1 PETRUS 4:12 - KITAB NU TUMPU ALLA LELE MA'IMAI'

¹² To Utu-utus anu okanonongi! Komiu tempo' uuka aiya nongoa'imo hondo kasansala'an kalana hau-haunyomo o'uji'. Panyo boli bangang, au'aitu daagi' ko apa-apaa anu tahahumo pa' apaa na tinimbali hi belemiu.

1 PETRUS 4:12 ပူးပေါင်းရင်းမြစ်များ

ANU MOMPOLELE POTATAE NU TUMPU 5:8

Ka' mule' kantumuu'an nu tomundo' suele ola montaha'imani hasin nu anu opadak.

YESAYA 28:21

Tumpu totinjomo mae susumo i Bungkutnyo nu Perazim. Ia mahampatemo susumo i Bangka'nyo nu Gibeon kalana mompojadimo anu kinahanda'an-Nyomo, kahanda'anu madi' minsoop ipikilan nu manusia! Ia mopojadimo kalaja-Nyo anu mompobangang hondo.

DANIEL 11:35

Sambagian na to pola-polaya' anu toto pande-pande opateimo panyo aijo' salaku bau ponguji' aha mian anu palesayamo sahingga aha totu-totu'u belesi'mo. Han aijo' saja'mo jadi susumo aijo' sampe toka i sinaa kakiamatanmo, aijo'mo na tempo' anu tinantukanmo nu Tumpu.

1 KORINTUS 10:13

Batu-batu soba'an anu o'oa'i nu kita Utus, atina' soba'an anu saja'mo o'oa'i nu mian. Panyo Tumpu tataap i pala janjian-Nyo. Ia madi' mompojohok kita Utus osobai molingkudui anu opoko ala obau miu. Tempo'nyo kita Utus nukona nu soba'an, Ia mombee'i jalan hi komiu da mahoson, da kita Utus moko ala montahan.

1 KORINTUS 3:13

Kalaja nu batu-batu mian otoaje saidi' mae de i Kristus po'ule'mo toka. Kalana i sinaa aijo' apu mokalajamo da toto samian kantoanmo. Apu monguji'mo ka' mompotantumo angga'nyo nu kalaja aijo'.

2 TIMOTIUS 3:12

Memang iwi-iwi' mian anu mongka'oho' tumuu' monsombah ka' tumuu' mosa'angu' tiba i Kristus Yesus saidi' mae okabisa'i,

1 PETRUS 2:11

To Utu-utus anu okanonongi! Belemiu mian anu i salipu'an ka' anu lumambanan i dunia aiya. Mokonyo aijo' ku poita hondo-hondo da belemiu boli montuluti napisu nu manusia anu saja' mahampate mongewa santuu'.

1 PETRUS 4:4

Tempo' uuka mian anu madi' monsumbu' Tumpu, mongkabangangi kalana komiu madi'mo mombatuki tumuu' sumo aha, mombau dosa' madi' ko batasnyo. Mokonyo aijo' aha monjojoa belemiu.

1 PETRUS 5:9

O'ewa na ia nu iman anu totu-totu'u, kalana sinumbu'mo nu belemiu to Utu-utus sangko Kristen sangga'at i songko-songko na dunia singkona nongoa'imo kasansala'an sumo komiu.