1 PETRUS 4:5 - KITAB NU TUMPU ALLA LELE MA'IMAI'

⁵ Panyo aha saidi' mae tionyo mosadia bau pontaami apaa na anu binaumo nu aha hi Tumpu anu sasadiamo momputusi mian tumuu' ka' anu sinilakamo.

1 PETRUS 4:5 ပူးပေါင်းရင်းမြစ်များ

MAZMUR 1:6

Kalana mian anu mohongo-hongo nu laya' ka' nu jagai nu Tumpu, panyo mian anu ma'idek na kinyonyoanyo mongahopimo kasilakaan.

ANU MOMPOLELE POTATAE NU TUMPU 12:14

Tumpu na saidi' mae momputusi iwi-iwi na palabuatanto, anu ma'ima' tiba anu ma'idek, ka' mule' anu sulu-suluk.

YEHEZKIEL 18:30

Tumpu Anu Matangkas na Kuasanyo notataemo, “O, to mia-mian nu Israel, Aku mombee'imo kaputusan hi toto samian sitimbang tiba palabuatannyo. Bolimo daagi' mombau iwi-iwi na dosa' nu beleyum. Boli opojohok na dosa' nu beleyum mohansunimo butong nu beleyum.

MATIUS 12:36

Jadi, o inau': I Sinaa nu Kiamat, toto samian tionyo nu akui apaa na anu tinaloakonnyomo anu madi' ko gunanyo.

LUKAS 16:2

Sahingga i laganyo na pongulus doi aijo' ka' notatae, ‘Mosia na uuka anu i hongongkumo mongkona beleyum? Uuka aiya bee'mae hi belengku na lapulan iwi-iwi' nu kalajaum nongatun kakaya'anku. Beleyum madi'mo daagi' timbali mongulus doingku.’

SISIKON NU TO RASUL-RASUL 10:42

Ka' Ia nonsai kami mompolele Lele Ma'ima' aijo' hi to mia-mian ka' nombee'i katalangan koonyo Iamo na anu i hangkat nu Tumpu da timbali Mian Kopian nu to mia-mian anu daagi' tumuu' ka' to mia-mian anu sinilakamo.

SISIKON NU TO RASUL-RASUL 17:31

Kalana Ia nontantukanmo sa'angu' na tempo' da momputusi adi-adin songko-songko na dunia aiya. Kalaja aijo' nubauje nu samian anu noko pile'anmo nu Tumpu na mombau aijo'. Ka' da iwi-iwi' na mian palesaya totu-totu'u i han aijo', sahingga mian anu sinilakamo po'ule'mo pinotumuu' nu Tumpu!”

ROMA 14:9

I Kristus sinilakamo ka' po'ule' tinumuu'. Mokonyo aijo' Ia timbali Tumpu nu to mia-mian anu tumuu' tiba mule' Tumpu nu to mia-mian anu sinilakamo.

2 TIMOTIUS 4:1

I Kristus Yesus daagi' po'ule' toka i dunia aiya da momputusimo to mia-mian anu tumuu' ka' anu sinilakamo; ka' Ia toka mae da mompalentah sumo Tomundo. Mokonyo aijo' ku poita sabole-bole hi komiu i ahop nu Tumpu ka' hi Kristus Yesus:

YAKOBUS 5:9

Boli lewa' motusa' ka' mompaha pisa-pisala'i, da komiu madi' o hukum nu Tumpu. O inau'! Mian Kopian ingohanimo, malia'mo toka.