1 PETRUS 4:8 - KITAB NU TUMPU ALLA LELE MA'IMAI'

⁸ Mompaha kali-kalibosi totu-totu'u samian ka' samian, aijo' na lebe molingkudui iwi-iwi' kalana de mompaha kali-kalibosi belemiu suele timbali mompaha ampu-ampuni.

1 PETRUS 4:8 ပူးပေါင်းရင်းမြစ်များ

AMSAL 10:12

Mongka'ideki mian monsaduakon da saja' painggaga; panyo mompaha kali-kalibosi mongampuni iwi-iwi' na kasala'an.

AMSAL 12:16

De mian anu ponga' pusa ugaat kalana nohongomo potatae nu mian, isinaamo ahi' ai-aijo' na nupoto'i koonyo ia pinusamo; panyo mian anu pande madi' montapali de koa nu mongalu.

AMSAL 17:9

De mongkahanda'i da nu ka'ima'i nu mian; o ampuni na kasala'an anu binaumo nu aha. Molubat-lubatakon kasala'an la da mombotu'i posangaluan.

AMSAL 18:13

Montaami padahan ma'isa pe'e ohongo atina' palabuatan anu ponga' ka' madi' ma'ima'.

1 KORINTUS 13:1

Mau mule' aku moko ala basisik tiba ngangahan basa' nu mian, kabai o tiba basa' nu malaikat, panyo aku madi' mongkalibosi mian sangga'at, saba' anu saja' kutaloakon aijo' ola onyi' anu linsingan panyo madi' ko alati'nyo.

1 KORINTUS 13:4

Mian anu mongkalibosi to mia-mian sangga'at, sabaan ka' ma'ima' na kinyonyoa. Ia madi' pangka'ideki mian, madi' malambubut, madi' kobubuun.

KOLOSE 3:14

Ka' anu talalo hondo penting, aijo'mo: Komiu tionyo ahi' mompaha kali-kalibosi, kalana kalibosan aijo' na momposa'angu' to Utu-utus iwi-iwi' sahingga timbali mian anu sahondo-hondonyo.

1 TESALONIKA 3:12

O amalakon hi Tumpu da mompotimbali komiu lebe saja' mongkalibosi samian ka' samian, sahingga kalibosanum ko pintu-pintuangnyo, pokakana sumo kalibosan mami hi komiu.

2 TESALONIKA 1:3

To Utu-utus, kami saja' tionyo montaloakon talima kase hi Tumpu kalana komiu. Ka' konanyomo na kami mombau sumo aijo', kalana komiu nompaka palesayamo hi Kristus, ka' komiu lebemo nompaha kali-kalibosimo samian ka' samian.

1 TIMOTIUS 1:5

Kahanda' nu pokinde'ku aijo', atina'mo da mian timbali ko kinyonyoa anu ma'ima' ka' kinyonyoa anu ma'ima' ka' susi', tiba mule' totu-totu'u palesaya hi Tumpu, ka' tiba jalan anu sumo aijo' yo aha timbali mongkalibosi sangalunyo.

IBRANI 13:1

Tionyo ahi' komiu tataap mompaha kali-kalibosi samian ka' samian susumo to mia-mian Kristen anu moto utus.

YAKOBUS 5:12

Anu talalo hondo penting, aijo'mo: Boli basumpa', mau tiba sanggo nu langit, mau tiba sanggo nu tano', kabai tiba sanggo nu mau mule' pa' apaa. Ola ahi' otaloakon “Ii'” de kahanda' nu beleyum ii', ka' “Madi'” de kahanda' nu beleyum madi'; da komiu boli opokonai hukuman nu Tumpu.

YAKOBUS 5:20

o inau' na ayat aiya: Mian anu mompotimbali mian baladosa' mobalikmo mae mompala'i jalannyo anu sala', mian aijo' nomposalamatmo santuu' nu mian anu binala dosa'mo aijo', anu sabenannyo i natemo ka' nompotimbalimo manjoo' na dosa' ingampunanmo. Tabea' mami, I Yakobus 12

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

3 YOHANES 1:2

balado'a mongamalakon da beleyum Utus boli masakit ka' iwi-iwi' mompaha ima' beleyum, pokakana sumo kinyonyoaum saja' ma'ima'.