1 PETRUS 5:2 - KITAB NU TUMPU ALLA LELE MA'IMAI'

² da belemiu molaya' tompukan nu domba anu pinalesayakonmo nu Tumpu hi belemiu. Oposanang na kinyonyoa de molaya' aha susumo anu nukahanda'i nu Tumpu, ka' boli maboat na kinyonyoa. Boli mule' belemiu mokalaja kahanda' da mohumpak dale', panyo kalana komiu totu-totu'u mongka'oho' mongkalesang.

1 PETRUS 5:2 ပူးပေါင်းရင်းမြစ်များ

2 TOMU-TOMUNDO' 12:6

Tinoka i taun kino uampulu'nyomo ka' totolu' na i Yoas nompalentah, to ima-imam ma'isa ahi' nompokopiani apa-apaa na anu na'idekmo i Laigan nu Tumpu

NYANYIAN ANU TALASANGGO 1:8

Toho' mule' na beleyum monsumbu' tampatnyo, o anu handa anu aijo' hi aha to bou-boune? Batukimo na kalajangan nu gombuan nu domba, ka' olaya' na to memee' nu beleyum koko pinombauan kemah nu anu molaya'.

YESAYA 40:11

Susumo samian na polaya' nu binatang na Ia mompotuu', potuu'on-Nyo; Ia na nomposihuk aha. To ana-anak nu domba Nu tangkung mae, madi' Ia monsigohi mae na montuntuni to tina-tinanyo.

YESAYA 56:11

Aha susumo ahi' dedeng anu majoko' anu madi' toho' mobosu. To pola-polaya' haha aijo' madi' mangalati'. Toto samian mombau apaa na anu nu kai' ma'i nu aha ka' molio posi ka'untungan nu aha.

YESAYA 6:8

Lantas ihongongkumo na potatae nu Tumpu nompoto'i, “Ihe na Kusai? Ihe na momboa lele lengkat aiya hi kita?” Tinaamankumo, “Aiya na aku. Saimo mae na aku!”

YESAYA 63:11

Lantas tinonginau'mo tempo'nyo naipuan mae tempo'nyo i Musa, posaihon nu Tumpu. Aha nompokilawamo, “Iyamo mae na Tumpu anu nolaya'mo to pola-polaya' nu aha mian anu pa lesayamo hi Ia notulu i ambai? Iyamo mae na Tumpu anu nombee'mo kuasa-Nyo hi aha?

YEREMIA 13:17

De belemiu madi' mongka'oho' mompotombihing saba' ku haangimo hoko-hokot. Tiba kinyonyoa anu malibos hondo ku haangimo na buulon nu belemiu ati-atina'. Lolu'ku jumujumo kalana mian anu palasayamo hi Tumpu oboamo salaku mian anu ihakopmo.

YEREMIA 13:20

Tumpu notataemo hi aha anu jojoong i Yerusalem, “Palahatikan! Iwi-iwi' na sampobali' nu belemiu hau-haunyomo mae tinoka lengkat mae isasu utara! Iyamo mae na to mia-mian anu tionyo ahi' ojagai nu belemiu ka' anu ahi' talalo takabunakon nu belemiu aijo'.

YEREMIA 6:13

Aha iwi-iwi', anu tu'amo tiba anu daagi' anak, molio ka untungan tiba jalan anu madi' hodi'. Paka laus mule' nabi tiba imam suele nongakalimo miam.

YEREMIA 8:10

Kalana aijo' ale' nu aha Ku bee'mo hi tumpu nu tano' sangga'at, ka' mule' bengkele' nu aha Ku bee'mo hi mian sangga'at. Aha iwi-iwi' tu'anyo tiba anak molio ka untungan tiba jalan anu tageo'. Pakalaus mule' nabi tiba imam suele ahi' mongakali mian.

YEHEZKIEL 34:23

Aku mohangkatmo samian na tomundo' anu pokakana sumo posaihon-Ku i Daud da timbali bau polaya' aha, ka'iamo na mompalakai aha.

YEHEZKIEL 34:31

Memang totu'u belemiumo na tompukan nu dombang-Ku anu Ku bee'i mongkaan. Belemiu atina'mo na mian anu palesayamo hi beleng-Ku, ka' mule' Aku, Tumpu nu belemiu. Aku, Tumpu Anu Matangkas na Kuasanyo notataemo.”

YEHEZKIEL 46:24

Koonyo nu mo'ane ai-aijo' hi belengku, “Aiyamo na polu' haha aiya tampat nu to ima-imam anu mokalaja i Laigan nu Tumpu mongkuluki koloban-koloban anu nu sombahkon nu mian da'isan.”

MIKHA 3:11

Anu balakuasa i kota' lewa'mo nompalentah da mohumpak doi ponsogo', to ima-imam lewa' mompogulu'atulan nu Tumpu da mohumpak gaji, ka' to nabi-nabi momoita pokinde' hi Tumpu da mohumpak doi – lantas aha iwi-iwi' monsangka Tumpu daagi' monsangaja'i mae aha. Aha notatae, “Tumpu saja' daagi' aiya hi kita; kita madi' nukona mae nu balaa'.”

MIKHA 5:4

ka' mule' Nu bee'imo kadamean. De suludadu nu aha Asyur montumbuhimo mae lipu' to ka' mohobo'akonmo bentengto, kita suele montipaha'imo ahi' to pola-polaya'to anu to hoso-hoson da mongewamo aha. To pola-polaya'to mompatundu'mo Asyur nu toongon nu aha ka' momposalamatmo kita da madi'mo nu patei nu aha.

MIKHA 7:14

O, Tumpu ojagaiakon mae na mian anu palesayamo hi Belento, mian anu pinile'anmo nu Belento. Aha nosi tademo na jinojoong i uno nu alas anu ewa hondo i daerah nu tano' anu ma'omuk. Bisa-bisa aha mohumpak anu okaan i padang hemput kiijo' mae i Basan ka' mule' kiijo' mae i Gilead susumo tempo'nyo naipuan mae.

ZAKHARIA 11:17

Kinutukan na polaya' potuu'on anu madi' mingkaliangan aijo'! Ia nompala'imo pahasan nu dombanyo. Kakuasa'annyo belentimo de saidi' mae mahampatemo. Limanyo lundengmo ka' mule' matanyo anu sasu koanannyo mapisokmo.”

MALEAKHI 1:10

Tumpu Anu Daka' na Kuasanyo notataemo, “Lebe ma'ima' tumban nu Laigan-Ku otumbanmo kalana palasuma ahi' na belemiu mompomoak apu i mezbah-Ku. Madi'mo Ku ka'ima'i na belemiu ka' mule' madi'mo mongka'oho' mongala palasombahan nu belemiu.

NOMBILANGMO 18:7

Panyo ola beleyum tiba to ana-anak nu beleyum na timbali mombau pakalaja'an salaku imam, i pakalaja'an iwi-iwi' anu ko tuusanannyo tiba mezbah ka' apaa na anu kiijo' i Salipi' anu Susi' hondo. Aijo' na anu tionyo ahi' nu bau, kalana Aku nombee'imo belemiu pangkat salaku imam. Batu-batu mian anu madi' ko hak aijo' o hukum mate de mongohanimo balang haha aijo' anu susi' hondo aijo'.”

LUKAS 12:32

“Komiu anu ola sangkiding na konjoo'nyo, boli mabuhuk! Kalana Tuumaum sanang mombee' hi beleyum balakat lengkat mae i Kapalentahan-Nyo.

SISIKON NU TO RASUL-RASUL 20:29

De Aku mambamo totu-totu'u tokaje' mae na to seri-serigala anu bahangihi moitina' hi komiu. Ka' to mia-mian anu ojagai miu aijo' timbalimo kaanon nu to seri-serigala haha aijo'.

SISIKON NU TO RASUL-RASUL 21:13

Panyo tinaamannyo, “Apaa na gunanyo kita Utus humaang sumo aiya sahingga monsaduakon kinyonyoangku ma'idekan? Aku noko sadiamo misa' ola da o hakop i kiijo' mae, panyo maumo o patei pe'e kalana i Tumpu Yesus.”

ROMA 1:15

Mokonyo aijo' ku indi hondo mompolele Lele Ma'ima' aijo' hi komiu anu suele jojoong i Roma.

1 KORINTUS 9:7

Madi' ko suludadu anu mongongkosi posi butongnyo hi aha anu montinjohakon pahampatean! Madi' ko mian topo ale' anu mosu'an anggur i ale'nyo, lantas madi' mongkaan hasin nu anggur i ale' aijo'! Madi' ko polaya' domba anu mompotuu' domba, ka' madi' monginum susu nu domba-dombanyo haha aijo'!

1 TIMOTIUS 3:3

boli mian anu saja' malangu, kabai anu mongka'ima'i mahantuda'. Sumo aitu mule' ia tionyo ahi' boli buhingison ka' mongka'ima'i baladame. Ia madi' timbali mompopodaka' doi.

1 TIMOTIUS 3:8

Pabantun nu jama'at tionyo ahi' suele mian anu ma'ima' ka' madi' tageo' na kinyonyoanyo; madi' mompopodaka' doi, ka' madi' talalo mongka'ima'i monginum anggur manjoo'.

TITUS 1:11

Mian anu susumo haha aijo' tionyo ogintumi na nganga'nyo, kalana aha mompotasibu manjoo' na auwan kalana to panga-pangajalan anu madi' ko gunanyo. Aha mombau sumo aijo' ola kalana mongka'oho' molio kauntungan anu madi' pantas!

TITUS 1:7

Polaya' nu jama'at atina'mo mian anu mongatun pakalaja'an nu Tumpu, ia madi' timbali ko kasala'annyo. Ia madi' timbali kobubuun kabai saja' pusa, kabai saja' malangu, kabai mongka'ima'i mahantuda', kabai kinyonyoa saja' mompopikilakon doi.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

TITUS 3:1

Opo'ingat na to mia-mian i jama-jama'at nu beleyum da aha tulu-tulutan hi to pola-polaya' ka' anu mongkuasai negara, ka' mule' tulu-tulutan mombau iwi-iwi na han anu ma'ima'.

FILEMON 1:14

Panyo aku madi' mongka'oho' mombau apa-apaa de kita Utus ma'isa monsitujui mae. Aku lebe mongka'ima'i de kita Utus montalima ia ka' halata' ahi' na kinyonyoaum; aku madi' mongka'oho' mompakisa beleyum.

IBRANI 12:15

Obala'ingati da boli ko samian na anu mosabat mompala'imo kalibosan nu Tumpu, da boli ko samian na anu timbalimo sumo hemput anu ko lasungnyo itina' hi komiu, sahingga monsaduakonmo kasusa'an ka' mongideimo mian da'isan nu lasungnyo.

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.