1 PETRUS 4:18 - KITAB NU TUMPU ALLA LELE MA'IMAI'

¹⁸ I uno nu Kitab nu Tumpu tinulismo sumo uuka, “De to mia-mian anu ma'ima' susa'mo na oposalamat, pa' mosiaje na katimbaliannyo tiba to mia-mian anu baladosa' anu madi' monsumbu' Tumpu!”

1 PETRUS 4:18 ပူးပေါင်းရင်းမြစ်များ

KAJADIAN 13:13

Kota Sodom aijo' jojoongan nu to mia-mian anu ma'idek na kinyonyoanyo ka' baladosa' hi Tumpu.

AMSAL 11:31

De idunia aiya mian manonong suele ahi' saidi' mae mohumpak balosnyo; memang mantantumo na mian anu ma'idek na kinyonyoanyo, baladosa'mo saidi mae mohumpakmo hukuman.

YEREMIA 25:29

Ku tampu'unimo na mohansuni lengkat pe'e iposi kota'-Ku. Dumo nu sangka nu aha au' aitu aha na madi' ahi' ohukum. Aha na memang ahi' ohukumo kalana Aku mompotokamo mae pahampatean hi iwi-iwi' na bansa anu isongko-songko na dunia aiya. Aku, Tumpu Anu Balakuasa, notataemo.

YEHEZKIEL 18:24

Panyo de mian anu manonong madi'mo daagi' mombau palabuatan anu ma'ima' ka' mule' mombaumo palabuatan mule' anu ma'idek ka' iwi-iwi' na palabuatannyo okahegati susumo anu saja' obau nu mian anu ma'idek na kinyonyoanyo, te ia tataap mule' tumuu'? Tantu madi'! Palabuatannyo anu toto ima-ima' haha aijo' madi'mo daagi' ko sa'angu' na daagi' o'inau'. Ia silakamo kalana palabuatan dosa' ka' madi'mo nontuluti Aku.

ZAKHARIA 13:9

Me sambagian na dunia na daagi' salamat. Ka' mule' aha aijo' Ku posusi'mo susumo salaka anu osuangmo i apu da madi'mo ko galo'nyo. Aha Ku uji'mo susumo mian monguji'mo mosoni'. Lantas aha balado'amo hi beleng-Ku ka' suele ahi' Ku taamimo na aha. Ku poto'imo hi aha tukoong-Ku aha aijo' mian anu palesayamo hi beleng-Ku, ka' aha suele mongakuimo tukoonyo nu aha; Akumo na Tumpu nu aha.”

LUKAS 15:1

Daagi' ko sansinaan, da'isan na anu topo tage hasin tiba to mia-mian anu osangka madi' ma'ima' nu mian da'isan, tinokamo mohongo i Yesus.

LUKAS 23:31

Kalana de kona i kau' anu daagi' tutuu', mian mombaumo sumo aiya, pa' mosiaje mule' na nubau nu aha i kau' anu manggasmo!”

SISIKON NU TO RASUL-RASUL 14:22

I kota-kota aijo' aha nompaka pohoson kinyonyoa nu anu saja' mombatuki Yesus ka' nompokinde'i anu saja' mombatuki aijo' da tataap palesaya hi Yesus. “Kita tionyo manjoo' na mongoa'i sansala i moonanyo, atina'je ka' kita mongoa'i ka'ima'an nu Dunia Bu'ou nu Tumpu,” sumo aitumo na to rasul-rasul aijo' mongajanakon hi anu saja' mombatuki Yesus i to kota-kota haha aijo'.

SISIKON NU TO RASUL-RASUL 27:24

Malaikat aijo' notatae, ‘Boli mabuhuk, Paulus! Kalana beleyum mangadapmo hi Tomundo'. Ka' kalana kanonongan nu Tumpu Allah hi beleyum, iwi-iwi' na mian anu tinalabut tiba beleyum salamat, kalana beleyum.’

SISIKON NU TO RASUL-RASUL 27:31

Panyo i Paulus notatae hi kapala nu suludadu anu i kapan aijo', “De anu mokalaja i kapan aiya madi'mo jojoong i kapan, to Utu-utus iwi-iwi' madi'mo salamat.”

ROMA 1:18

Lengkat mae i suluga' Tumpu nompotoamo tambuha'-Nyo hi iwi-iwi' na dosa' tiba ka'idekan nu mian, kalana ka'idekan mongompo' mian da madi' monsumbu' pokinde' anu totu'u mongkona Tumpu.

ROMA 5:6

Tempo'nyo kita i uno nu madi'mo moko ala, i Kristus sinilakamo pontokong kita i tempo' anu tinantukanmo nu Tumpu; padahan kita to mia-mian anu najo'onmo hi Tumpu.

ROMA 5:8

Panyo Tumpu mompotoa liibos-Nyo hi kita tempo'nyo i Kristus sinilaka pontokong kita tempo'nyo kita daagi' baladosa'.

1 KORINTUS 10:12

Mian anu monsangka butongnyo tuminjo mahoson, obala-bala ingati; da boli mamanga ia motua'mo.

1 TIMOTIUS 1:9

Tantu tionyo o inau' saba' atulan anu binau misa' toka hi mian ma'ima', panyo toka hi anu molanggai atulan, to mia-mian anu ma'idek, mian anu palaganta, toka hi mian anu baladosa', mian anu madi' ko agamanyo, mian anu ola mongka'ima'i dunia, toka hi mian anu mompatei tuuma kabai tinanyo, anu saja' mompatei mian,

IBRANI 4:1

Yo, janji' nu Tumpu daagi' ahi' sabole-bole opake, ka' kita mohumpakje pingkainan anu jinanji'nyomo. Jadi, sabole-bole ahi' obala'ingati da boli ko samian anu itina' hi komiu na madi' mohumpak pingkainan anu jinanji'nyomo aijo'.

YAKOBUS 5:6

Komiu nohukummo ka' nompateimo to mia-mian anu madi' ko sala'nyo, ka' aha madi' nongewa komiu.

1 PETRUS 5:8

Balajaga-jaga ahi' na komiu ka' mosadia! Kalana Ibilis atina'mo na sampo bali' miu. Ia sumo singa lumajang mokiijo', mo'uuka, ka' molohuu' molio kaanonnyo.

2 PETRUS 3:7

Panyo langit ka' tano' anu daagi' tempo' uuka aiya, potatae nu Tumpu suele na mompotuu', ka' mule' da opatei nu apu saidi' mae. Tempo' uuka langit ka' tano' daagi' opotuu' sampeje de tokamo na sinaanyo to mia-mian anu ma'idek o hukummo ka' opateimo.

YUDAS 1:15

kalana kahanda'mo momputusi mian iwi-iwi'. Tumpu mohukumo to mia-mian anu mombau anu ma'idek kalana hahan anu binaumo nu aha mian anu palaganta. Ka' Ia mohukumje mian anu baladosa' ka' anu uesan kalana iwi-iwi' na potatae anu mompopo ambang tinaloakonnyomo.”

1 SAMUEL 15:18

Ka' mule' belento Tomundo' pinalentahmo nu Tumpu da mompatei aha mian nu Amalek anu ma'idek hondo na kinyonyoa nu aha aijo'. Belento Tomundo' pinokau-Nyo da mahampate mongewa aha, sahingga mingkot iwi-iwi'.