1 PETRUS 4:6 - KITAB NU TUMPU ALLA LELE MA'IMAI'

⁶ Mokonyo aijo' Lele Ma'ima' binebakonmo suele hi to mia-mian anu sinilakamo. Makisutnyo da aha anu pinutusanmo salaku butongnyo – susumo hannyo iwi-iwi' na mian saidi' mae o putusi – timbali tumuu' salaku rohani mombatuki pongka'oho' nu Tumpu.

1 PETRUS 4:6 ပူးပေါင်းရင်းမြစ်များ

MATIUS 24:9

Lapas aitu, komiu o hakop ka' o bee' da o sakisa ka' o patei. Songko-songko na dunia mongka'idekimo komiu, kalana komiu anu mombatuki Aku.

ROMA 8:2

Kalana atulan nu Roh nu Tumpu na mombau kita tumuu' mosa'angu' tiba i Kristus Yesus nompobebasmo aku lengkat i atulan anu monsaduakon dosa' ka' kapatean.

GALATIA 2:19

Panyo aku sinilakamo i atulan nu agama – atulan aijo' na nonsilakai – da aku tumuu' bau kapentingan nu Tumpu. Aku sinalibmo hingga-hinggat i Kristus.

GALATIA 5:25

Roh nu Tumpu nombee'imo kita kantumuu'an anu bu'ou; mokonyo aijo' Ia suele mongkuasaimo ahi' kantumuu'anto.

1 PETRUS 1:12

Hi to nabi-nabi haha aijo' Tumpu nompoto'imo tukoonyo apaa na anu nubau nu aha misa' bau kapentingan nu aha, panyo bau kapentingan nu belemiu; atina'mo hahan anu tempo' uuka aiya i hongomo komiu mana-manasa hi to mia-mian anu nompolelemo Lele Ma'ima' mongkona i Yesus Kristus. Aha nomposumbu' hahan aijo' hi belemiu kalana kuasa nu Roh nu Tumpu anu sinai-Nyo mae lengkat i suluga'. To mala-malaikat pe'e mongkahanda'i suele da monsumbu' lele anu nu polele nu aha aijo'.

1 PETRUS 3:18

Kalana i Kristus sinilaka ola minsan sampe toka sidu-sidutu' kalana dosa' nu manusia – samian anu madi' ko sala'nyo sinilaka kalana monsawani mian anu ko sala'nyo. I Kristus nombau sumo aijo' da Ia timbali molaya' belemiu toka hi Tumpu. Ia sinilakan ola butongnyo biasa, panyo po'ule' pinotumuu' nimbutongmo nu rohani.

1 PETRUS 3:19

I uno nu Ia sumo Roh Ia nambamo nompolele, lele lengkat mae hi Tumpu toka hi to roh-roh anu tinalungku'mo:

ANU PINOTO'I HI YOHANES 14:18

Lapas aijo', samian na malaikat sangga'at anu mongkuasai apu, lengkat mae i mezbah. Ka' ia notatae daka-daka' hi malaikat anu totoong sabit anu matajom aijo', “Pewakonmo na sabit nu Beleyum atina' ka' pahansabitakonmo na bua' nu anggur haha aijo' i dunia, kalana bua'nyo haha aijo' i nahamo!”