1 PETRUS 4:19 - KITAB NU TUMPU ALLA LELE MA'IMAI'

¹⁹ Kalana aijo', de daagi' ko to mia-mian anu mongoa'i kasansala'an kalana sumo aijo' na nu kahanda'i nu Tumpu, jadi bala usaha ahi' da mian haha aijo' tumuu' i uno nu kahondoan ka' mompalesayakonmo ahi' butong nu aha hi anu Nompotimbalimo aha. Ia saja' mongganapi janji'-Nyo.

1 PETRUS 4:19 ပူးပေါင်းရင်းမြစ်များ

ESTER 4:16

“Posihuk na mian nu Yahudi iwi-iwi' anu itina' i Susan mondo'akon mae aku. Bolimo mongkaan ka' monginum, kopinnyo tolun sinaa ka' tolumpahu. Aku ka' to lalangkoyang anu mompalakai aku suele bapuasa'mo. Lapas aijo' aku mangadapmo hi tomundo, maumo han aijo' mompaha sala'mo tiba atulannyo. De memang aku silakamo kalana aijo', bakasmo da aku silakamo!”

MAZMUR 138:8

Belento mongganapimo anu jinanji'mo nu Belento hi belengku boli belenti na mongatun mae mian anu palesayamo hi Belento.

MAZMUR 31:5

Boli mae nu kona nu so'o na aku anu tina'anmo nu aha pohakop aku kalana hi Belentomo na tampat bau pihohunganku.

MAZMUR 37:5

Simpalakon hi Tumpu na kantumuu'an nu beleyum, Ia ahi' na otaha'imani, ka' Ia na montulungi beleyum.

YESAYA 43:21

Ahamo na bansa anu pinojading-Kumo da mombau anu Ku palentahkon, da timbali mombebakon anu bau pompuji' Aku.”

YESAYA 43:7

Kalana aha iwi-iwi' ilagamo i uno nu sanggong-Ku, aha pinotimbaling-Kumo da mompopodaka' Aku.”

DANIEL 6:22

Lantas ihongomo na potatae i Daniel nontaami mae, “Higahiakon na belento Tuanku sampe toka sidu-sidutu'.

LUKAS 23:46

Lantas i Yesus noloboo' hoso-hoson, “Tuuma! I uno nu limanto Kusimpalakonmo na butong-Ku!” Noko potatae sumo aijo' ia sinilakamo.

SISIKON NU TO RASUL-RASUL 7:59

Hau-haunyo aha mompahambunu'akon i Stefanus, i Stefanus noloboo', “Kita Tumpu Yesus, talimamo na roh-ku!”

ROMA 2:7

Tumpu mombee'i kantumuu'an kopian ka' sidu-sidutu' hi aha anu sabaan mombau anu ma'ima' da pohumpakan anu ko angga'nyo, anu opopodaka' ka' toka sidu-sidutu'.

2 TIMOTIUS 1:12

Mokonyo aijo' aku nongoa'imo kasansala'an iwi-iwi' aiya, panyo aku tataap palesaya totu-totu'u, kalana kusumbu' ihe na anu ku palesaya. Ku palesaya totu-totu'u saba' apaa na anu pinalesayakon-Nyomo hi belengku Ia sanggup ahi' na monjagai sampe toka i Sinaa Kakiamatanmo.

1 PETRUS 2:15

Kalana Tumpu mongkahanda'i da anu toto ima-ima' na binau miu, belemiu monggintumimo nganga' nu mian anu basisik ponga'.

1 PETRUS 3:17

Sahanyo mongoa'i kasansala'an kalana mombau anu ma'ima' – de aijo' pongka'oho'mo nu Tumpu – ka' de mule' mongoa'i kasansala'an kalana mombau anu ma'idek.

1 PETRUS 3:20

aijo'mo roh nu to mia-mian anu madi' tulu-tulutan hi Tumpu Allah tempo'nyo daagi' i Nuh. Tempo'nyo aijo' Tumpu sinabaan na nontanda'i sampe i Nuh noko baumo kapannyo. Ola to mia-mian anu i uno nu kapan – iwi-iwi' uwalu' na mian – anu pinosalamat madi' sinilakan nu iaba' pasawe' daka' aijo'.