1 PETRUS 5:14 - KITAB NU TUMPU ALLA LELE MA'IMAI'

¹⁴ Mompaha sala-salan do'ai samian ka' samian totu-totu'u nu kalibosan salaku tanda poto utusan nu mian Kristen. O'amalakon da Tumpu mombee'i mae kabilahian hi kita Utus iwi-iwi' anu i Kristusmo na tumpu-Nyo. Tabea' mami, I Petrus 14

1 PETRUS 5:14 ပူးပေါင်းရင်းမြစ်များ

MATIUS 5:47

Ka' de komiu mombee'i salan do'a ola hi to sanga-sangaluyum, apaa na ka'ima'annyo? To mia-mian anu madi' monsumbu' Tumpu suele mombau sumo aijo'?

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

YOHANES 16:33

Iwi-iwi' aiya Ku taloakon da komiu mohumpak ka' ima'an, kalana mosa'angu' tiba Aku. I dunia komiu sansala, panyo potataap na kinyonyoa miu! Ihungku'ankumo na dunia!”

YOHANES 20:19

Sinaa nu duminggu suele aijo' salatan i nalomo, anu saja' mombatuki Yesus sinilimu'mo i sa'angu' na laigan, panyo tumban kaho kinunsi, kalana aha mabuhuk hi anu mongkuasai Yahudi. Monti-montiik i Yesus tinokamo ka' tinuminjo i pohintonga'an nu aha ka' notatae, “Tabea', kasalamatan tinokamo hi komiu.”

YOHANES 20:26

Ilapas sinaduminggu anu saja' mombatuki Yesus po'ule' mule' nokiijo' i tampat aitu, ka' kino i Tomasmo. Iwi-iwi' na tumban ginunsing. Panyo i Yesus tinoka ka' tinuminjo i totonga' nu aha lantas notatae, “Tabea' kasalamatan tinokamo hi komiu.”

ROMA 1:7

Mokonyo aijo' aku nontulis toka hi komiu. O' amalakon da Tumpu Tuumanto ka' i Tumpu Yesus Kristus mombee'i balakat kopi-kopian hi komiu.

ROMA 16:16

Mompaha sala-salan do'ai nu kalibosan salaku poto utusan nu mian Kristen. Iwi-iwi' na jama'at Kristus mompotoka salan do'a nu aha hi to Utu-utus.

ROMA 8:1

Uuka aiya madi'mo ko pohukuman hi aha anu tumuu' mosa'angu' tiba i Kristus Yesus.

1 KORINTUS 1:30

Posi Tumpu na nompotimbali sahingga kita Utus nosa'angu' tiba i Kristus Yesus. Ola kalana i Kristus, sahingga kita pinotimbali pande. Ka' mule' ola kalana Ia, Tumpu nompotimbalimo kita po'ule' nompaha ima' tiba butong-Nyo, nompotimbali kita samata-mata mian-Nyo anu palesayamo, ka' nompobebas kita.

1 KORINTUS 16:20

Iwi-iwi' na to Utu-utus i aiya mompotoka salan do'a hi komiu. Mompaha sala-salan do'ai nu kalibosan susumo poto utusan nu mian Kristen.

2 KORINTUS 13:12

Mompaha sala-salando'ai samian ka' samian nu kalibosan salaku poto utusan nu mian Kristen. Iwi-iwi' na mian anu palesayamo hi Tumpu nompakatu salan do'a hi belemiu.

2 KORINTUS 5:17

Mian anu nosa'angu'mo tiba i Kristus tinimbalimo mian bu'ou totu-totu'u. Anu pini-pininmo imadi'anmo – iwi-iwi' tinimbalimo bu'ou.

EFESUS 6:23

O amalakon da Tumpu Tuumanto, tiba i Tumpu Yesus Kristus mombee'i jalan da jama'at iwi-iwi' mosa'angu' ka' mompaha kali-kalibosi ka' saja' palesaya hi Kristus.

1 TESALONIKA 5:26

Mompaha sala-salan do'akon iwi-iwi' nu kalibosan salaku poto utusan nu mian Kristen.

3 YOHANES 1:14

Kalana ku tutugi madi'mo pin po'ule'mo singkabot tiba komiu, ka' kita lewa'je basisik.