1 PETRUS 4:11 - KITAB NU TUMPU ALLA LELE MA'IMAI'

¹¹ Mian anu mompotokakon lele, tionyo ahi' mompotokakon lele anu lengkat mae hi Tumpu; mian anu mongkalesang kapalaluan nu mian sangga'at, tionyo mongkalesang nu kahosonan anu lengkat mae hi Tumpu, da i uno nu iwi-iwi na han, Tumpu na opopodaka' kalana i Yesus Kristus. Ia na anu ko kuasa ka' patut opopodaka' sampe toka sidu-sidutu'. Amin.

1 PETRUS 4:11 ပူးပေါင်းရင်းမြစ်များ

MAZMUR 145:13

Kapalentahan nu Belento sampe toka sidu-sidutu', kakuasa'an nu Belento tataap sampe molundu-lundu na tulunan. Tumpu saja' mongganapi iwi-iwi' apaa na anu jinanji'-Nyomo, Ia talalo hondo mongkalibosi iwi-iwi' apaa na anu binau-Nyomo.

YESAYA 8:20

Taami sumo uuka, “Ohongo na pangajalan nu Tumpu! Mian nau motatae madi' sosok ipangajalan aijo' madi' ko anu nu taha'imani imihinyo mae.”

YEREMIA 23:22

De bisuanyo nu sumbu' nu aha apaa an anu uutu i uno nu pikilan-Ku, tantu pinoto'imo nu aha hi mian anu palesayamo hi beleng-Ku sinin na anu tinaloakon-Kumo. Sahingga mian anu palesayamo hi beleng-Ku tantu balatobatmo madi'mo daagi' mombau ka' mule' madi'mo mombau kalakuan nu aha anu ma'idek.

DANIEL 4:3

Daka' hondo na anu okabangangi binau-Nyomo Daka'hondo na anu okahebati anu ma'isa toho' jinadi binau-Nyomo. Tumpu timbalimo tomundo' sampe toka sidu-sidutu'. Ia balakuasa sampe toka sidu-sidutu'.”

DANIEL 4:34

Salatan ilapasmo popitu' na taun, aku nonsindamo nokiita' i langit ka' po ule'mo sininsumbu' na aku. Sahingga pinuji'kumo na Tumpu Allah Anu Matangkas na Kuasanyo. Pinuji'kumo ka' pinopodaka'kumo na Ia anu tumuu' sampe toka sidu-sidutu'. “Tumpu timbalimo tomundo' sampe toka sidu-sidutu'. Ia balakuasa madi' kokamingkotannyo.

DANIEL 7:14

Ia binee'anmo kaholomatan tiba kakuasa'an salaku tomundo' sahingga to mia-mian anu i iwi-iwi na bansa tiba tulunan nu bansa ka' mule' basa' tunduk hi Ia. Kakuasa'an-Nyo pin sampe toka sidu-sidutu', ka' Ia mompalentah madi'mo daagi' opobelenti.

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

YOHANES 13:31

Pinalus na i Yudas, i Yesus notatae, “Uuka Anak nu Mian opopodaka'mo, ka' suele Tumpu opopodaka' kalana Ia.

SISIKON NU TO RASUL-RASUL 7:38

I Musamo ai-aijo' hi aha bansa Israel i padang bone', anu nowakini malaikat nota-notatae i Bungkut nu Sinai tiba mompolee'to. Iamo na nontalima lengkat hi Tumpu lele anu moko tumuu' da opotokakon hi kita.

ROMA 11:36

Tumpu na nombau iwi-iwi' aijo'. Iwi-iwi' nolengkat mae hi Tumpu tiba mule' bau kapentingan nu Tumpu. Puji' na Tumpu sampe toka sidu-sidutu'! Amin.

ROMA 12:3

Tumpu nombee'imo balakat hi belengku. Mokonyo aijo' aku mompokinde'i to Utu-utus iwi-iwi': Boli mongoa'i butong lebe matangkas molingkuduimo anu sahondo-hondonyo. Ola ahi' butong miu na otutugi ka' boli kobubuun; toto samian montoa butongnyo iya na anu opoko ala obau anu binee'mo nu Tumpu hi ia, kalana ia pinalesayamo hi Yesus.

ROMA 16:27

Olamo Ia sa'a-sa'angu'nyo na Tumpu, Ia talalo hondo pande. O amalakon da Ia saja' opopodaka' sidu-sidutu' hi Yesus Kristus! Amin. Tabea' mami, I Paulus, posaihon i Kristus Yesus 49

ROMA 3:2

Tantu manjoo' na gunanyo! Momoonanyo, kalana hi mian nu Yahudi Tumpu montaha'imani da obau apaa na koonyo nu potatae nu Tumpu.

1 KORINTUS 10:31

Mau mule' apaa na obau nu kita Utus – kita Utus mongkaan kabai kita Utus monginum – baumo na aijo' iwi-iwi', bau pompopodaka' Tumpu.

1 KORINTUS 12:4

Manjoo' na ngangahannyo nu balakat anu lengkat mae hi Roh Nu Tumpu, panyo iwi-iwi' aijo' ola sa'a-sa'angu'nyomo na Roh anu mombee'i mae aijo'.

1 KORINTUS 3:10

Tiba kapandean anu binee'mo nu Tumpu, aku salaku anu pande mombau gudang, aku nombaumo mesen bau pompotinjoan gudang aijo', ka' mianje sangga'at na mompotinjo gudang i bawo nu mesen aijo'. Toto samian tionyo montoa ima-ima' mosia na ia mompotinjo i bawo nu mesen aijo'.

1 KORINTUS 6:20

Ingolimo nu Tumpu na komiu ka' pinolunasnyomo na olinyo. Mokonyo aijo', opake na butong miu ma'i-ma'ima' sahingga Tumpu opopodaka'.

2 KORINTUS 2:17

Kami madi' sumo mian da'isan anu mompotimbali lele lengkat mae hi Tumpu ola sumo balu-balukon. Pongka'oho' mami anu sahondo-hondonyo, kalana kami binee'anmo kalaja nu Tumpu. Ka' Tumpu na nosi toamo saba' kami nompotokamo lele aijo' susumo to posa-posaihon i Kristus.

2 KORINTUS 9:13

Ka' kanonongan anu pinotoamo miu aijo' manjoo' na mian Kristen i Yudea nompuji'mo Tumpu kalana aha nontoamo komiu mohongo-hongo hondo Lele Ma'ima' mongkona i Kristus anu nu nu tuluti miu aijo'. Aha singkona nompuji'mo Tumpu kalana komiu talalo manonong, nombagi-bagiakonmo hi aha ka' hi iwi-iwi' na mian sangga'at apaa na anu daagi' hi belemiu.

EFESUS 1:19

ka' palias na kodaka'nyo na kuasa nu Tumpu mokalaja hi kita anu palesayamo. Kuasa nu Tumpu aijo' pokakanamo sumo kuasa anu madi' ko gampanyo.

EFESUS 4:29

De komiu basisik, boli montaeyakon potatae anu mahenyu. Anu otaeyakon potatae anu mompokopiani ka' anu montulungi mian sangga'at. Potatae sumo aijo' mompodaagi' ka'ima'an hi to mia-mian anu mohongo.

EFESUS 5:20

Mau mule' pa' apaa tionyo komiu saja' montalima kase hi Tumpu Tuuma i uno nu sanggo i Yesus Kristus Tumpunto.

EFESUS 6:10

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

FILIPI 1:11

Molabi-labije na gau' anu totu-totu'u ma'ima' i kantumuu'an miu, anu ola hi Yesus Kristus na timbali pohumpakan; sahingga Tumpu opopodaka' ka' saja' o puji'.

FILIPI 2:11

Aha iwi-iwi' mongakuimo taalu' i Yesus Kristusmo na Tumpu; tiba jalan anu sumo aijo' Tumpu Tuumanto opopodaka'mo.

KOLOSE 4:6

Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.

1 TESALONIKA 2:4

Madi'! Kami madi' motatae da momposanang kinyonyoa nu mian, panyo momposanang kinyonyoa nu Tumpu, anu monguji' kinyonyoa mami. Kalana kami nutaha'imani nu Tumpu timbali mompolele Lele Ma'ima' aijo'.

1 TIMOTIUS 1:17

Tumpu, Tomundo sampe toka sidu-sidutu', tionyo o'angga'i ka' saja' o puji', kalana Iamo na anu tumuu' sampe toka sidu-sidutu' anu madi' otoa ka' ola sa'a-sa'angu'nyomo! Amin.

1 TIMOTIUS 6:16

Olamo Ia na anu madi' opoko kuasai nu kapatean; Ia tumuu' i uno nu jingka anu madi' opoko ohani maumo pa' ihe. Madi' ko samian pe'e na manusia anu toho'mo nontoa Ia, kabai anu moko ala montoa Ia. Olamo Ia na o'adati, ka' kakuasa'an-Nyo sampe toka sidu-sidutu'! Amin.

TITUS 2:1

Panyo beleyum, Titus, tionyo ahi' beleyum mongajanakon pangajalan anu matantu.

TITUS 2:15

Ajanakon na iwi-iwi' aijo', ka' opokinde'i, ka' otewa' na anu ma'idek hi batu-batu mian anu mohongo beleyum ka' da nupajuli nu aha. Boli mompojohok samian pe'e montoa beleyum madi' ko angga'nyo.

IBRANI 13:7

Boli okolilimi na to pola-polaya' miu anu mompotoka potuunon nu Tumpu hi belemiu. Opalahatikan mosia na aha tumuu' ka' mosia na aha silaka, ka' obau sonto' na iman nu aha.

IBRANI 5:12

Sabenannyo tempo'nyomo na komiu timbali gulu', panyo nanasamo taalu' komiu daagi' ahi' palalu balagulu' pe'e hi mian sangga'at mongkona alati'nyo nu pangajalan nu Tumpu. Komiu ma'isa timbali mongala kaanon anu mokuut; komiu daagi' tionyo ola monginum susu.

YAKOBUS 1:19

O intomakon na aiya ima-ima', to Utu-utus anu okanonongi! Batu-batu mian tionyo ahi' malia' na mohongo, panyo momalas na motatae ka' boli sampa' motambuha'.

YAKOBUS 1:26

De daagi' ko toto samian anu mongoa'i butongnyo mian anu tulu-tulutan i agama, panyo ia madi' mombala'ingati jila'nyo, saba' ia mongakali posi butongnyo; ia monsombah Tumpu madi' ko kaliangannyo.

1 PETRUS 2:12

Kalakuan nu beleyum atina' hi mian anu madi' monsumbu' Tumpu, tionyo ahi' opokopiani ma'i-ma'ima' sahingga de aha mompitana' i belemiu tukoonyo mian anu ma'idek, panyo aha saidi' mae mongakuije kalakuan nu belemiu aijo' ma'ima', sahingga aha mompuji' Tumpu i sinaa katokaan-Nyo.

1 PETRUS 2:5

Belemiu sumomo to batu-batu anu tumuu'. Kalana aijo' tionyo ahi' da belemiu opake bau pompotinjo Laigan nu Tumpu, aijo'mo posa'angu'an nu mian anu pinalesayamo. Desumo aitu yo belemiu timbalimo to ima-imam, anu tumuu' matungka' bau kapentingan nu Tumpu Allah, ka' kalana i Yesus Kristus nonsombahkonmo butongnyo binau koloban rohani anu nuka'ima'i nu kinyonyoa nu Tumpu.

1 PETRUS 4:10

Belemiu toto samian nohumpakmo taju anu madi' pokakana lengkat mae hi Tumpu. Kalana aijo' salaku mian anu nonggunakonmo ima-ima' apaa na anu binee'mo nu Tumpu, ogunakon ahi' na kahosonan aijo' bau kapalaluan hingga-hinggat.

1 PETRUS 4:16

Panyo de komiu mongoa'i kasansala'an kalana komiu mian Kristen, boli ma'ambang kalana han aijo'. Ola ahi' montalima kase hi Tumpu, kalana komiu momboa sanggo i Kristus.

1 PETRUS 5:11

Iamo na anu mongkuasai sampe toka sidu-sidutu'! Amin.

YUDAS 1:25

Olamo Ia sa'a-sa'angu'nyo na Tumpu anu Momposalamat kita nontului jalan hi Yesus Kristus Tumpunto. Iamo na Tumpu anu talasanggo, opopodaka', mongkuasai ka' anu o'angga'i salatanmo pe'e naipuan mae sampe tempo' uuka aiya ka' sampe toka sidu-sidutu'. Amin. 1