1 PETRUS 4:15 - KITAB NU TUMPU ALLA LELE MA'IMAI'

¹⁵ Boli ko samian itina' hi komiu mongoa'i kasansala'an kalana ia topo patei, kabai pambuling, kabai anu saja' mombau idek, kabai kalana ia monggalo'i ulusan nu mian sangga'at.

1 PETRUS 4:15 ပူးပေါင်းရင်းမြစ်များ

NOSABATMO 22:2

Ia tionyo mombolosi anu binulingnyo. De madi' ko anu daagi' hi ia apa-apaa, iamo na opobaluk susumo botuan bau pombolosi anu binulingnyomo. De anu binulingnyo aijo' sapi', keledai kabai domba, ka' daagi' i humpak hi mian aijo' daagi' tumuu', ia tionyo mombolosi de sa'angu' na potuu'on obolosi ohua' na potuu'on. De samian na anu mombuling pihi o hakop i uno nu sa'angu' na laigan lantas ia pinateanmo, mian anu nompatei aijo' madi' ko sala'nyo. Panyo de han aijo' binau sina-sinaa, mian anu nompateimo sala'.

MATIUS 5:11

Bila-bilahi na komiu de o alu, o sakisa, o pitana'i kalana Aku.

1 TESALONIKA 4:11

Bala usaha da tumuu' sabaan, ka' boli monggalo'i ulusan nu mian sangga'at. Tionyo ahi' komiu mokalaja mosi lio anu okaan, susumo anu pinalentahkonmo mami u'utu mae.

2 TESALONIKA 3:11

Kami motatae sumo aiya, kalana kami nohongomo, daagi' ko to mia-mian anu itina' hi komiu anu tumuu' ola lewa'mo luluk. Aha madi' mombau apa-apaa panyo ola ahi' saja' monggalo'i ulusan nu mian sangga'at.

1 TIMOTIUS 5:13

Ka' mule' aha ola lewa' mongingkoti tempo' kalana lewa'mo mosabat ka' minsoop i laigan nu mian. Ka' anu lebe ma'idek mule', aijo'mo saba' aha lewa'mo mompitana'i sanggo nu mian sangga'at ka' monggalo'imo ulusan nu mian tiba lewa'mo monsisik hahan anu madi' palalu lewa' osisik.

2 TIMOTIUS 2:9

Kalana mompolele Lele Ma'ima' aijo', nonsaduakonmo aku sinilaka; pinaka mule' i lante' sumo samian anu uesan. Panyo potatae nu Tumpu madi' opoko ala o lante'.

1 PETRUS 3:14

Panyo mau mule' belemiu tionyo ahi' mongoa'i kasansala'an kalana mombau hahan anu ma'ima', komiu mohumpak dale'! Boli mabuhuk mau pa' hi he, ka' boli bata-bata.

1 PETRUS 3:17

Sahanyo mongoa'i kasansala'an kalana mombau anu ma'ima' – de aijo' pongka'oho'mo nu Tumpu – ka' de mule' mongoa'i kasansala'an kalana mombau anu ma'idek.