerusalem nangakumo kasala'an, sahingga tempo'nyo i Hizkia daagi' tutuu' hukumannyo aijo' madi'mo pinokona hi aha.

2 TAWARIKH 33:12

Tempo'nyo ia nonta'upmo kasansalan aijo', ia nongakuimo kasala'annyo hi Tumpu Allah-nyo ka' ia binalado'amo nongkakaasemo da otulungi na ia.

2 TAWARIKH 33:19

I Uno nu kitab Sisikon nu to Nabi-nabi tinulismo suele na do'a i Manasye ka' mosia na Tumpu nontaami do'a aijo', ka' mule' sisikon mongkona iwi-iwi na dosa'nyo tempo'nyo ia ma'isa binalatobat, iwi-iwi na tampat bau ponsomban pilogot ka' iwi-iwi na patong Pilogot boune Asyera anu binaunyomo ka' to pilo-pilogot anu nu sombah.

2 TAWARIKH 33:23

Panyo madi' pokakana tiba tuumanyo, i Amon madi' mongaku kasala'annyo ka' madi' po'ule' balatobat ka' monsombah Tumpu; ka' mule' ia na lebe baladosa' molingkudui tuumanyo.

2 TAWARIKH 36:12

Ia suele binaladosa'mo hi Tumpu Allah-nyo. Ia madi' mongka'oho' mongakui kasala'an ka' madi' montuluti anu nu poto'i i Nabi Yeremia, anu nompoto'imo potunon nu Tumpu hi ia.

AYUB 36:22

Sabole-bole otutugi, Tumpu Allah aijo' totu-totu'u daka' hondo na kuasanyo. Te daagi' ko gulu' anu sumo Ia na kopandenyo.

MAZMUR 75:10

Panyo aku sabole-boleh saja' mombebakon Tumpu i Yakub, monyanyi, nyanyian anu bau pompuji' Ia.

MAZMUR 89:13

Belentomo na nompotimbali utara ka' selatan, Bungkutnyo nu Tabot ka' Hermon nontaligalaimo Belento.

NOSABATMO 10:3

Lantas i Musa ka' i Harun nambamo nangadap hi tomundo ka' nompoto'i hi ia, “Tumpu, Tumpu Allah nu aha bansa Ibrani notataemo, 'Sampe toka hipian na kopinnyo na belento madi' mongka'oho' tulut hi beleng-Ku? Pobee'mo na mian anu pinalesayamo hi beleng-Ku mamba, da aha timbali monsombah Aku.

NOSABATMO 3:19

Lapas aijo' Tumpu Allah po'ule' mule' notatae, “Ku sumbu' tomundo Mesir madi' mompobee' belemiu mamba, beilako' ugaat de ia opakisa.

NOSABATMO 32:11

I Musa nongkakasemo hi Tumpu Allahnyo, ia notatae, “O Tumpu kadaka' Belento mombaumo sumo aijo' hi aha? Te misa' Belento nomposalamatmo aha lengkat mae i Mesir nu kakuasa'an ka' kahosonan anu daka'?

AMSAL 29:23

Mian anu takabun saidi mae madi'mo o'adati mian anu madi' takabun saidi mae o puji'mo.

YESAYA 2:11

Ola-olanyomo ahi Tumpu na anu opopodaka'.

YESAYA 40:4

Iwi-iwi na bangka'nyo tionyo ahi' otabuhi, bungkutnyo tiba puge'nyo opohata. Tano' anu mapuge' pojadimo da mahata ka' anu milebo-lebok opalonde'mo.

YESAYA 57:15

Kalana sumo uukamo na potatae nu Tumpu Anu Matangkas na Kuasanyo ka' susi', anu balakuasa sampe toka sidu-sidutu', “Kajojoongan-Ku i tampat anu matangkas ka' susi', panyo suele ahi' jojoong hi to mia-mian anu ma'ima' na kinyonyoanyo, ka' anu binalatobatmo isinin na dosa' nu aha, da opo'ule'mo na sumangat nu aha tiba halapan nu aha.

YEREMIA 13:18

Tumpu notataemo mae hi belengku, “Palentah na i tomundo' tiba bengkele'nyo da mintatau'mo mae ikadelanyo, kalana makota'nyo anu ma'ima' aijo' nanabu'mo mae madi'mo ko anu atina' i ubak nyo.

YEREMIA 44:10

Panyo sampe toka sinaa uuka belemiu madi' ahi' mangaku sala'. Belemiu madi'mo mae nongadati Aku ka' madi'mo tinumuu' montuluti atulan anu pinalentahkon-Kumo hi belemiu ka' hi mompolee' mae nu belemiu.

YEHEZKIEL 17:21

Suludadunyo anu toto hoso-hoson silakamo i uno nu pahampatean ka' anu moko ala mopalai mosungke-sungkehetmo pa' moya. Sahingga nu sumbu'je nu mian anu palesayamo hi beleng-Ku taalu' Akumo ahi' na Tumpu anu notataemo.”

YEHEZKIEL 21:6

O, manusia anu madi' tumuu' batu, polotando'mo ka' pososonmo i ahop nu to mia-mian Israel, susumo au'aitu beleyum madi'mo ko halapan.

DANIEL 5:22

Panyo anaknyo momo'ane aijo'mo belento Tuanku madi' mongka'oho' ta'aluk maumo ahi' nu sumbu' nu belento Tuanku na iwi-iwi' aijo'.

IMAMAT 26:41

sahingga Aku nongalamo kaputusan molaa'mo aha momboamo ka' opojoongmo i lipu' nu anu monsampobali' aha. Ahennyo, de lee' nu belemiu matundu'mo ka' montalimamo hukuman kalana dosa' ka' kalana noto idekmo na aha.

MIKHA 6:8

Madi'! Tumpu nompoto'imo hi kita han anu ma'ima'. Anu nu tuntut hi kita aijo'mo: da kita mingkalakuan ahi' adin, ka' saja' ahi' balaniat mompahakali-kalibosi ka' mule' madi' ahi' ko bubun ka' tumuu' ahi' mosa'angu' tiba Tumpunto.

MATIUS 23:12

Mian anu mohangkat butongnyo, o tauhakon, ka' mian anu montauhakon butongnyo o hangkatakon.”

LUKAS 1:52

To Tomu-tomundo tinauhakon-Nyo na pangkatnyo ka' mian loloison i hangkatakon.

LUKAS 14:11

Kalana batu-batu mian anu mohangkat butongnyo, tionyo otauhakon, panyo anu mongalukakon butongnyo o hangkat.”

LUKAS 18:14

“Palesayamo” na koonyo i Yesus, “salatan ninsusule'mo i laigan, topo tage hasin aijo' na tinalima nu Tumpu, misa' mian nu Farisi aijo'. Kalana batu-batu mian anu mohangkat butongnyo otau'akon, ka' batu-batu mian anu montau'akon butongnyo, o hangkat.”

ROMA 5:6

Tempo'nyo kita i uno nu madi'mo moko ala, i Kristus sinilakamo pontokong kita i tempo' anu tinantukanmo nu Tumpu; padahan kita to mia-mian anu najo'onmo hi Tumpu.

1 KORINTUS 10:22

Kabai o kita mongka'oho' mombau Tumpu ma'idekan na kinyonyoanyo? Te kita lebe mahoson molingkudui Tumpu?

PO'ULE' INGULIT 32:35

Tumpuje na mombalosakon ka' mohukum aha, madi'mo pin aha osilakaimo; aha osilakai madi'mo pin na tempo'nyo.

1 TIMOTIUS 2:6

Ia samian na manusia anu nombee'mo butong-Nyo da mompobebas iwi-iwi' na mian i to dosa-dosa' nu aha. Tiba jalan aijo' Tumpu Allah nompoto'imo tempo'nyo anu tinantukanmo, kalana Ia mongkahanda'i da iwi-iwi' na mian oposalamat.

TITUS 1:3

I tempo' anu na tantumo, Tumpu momponyata'mo anu jinanji'-Nyomo, apaa na anu pinotuun-Nyomo aijo'. Potuunon aijo' pinalesayakonmo hi belengku, ka' pinolelengkumo kalana palentah nu Tumpu anu Momposalamat kita.

YAKOBUS 4:10

Tionyo ahi' komiu mompati'alukakon butong hi ahop nu Tumpu, sahingga nu hangkatje nu Tumpu na komiu.

YAKOBUS 4:7

Mokonyo aijo' pati'aluk hi Tumpu ka' ewa na Ibilis, sahingga Ibilis mopadeka' mompala'i komiu.

YAKOBUS 5:10

To Utu-utus, o inau' na to nabi-nabi anu binasisikmo salaku nowakini mae Tumpu. Aha sinabanmo ka' madi' nompele-pele' na nongoa'i sansala. Jadi, ala na aha da salaku bau sonto'.