1 PETRUS 3:8 - KITAB NU TUMPU ALLA LELE MA'IMAI'

⁸ Isinyo aijo'mo: Oposa'angu' ahi' to Utu-utus na tanga'an ka' kinyonyoa. Pompaha kali-kalibosi ahi' sumo to mia-mian anu moto utus. Ka' mompaha kano-kanonongi ahi', ka' mintabiat madi' montige-tige.

1 PETRUS 3:8 ပူးပေါင်းရင်းမြစ်များ

MAZMUR 103:13

Susumo tuuma mongkalibosi to ana-anaknyo, sumo aijo'mo na Tumpu mongkalibosi mian anu tulu-tulutan hi Ia.

AMSAL 28:8

Ihe na kinayamo kalana mongala bunganyo ka' talalo ahi' mongkekedi da ka'untungan, manjoo' kakaya'annyo aijo' saidi mae manabu' hi mian anu kokalibosan ka' hi mian anu kasiasi.

ZAKHARIA 7:9

“Pa' sangkuka na taun anu ihikuhakonmo binee'-Kumo na palentah haha aiya hi mian anu palesayamo hi belengku, ‘Belemiu tionyo ahi' saja' adin, ka' mongkalibosi mian, ka' mule' manonong hi sangko manusia.

MATIUS 18:33

Te misa' beleyum suele tionyo ahi' molibos hi sangaluyum, susumo aku nongkalibosimo beleyum?’

LUKAS 10:33

Panyo ilapas aijo' samian na mian nu Samaria anu hau-haunyo lumambanan notulu suele i kiijo'. Salatan tinoanyo na mian aijo' talalomo ginuaon na kinyonyoanyo kalana molibosmo.

SISIKON NU TO RASUL-RASUL 2:1

Salatan tinokamo i sinaa nu Pentakosta, iwi-iwi' mian anu palesaya nosa'angu'mo i sa'angu' na tampat.

SISIKON NU TO RASUL-RASUL 27:3

Dodododopnyo kami tinokamo i Sidon. I Paulus ingatun ma'i-ma'ima' hondo i Yulius. Ia pinoloas mamba singkabot to sanga-sangalunyo da aha timbali mombee'i ia apaa na anu nu palalui.

SISIKON NU TO RASUL-RASUL 28:7

Madi' majo'on i tampat aijo' daagi' ko tano' tumpunyo i Publius, anu ko pangkat daka' i togong aijo'. Ma'ima' hondo na kinyonyoanyo nolabot kami sinonso' hi ia tinolun sinaa na kinopinnyo.

SISIKON NU TO RASUL-RASUL 4:32

Iwi-iwi' mian anu palesaya aijo', tumuu' sa'a-sa'angu' na kinyonyoa ka' sa'a-sa'angu' na pikilan. Madi' ko samian pe'e lengkat hi aha na montaloakon tukoonyo apa-apaa na anunyo atina' posi anunyomo. Iwi-iwi' na anu daagi' hi aha nu pake nu aha sama-sama.

ROMA 12:10

Tionyo to Utu-utus mompaha kali-kalibosi samian ka' samian nu kinyonyoa ma'ima' sumo to mia-mian anu moto utus i sa'angu' na auwan, ka' opai-pai lio komiu mompaha tabe-tabea'i ihe na tongkoimoona montabea'i.

ROMA 15:5

O amalakon hi Tumpu anu nombee'i da sabaan ka' bau pohaase hi mian, montulungi komiu da tumuu' sambuku montuluti sonto' i Kristus Yesus.

1 KORINTUS 1:10

To Utu-utus! Tiba sanggo nu Tumpunto i Yesus Kristus, kupoita da komiu iwi-iwi' mompaha hongo-hongo; da boli ko anu mahantuda' itina' hi komiu. Tionyo ahi' komiu mosa'angu', oposa'angu' na kinyonyoa, ka' oposa'angu' na pikilan.

1 KORINTUS 12:26

De sa'angu' na bagian mongoa'i sansala, iwi-iwi' na bagian sangga'at suele mongoa'i sansala; de sa'angu' na bagian o puji', iwi-iwi' na bagian sangga'at suele hingga-hinggat lame'.

EFESUS 4:2

Tionyo ahi' komiu saja' mati aluk na kinyonyoa, motatae madi' ko pesa-pesa ka' sabaan. Potoa na kalibosanum montulungi samian ka' samian.

EFESUS 4:31

Alinakon na anu o'oa'i moko pasakit na kinyonyoa mongingu ka' pusa. Bolimo daagi' mahaloboo'an ka' solaa' monguduli. Bolimo daagi' ko kinyonyoa mongka'ideki kabai ko kinyonyoa sangga'at anu sumo aijo'.

EFESUS 4:32

Ola ahi' kinyonyoa na obau mano-manonong ka' mompahakali-kalibosi samian ka' samian, ka' mompaha ampu-ampuni pokakana sumo Tumpu singkona nongampunimo komiu hi Kristus.

FILIPI 2:3

Boli mombau apa-apaa ola kalana kapalaluan nu posi butong, kabai da bau pombuulakon butong. Ola ahi' tionyo komiu toto samian mati aluk na kinyonyoa, ka' monsangka mian sangga'at na lebe talakana' molingkudui butong miu.

FILIPI 3:16

Panyo han aiya tionyo ahi' opalahatikan: Kita tionyo tataap tumuu' mombatuki atulan anu binatuktomo sangkutnyo tempo' uuka aiya.

KOLOSE 3:12

Kita Utus mian anu palesayamo hi Tumpu. Tumpu nongkalibosimo komiu ka' nompile'imo da timbali iamo samata-mata na tumpu-Nyo. Mokonyo aijo' komiu tionyo ahi' mompotoa kalibosan, komiu tionyo ahi' manonong, boli kobubuun, motatae madi' ko pesa-pesa, ka' sabaan na mongoa'i sansala.

IBRANI 13:1

Tionyo ahi' komiu tataap mompaha kali-kalibosi samian ka' samian susumo to mia-mian Kristen anu moto utus.

YAKOBUS 2:13

Kalana Tumpu madi' mompotoa kalibosan-Nyo hi mian anu madi' monsumbu' kalibosan. Panyo kalibosan lebe mahoson molingkudui hukuman!

YAKOBUS 3:17

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

YAKOBUS 5:11

Aha osanggohi mohumpakmo ka'ima'an kalana aha madi' nompele-pele'. Komiu nohongomo i Ayub sinaban, ka' komiu nonsumbu'mo mosia na Tumpu imihinyo nombalakati ia. Kalana Tumpu talalo hondo mongkalibosi ka' manonong.

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 2:17

O'angga'i na mian iwi-iwi', ka' o kalibosi na to utu-utus miu sangko mian Kristen. O kabuhuk na Tumpu ka' o adati na Kaisar.

1 PETRUS 5:5

Sumo aitumo na kita Utus, to oli-olitau ka' to lalangkoyang. Tulu-tulutan hi to mia-mian anu motu'amo. Kita Utus iwi-iwi' boli ko tige-tige ka' mompaha kale-kalesang ahi', boli kobubuun na kinyonyoa. Kalana i uno nu Kitab nu Tumpu tinulismo sumo uuka, “Tumpu mongewa mian anu buulon, panyo mongkalibosi mian anu madi' ko tige-tige.”

2 PETRUS 1:7

Ka' tumuu' mombatuki pongka'oho' nu Tumpu tionyo ahi' otiwai nu mongkalibosi to utu-utus anu pokakana na iman. Ka' mule' de komiu mongkalibosi to utu-utus anu pokakana na iman tionyo ahi' otiwai nu mongkalibosi iwi-iwi'na mian.

1 YOHANES 3:14

Sinumbu'tomo, saba' kita nosabatmo i kapatean, ka' nolalinmo i kantumuu'an. Sinumbu'tomo na aijo', kalana kita mongkalibosi to Utu-utus bubu' kita. Mian anu madi' mongkalibosi, alati'nyo daagi' nu kuasai nu kapatean.