1 PETRUS 3:3 - KITAB NU TUMPU ALLA LELE MA'IMAI'

³ Boli belemiu handa ola handa i sambiha'nyo, sumo lapangnyo mombunga-bungai ubak, kabai mompake mainan, kabai mibaju' nu anu toto maha-mahan.

1 PETRUS 3:3 ပူးပေါင်းရင်းမြစ်များ

KAJADIAN 24:22

Salatan iwi-iwi' na unta manjoo'mo na inginumnyo, posaihon i Abraham nongalamo mainan mosoni' anu mahan na olinyo lantas pinokonanyomo i sung nu langkoyang aijo'. I botokonnyo pinopusoknyomo na galang mosoni' ohua'.

KAJADIAN 24:47

Lapas aijo' pinokilawangkumo, 'Ihe na tuuma nu beleyum?' Lantas tinaamannyomo, 'Tuumangku i Betuel, anak i Nahor ka' i Milka.' Lantas pinokonangkumo na mainan mosoni' i sungnyo ka' galang ohua' i limanyo.

KAJADIAN 24:53

Lantas ingalanyomo na baju', mainan salaka ka' mosoni', ka' binee'nyomo iwi-iwi' aijo' hi Ribka. Suele utusnyo tu'a ka' tinanyo binee'annyomo palasen anu toto maha-mahan.

2 TOMU-TOMUNDO' 9:30

Tinokamo na i Yehu i Yizreel. Salatan ihongomo i Izebel apaa na anu jinadimo pinoko pianannyomo na ubaknyo ka' nompokonamo celak, lantas nontoamo nokai yong lengkat mae aita' i tolongan nu laigan nu Tomundo'.

ESTER 5:1

I sinaa kino itolunnyomo na ia binapuasa', i Ester po'ule'mo nompusok baju'nyo salaku bengkele' nu tomundo lantas nambamo nokiijo' tinuminjo i popasan nu laigan nu tomundo i ahop nusabatan anu lewa' kasuhangan i tomundo. I Tomundo tempo'nyo aitu aijo' suha-suhang i kasuhangan nu tomundo mongahopi sabatan aijo'.

MAZMUR 45:9

Baju' nu beleyum nanohongmo mur, gaharu, tiba cendana; pahaik musik ilaigan nu tomundo' anu ihiasan nu gading nompolame'mo beleyum.

NOSABATMO 3:22

Batu-batu boune nu Israel momoita hi anu mompaha ohani laigan mian nu Mesir ka' hi boune mian nu Mesir anu jojoong hingga-hinggat sa'angu' na laigan; baju' ka' mainan salaka, ka' mosoni'. Opopake miu na aijo' hi to ana-anak nu belemiu, tiba jalan sumo aijo' belemiu mompahuhuimo mian nu Mesir.”

NOSABATMO 32:2

Lantas i Harun notatae hi aha, “paha pasi'akon mae na anti-anting mosoni' anu pake-pake i bengkele' ka' i to ana-anak nu belemiu, ka' boa mae hi belengku.”

NOSABATMO 33:4

Lapas aijo' Tumpu nonsaimo i Musa da mompoto'i hi bansa Israel, “Belemiu bansa anu panggaga hondo. De Aku mamba tiba belemiu mau mule' ola sasaingoni', memang belemiu Ku silakaimo iwi-iwi'. Pasi'akon na mainan nu belemiu, Ku tantukanje apaa na anu tionyo ahi' Ku bau hi belemiu.” Salatan nohongomopotatae nu Tumpu aijo' aha sinusa'mo hondo sumomo mian anu tinokaanmo nu kasilakaan, lantas pinasi'akonmo nu aha na mainan nu aha. Jadi, salatan nompala'imo Bungkutnyo nu Sinai bansa nu Israel madi'mo nompake mainan.

NOSABATMO 35:22

Maumo pa' ihe na anu mongka'oho', mo'ane kabai boune na toka mae momboa samat, mainan, anti-anting, sinsing, olo' ka' iwi-iwi' na ngahan nu mainan mosoni' da osombahkon hi Tumpu.

NOSABATMO 38:8

I Bezaleel nombaumo pongisian uee, tambaga na obau tiba paningkokoannyo suele tambaga. Tambaga aijo' to mangki-mangkitan anu nu to bou-boune anu mokalaja i sabatan nu Kemah nu Tumpu.

YESAYA 52:1

Pobulamo o, Yerusalem, pobulamo! Pohoson na kinyonyoa nu beleyum! Pusokmo na baju' pesalin nu beleyum! O, Yerusalem, kota' anu susi', mian anu mahumimi' madi'mo daagi' minsoop i sabatan daka' nu belemiu.

YESAYA 61:10

Yerusalem notataemo, “Aku i lame'mo kalana Tumpu, kinyonyoangku binilahimo kalana Tumpu. Susumo boting mo'ane ka' boune nompakemo mainan anu toto ima-ima' hondo, sumo atina'mo na Tumpu nompopusok mae hi belengku baju' kasalamatan ka' kamangan.

YEREMIA 2:32

Pa' daagi' kolangkoyang anu bisa mongkolilimi palahiasannyo, kabai pa' daagi' ko boting boune anu bisa mongkolilimi baju'nyo nu boting? Panyo belemiu pininmo hondo na nongkolilimi mae Aku – salatanmo pe'e naipuan mae anu madi'mo opoko bilang na kopinnyo.

YEREMIA 4:30

O Yerusalem beleyum pinala'ianmo ka' madi'mo daagi' moko ala mombau apa-apaa! Daagi' apaa na gunanyo mompusok baju' momea' ka' mompakei nu mosoni' tiba salaka, ka' mule' monjohiti mata nu celak? Palasuma na beleyum mompokopiani butong nu beleyum, kalana to mia-mian anu monsindua'i beleyum madi'mo daagi' mongka'ima'i beleyum. pakalaus mule' kahanda'mo nu patei nu aha na beleyum.

YEHEZKIEL 23:40

Ka' mule' aha nompakatumo sulat bau polaga to momo'ane ilipu' anu toto jo'o-jo'on ka' aha mae kiijo' nambamo mae ahi'. Ua-ua'aha na anu moto utus aijo' nindi'mo kalana montalimamo aha anu ilagamo mae, ka' nompakemo cilak na mata ka' mule' nompakemo palahiasan-palahiasan na aha.

ROMA 12:2

Boli mombatuki sonto' nu dunia aiya. Bee' da nupotimbali nu Tumpu na butongum timbali bu'ou, da komiu mongabali'. Tiba jalan aijo' yo komiu moko ala monsumbu' pongka'oho' nu Tumpu Allah – aijo'mo apaa na anu ma'ima' tiba anu momposanang kinyonyoa-Nyo ka' anu talakana'.

1 PETRUS 3:2

kalana aha montoamo kalakuan miu anu sahondo-hondonyo ka' anu palesayamo totu-totu'u.