1 PETRUS 4:14 - KITAB NU TUMPU ALLA LELE MA'IMAI'

¹⁴ Komiu mohumpakmo dale' de komiu o jojoa, kalana komiu anu saja' mombatuki i Kristus. Aijo' alati'nyo Roh anu opopodaka', aijo'mo Roh nu Tumpu anu daagi'mo itina' hi belemiu.

1 PETRUS 4:14 ပူးပေါင်းရင်းမြစ်များ

1 TOMU-TOMUNDO' 10:8

Nohumpakmo hondo dale' na to bengke-bengkele' nu belento Tuan! Ka' suele nohumpakmo hondo dale' na to mia-mian anu ko pangkatnyo anu saja' mokalaja hi belento Tuan, sahingga saja' mohongo hi belento Tuan iwi-iwi' na pokinde' anu mompopande!

2 TOMU-TOMUNDO' 2:15

Aha lima-limampulu' na nabi anu kiijo' i Yerikho nontoamo ka' notatae, “Kuasa' i Elia nolalinmo hi Elisa!” Aha tinokamo mae hi ia ka' tinolodadupumo i ahopnyo nonsombah ia,

MAZMUR 146:5

Mohumpak kantumuu'an ma'ima' na mian anu talalo hondo montaha'imani Tumpu-nyo, ka' ko Tumpu i Yakub salaku anu montulungi ia.

MAZMUR 49:9

Maumo apaa na nu bee' madi' moko ala monsukupi; talalo ahi' mahan na olinyo bau pontobus nyawanyo,

MAZMUR 89:51

Inau'akon mae o, Tumpu, mosiamo ahi' na posaihon nu Belento aiya lewa'mo o'alu, aku saja'mo pinopo'ambang nu to bansa-bansa.

YESAYA 11:2

Kuasa nu Tumpu na mompotiju' ia, mompotimbali ia mingkinyonyoa ma'ima' ka' pande, pande na montantukan kaputusan ka' mompojalan kaputusan monsumbu' anu nukahanda'i nu Tumpu Allah ka' tulu-tulutan hondo hi Ia.

YESAYA 25:8

Tumpu Anu Daka' na kausanyo mompateimo anu monsaduakon kapatean sampe toka sidu-sidutu'! Nu sapuimo na lolu' hi iwi-iwi' na ohup ka' mompojo'onmo anu monsaduakon sahingga ma'ambang, anu tinanggungmo nu mian anu palesayamo hi Ia isongko-songko na dunia aiya. Tumpu notataemo, ka' han aijo' memang tionyo ahi' jadi.

YESAYA 51:7

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

MATIUS 5:11

Bila-bilahi na komiu de o alu, o sakisa, o pitana'i kalana Aku.

MATIUS 5:16

Sumo aitu mule' na jingkaum tionyo monjingkai ahop nu mian da aha montoa anu ma'ima', apaa na anu binau miu, lantas mompuji' Tuumaum i suluga'.”

LUKAS 6:22

Bila-bilahi de komiu oka'ideki, madi' otalima, o alu, ka' opitana'i kalana Anak nu Mian!

YOHANES 15:21

Iwi-iwi' aijo' saidi' mae nubau nu aha hi komiu, kalana komiu anu saja' mombatuki Aku, kalana aha madi' monsumbu' Ia anu nonsai mae Aku.

YOHANES 8:48

To mia-mian nu Yahudi aijo' nontaami, i Yesus, “Te misa' totu'u na potatae mami, Beleyum mian nu Samaria anu pininsoopanmo nu setan?”

YOHANES 9:28

Lantas ingudulan nu aha na ia ka' notatae, “Oko na anu saja' mombatuki Ia; kami misa'! Kami anu mombatuki i Musa.

YOHANES 9:34

Tinaaman nu aha, “Apaa? Beleyum anu nobuke'mo nu dosa' salatanmo pe'e i hampe, beleyumo na mongka'oho' mompogulu' kami?” Sahingga lengkat i aitu ia tinewa'mo minsoop i laigan pogalejaan.

SISIKON NU TO RASUL-RASUL 13:45

Salatan to mia-mian nu Yahudi nontoa mian da'isan aijo', nasakit hondo na kinyonyoa nu aha. Aha nompopo'ise'mo i Paulus ka' nonggagakonmo iwi-iwi' anu tinaloakonnyo.

SISIKON NU TO RASUL-RASUL 18:6

Panyo kalana to mia-mian saja' monggagakon ka' mompisala'i, sahingga i Paulus nonsapui abu' i baju'nyo salaku tanda da mompo'ingat aha i kasala'an nu aha. Ia notatae, “De komiu silaka, posi sala' miu! Aku madi' monsumbu'! Mulai uuka aku mambamo hi to mia-mian anu misa' Yahudi.”

SISIKON NU TO RASUL-RASUL 28:22

Panyo kami mongkahanda'i suele mohongo mongkona kapalesaya'an nu kita Utus, kalana kami iwi-iwi' nohongomo mian mompisala'i ajalan anu nubatuki nu kita Utus.”

SISIKON NU TO RASUL-RASUL 5:41

To rasul-rasul haha aijo' nompala'imo Mian Kopian Daka' nu Agama ka' ilame'mo kalana Tumpu nonganggapmo aha patut mohumpak potatae anu ma'idek kalana i Yesus.

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

2 KORINTUS 4:10

Saja' o'oa'i i butong mami na i Yesus sinilaka, da kantumuu'an-Nyo suele saja' otoa i butong mami.

2 KORINTUS 4:16

Mokonyo aijo' kami madi' ma'osa. Mau mule' kantumuu'an i dunia aiya, kami ko ide-ideknyomo, panyo kinyonyoa mami toka sansina-sinaa saja' opotimbali bu'ou.

GALATIA 1:24

Sahingga aha nompuji'mo Tumpu kalana aku.

IBRANI 11:26

Nu oa'i i Musa lebe ko angga'nyo na opopo'ambang kalana palesaya hi Tomundo anu Momposalamat anu jinanji'mo nu Tumpu Allah aijo', pojohok mau madi' mohumpak iwi-iwi' na halata' nu lipu' Mesir, kalana i Musa montaha'imani tambonyo i sinaa anu aiya mae o ahopi.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

YAKOBUS 5:11

Aha osanggohi mohumpakmo ka'ima'an kalana aha madi' nompele-pele'. Komiu nohongomo i Ayub sinaban, ka' komiu nonsumbu'mo mosia na Tumpu imihinyo nombalakati ia. Kalana Tumpu talalo hondo mongkalibosi ka' manonong.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

1 PETRUS 3:14

Panyo mau mule' belemiu tionyo ahi' mongoa'i kasansala'an kalana mombau hahan anu ma'ima', komiu mohumpak dale'! Boli mabuhuk mau pa' hi he, ka' boli bata-bata.

1 PETRUS 3:16

Panyo obau ahi' na aijo' nu ima' ka' mingadat. Ka' kinyonyoa komiu opohodi' ahi', da de belemiu opitana'i kalana belemiu tumuu' ma'ima' salaku anu mombatuki i Kristus, saba' mian anu mompitana'i aijo' timbali mosi pa'ambangje.

1 PETRUS 4:16

Panyo de komiu mongoa'i kasansala'an kalana komiu mian Kristen, boli ma'ambang kalana han aijo'. Ola ahi' montalima kase hi Tumpu, kalana komiu momboa sanggo i Kristus.

2 PETRUS 2:2

Mau mule' sumo aijo', nanjoo'mo na mian nombatukimo jalan nu kantumuu'an nu to gulu-gulu' anu madi' totu'u aijo' anu kinuasanmo nu napisu nu aha. Ka' pakalaja'an nu to gulu-gulu' haha aijo' nonsaduakonmo da nanjoo'mo na mian nonjojoamo Jalan Anu Totu'u mamba hi Tumpu.