1 PETRUS 3:9 - KITAB NU TUMPU ALLA LELE MA'IMAI'

⁹ Boli mombalosi ka'idekan tiba ka'idekan, kabai monguda-udahi tiba monguda-udahi; panyo ola ahi' obalosi nu momoitakon balakat hi Tumpu. Kalana Tumpu nolagamo belemiu, ko kahanda'nyo da belemiu mohumpak balakat hi Ia.

1 PETRUS 3:9 ပူးပေါင်းရင်းမြစ်များ

KAJADIAN 42:25

I Yusuf nompalentahmo da to kalu-kalung anu binoa mae nu to utu-utusnyo tu'a o isiakon gandum, ka' doi nu aha toto samian po'isiakon i uno nu kalung haha aijo'. Ka' mule' aha obee'i anu okaan bau mantu nu aha i jalan. Palentahnyo aijo' tinulutanmo.

AMSAL 17:13

Ihe na mombalosi ka'ima'an nu palabuatan anu ma'idek; ka'idekan suele madi' opoko ala osabatakon lengkat ilaigannyo.

AMSAL 20:22

Boli mombalosi ka'idekan tiba ka'idekan palesaya na Tumpu, Ia na anu montulungije.

AMSAL 28:10

Ihe na pagala monsale'i mian anu madi' tageo' na kinyonyoanyo da mombau anu ma'idek, ia saidi mae minsoop mo i uno nu so'o. Mian anu belesi' na kinyonyoanyo saidi mae obalakati, sahingga mohumpakmo kantumuu'an ma'ima'.

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

MATIUS 25:34

Lapas aijo', Tomundo aijo' notatae hi to mia-mian anu i sasu koanan-Nyo, ‘Imbo' na komiu anu binalakatanmo nu Tuumang-Ku. Pinsoopmo i uno nu Kalaja'an anu pinosadiakon hi komiu salatanmo pe'e dunia momona.

MATIUS 5:39

Panyo uuka Aku motatae hi komiu: Boli mombalosi idek hi mian anu mombau idek hi komiu. Ola ahi' de mian mohapa' gagisingum anu i koanan, pojohok da ia mohapa' gagisingum anu i kowi suele.

MATIUS 5:44

Panyo uuka Aku motatae hi beleyum: Kanonongi na to sampo-sampo bali'um, ka' o sambayangakon na to mia-mian anu mongkabisa'i komiu,

MARKUS 10:17

Tempo'nyo i Yesus daagi' molausakon lumambaanannyo, samian tinokamo mae popoopadeka' hi Yesus. Mian aijo' nonsombah i ahop hi Yesus ka' nompokilawa, “Gulu' anu manonong, aku tionyo mombau apaa da mohumpak kantumuu'an talakana' toka sidu-sidutu'?”

LUKAS 10:25

Lapas aijo' samian na gulu' agama tinokamo da monsobai Yesus. Ia nompokilawa, “Tuumangku Gulu', apaa na tionyo kubau da montalima kantumuu'an anu mingkaliangan ka' toka sidu-sidutu'?”

LUKAS 18:18

Samian na Polaya' nu Yahudi nompokilawa hi Yesus, “Tuumangku Gulu' anu ma'ima', apaa na tionyo kubau da mohumpak tumuu' kopian sidu-sidutu'?”

ROMA 12:14

Opoita hi Tumpu da nubalakati na to mia-mian anu buhingison hi komiu. Opaka poita hi Tumpu da mombalakati aha, boli montuda'i balaa'.

ROMA 12:17

De mian mombau idek hi beleyum, boli obalosi nu ka'idekan. Obau na anu o'oa'i ma'ima' hi mian iwi-iwi'.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

ROMA 8:30

Sumo aijo'mo na Tumpu nolaga aha anu tinantukanmo imoona; ka' aha anu ilaga-Nyo aijo', timbali nupobee' mompaha ima' tiba Ia. Ka' aha nupobee' mompaha ima' mule' tiba Tumpu Allah, mongala bahagian i kantumuu'an nu Tumpu.

GALATIA 3:14

I Kristus nombau sumo aijo' da balakat anu jinanji'mo nu Tumpu hi Abraham obee' suele hi to mia-mian anu misa' Yahudi. Tiba jalan anu sumo aijo' kita suele palesayamo hi Tumpu Allah, timbali mohumpak Roh anu jinanji'mo nu Tumpu.

EFESUS 4:32

Ola ahi' kinyonyoa na obau mano-manonong ka' mompahakali-kalibosi samian ka' samian, ka' mompaha ampu-ampuni pokakana sumo Tumpu singkona nongampunimo komiu hi Kristus.

1 TESALONIKA 5:15

Ojagai da boli ko anu mombalosi ka'idekan nu ka'idekan. Saja' bala usaha mombau anu ma'ima'; samian toka hi sangga'at ka' hi iwi-iwi' na mian.

IBRANI 12:17

Osumbu' miu saba' ilapas mae i Esau kino kahanda'mo da mohumpak balakat aijo' hi tuumanyo, panyo ia madi'mo tinalima. Kalana maumo i humaang na ia nolio jalan mompokopiani kasala'annyo, madi'mo daagi' ko kasampatan da mohumpak han aijo'.

IBRANI 6:14

Ia notatae, “Aku bajanji' mombalakatije beleyum ka' mompotimbalije lee' nu beleyum timbali manjoo'!”

1 PETRUS 5:10

Panyo salatan lapasmo na komiu mongoa'i kasansala'an, Tumpu Allah na saidi' mae mompotimbali belemiu talakana'. Ia na mompotinjo ka' mompohoson belemiu ka' mule' mompotantu belemiu. Kalana Iamo na Tumpu anu manonong hondo, anu nolagamo belemiu da suele mongoa'i katalasanggoan-Nyo anu sampe toka sidu-sidutu' kalana i Kristus.

1 SAMUEL 26:11

Kase' boli mae nu pobee' nu Tumpu na aku aiya mompatei tomundo' anu pinile'an-Nyomo! Ola talombo'nyo na o ala ka' pongisian uee lantas kita mambamo.”