1 PETRUS 3:15 - KITAB NU TUMPU ALLA LELE MA'IMAI'

¹⁵ Panyo i uno nu kinyonyoa miu, tionyo ahi' belemiu mongadati i Kristus anu samata-mata opotoka hi Ia, anu sitimbang tiba kakuasa'an-Nyo salaku Tumpu. Ka' tionyo ahi' belemiu saja' mosadia bau potaam hi batu-batu mian anu mompokilawa mongkona anu otaha'imani nu belemiu, anu itina'mo hi belemiu.

1 PETRUS 3:15 ပူးပေါင်းရင်းမြစ်များ

MAZMUR 119:46

Atulan nu Belento ku bebakonmo hi to tomu-tomundo' ka' aku madi'mo ma'ambang.

AMSAL 15:28

Mian anu manonong nu tutugi pe'e ahi' na anu nu taeakon; panyo mian anu ma'idek na kinyonyoanyo montaeakon hahan anu ma'idek.

AMSAL 22:21

ka' mian anu mongajanakon hi beleyum apaa na anu totu-totu'u madi' sala'. Saidi' mae, de beleyum opokilawa, beleyum timbali montaami potaam anu madi sala'.

YESAYA 1:18

Tumpu notatae, “Imbo' da oputusi na palakala aiya. Mau mule' belemiu imea'anmo tala-talalu nu dosa' nu belemiu, panyo belemiu Ku baso'imo sahingga timbalimo mopute' susumo kapas. Mau mule dosa' nu belemiu talalo manjoo' ka' maboat, belemiu totu-totu'u Ku ampunimo.

YESAYA 29:23

Kalana de belemiu montoamo to ana-anak nu belemiu anu Ku bee'mo hi belemiu, saba' o, akuije nu belemiu taalu' Akumo ahi' aiya na Tumpu nu Israel anu susi'. Oholomatije nu belemiu na Aku ka' mongkabuhukmo Aku.

YESAYA 41:21

Tumpu, tomundo' nu Israel, notataemo hi to pilo-pilogot, “Kalakmo mae na palakala nu beleyum, poto'i mae pa' apaa na saba-sababnyo!

YESAYA 5:16

Panyo Tumpu Anu Daka na Kuasanyo mombaumo anu totu'u salaku pompotoa-Nyo katalasanggoan nu kakuasa'an-Nyo. Ia momputusi bansa-Nyo nu ka'adilan-Nyo salaku pompotoanyo kasusi'an-Nyo.

YESAYA 8:12

“Boli monsangka posa'angu'an anu kokoonyo nu sangka'an nu aha posa'angu'an, ka' mule' boli okabuhuk na hahan anu nu kabuhuk nu aha.

NOMBILANGMO 20:12

Panyo Tumpu nompisala'imo i Musa ka' i Harun Ia notatae, “Kalana belemiu madi' talalo palesaya hi beleng-Ku momponyata', kuasang-Ku anu susi' hi bansa Israel, belemiu madi'mo molaya' aha minsoop i lipu' anu jinanji'-Kumo hi aha.”

NOMBILANGMO 27:14

kalana i padang bola Zin belemiu ohu-ohua' madi'mo nohongo palentang-Ku. Tempo'nyo kiijo' i Meriba iwi-iwi' na mian nososonmo hi beleng-Ku, belemiu madi'mo mongka'oho' mompotoa kakuasa'an-Ku i ahop nu aha kalana uee aijo'.” (Han aijo' jinadi i mata nu uee Meriba kiijo' mae i Kades, i padang bola Zin.)

SISIKON NU TO RASUL-RASUL 21:39

Tinaaman i Paulus, “Aku mian nu Yahudi; aku layat nu kota' Tarsus, kota' anu talasanggo i Kilikia. Tulungi pobee' mae na aku motatae hi mian haha aijo'.”

SISIKON NU TO RASUL-RASUL 24:25

Panyo salatan i Paulus nolausakonmo potataenyo mongkona hal madi' timbali baleko' ka' tionyo ahi montahan napisu ka' mongkona hukuman i Sinaa Kakiamatan, i Feliks nabuhukmo, lantas notatae, “Beleyum timbalimo minsusule' sinaa uuka. Aku molagaje mule' beleyum de ko kasampatanmo.”

KOLOSE 1:23

Panyo tantu komiu tataap ahi' saja' palesaya, ka' tuminjo hoso-hoson i kapalesaya'an miu. Boli saidi' mae komiu molapasakonmo anu otaha'imani, anu binee'mo hi komiu salatan komiu nontalimamo Lele Ma'ima' lengkat mae hi Tumpu. Lele aijo' pinokalebamo hi toto samian i songko-songko na dunia. Ka' kalana aijo' suele aku, i Paulus, tinimbalimo posaihon.

KOLOSE 1:27

Hi mian-Nyo anu palesayamo aijo', Tumpu momponyata'mo palias na ko'ima'nyo ka' na katalasanggoan na lahasia-Nyo aijo' hi mian iwi-iwi'. Lahasia-Nyo aijo' atina'mo: I Kristus i unomo nu butong miu, alati'nyo komiu suele mongoa'imo katalasanggoan nu Tumpu Allah.

KOLOSE 1:5

Komiu pinalesayamo ka' komiu nongkalibosimo, kalana komiu monginde'i apaa na anu pinosadiamo i suluga' nu Tumpu bau bagi miu. Komiu nohongomo han aijo', salatan Lele Ma'ima' anu totu'u pinotokamo hi komiu.

KOLOSE 4:6

Hahan anu otaloakon miu aijo' tionyo ahi' saja' momposanang kinyonyoa ka' nu ka'ima'i nu mian. Tionyo ahi' osumbu' miu mosia na sabenannyo komiu montaami hahan anu nu pokilawa nu mian.

TITUS 1:2

Pangajalan aijo' nimpu'u i anu otaha'imani, aijo'mo kita montalimaje kantumuu'an kopian ka' sampe toka sidu-sidutu'. Tumpu Allah nonjanji'mo kantumuu'an aijo' ma'isa pe'e dunia aiya tinimbali – ka' Tumpu madi' toho' baleko'.

IBRANI 3:6

Panyo i Kristus tinulu-tulutanmo salaku Anak anu mompangakui kalajanyo i uno nu Laigan nu Tumpu. Ka' kita aiya atina'mo na Laigan nu Tumpu, de kita tataap daka-daka' na kinyonyoa ka' tataap palesaya totu-totu'u da mohumpak apaa na anu otaha'imaninto.

IBRANI 6:1

Kalana aijo', imbo' da kita mondensu'akonmo i panga-pangajalan anu lebe tongkohimona mongkona kantumuu'an nu mian Kristen anu sinsumbu'mo, da lebemo mangalati', ka' boli ola mongkamata pu'u-pu'unyo momona nu pangajalan nu agamanto. Boli kita po'ule' mule' mongulit pu'unyo nu pangajalan au'aitu mian madi'mo timbali mombau hahan anu madi'mo mingguna ka' tionyomo ahi' palesaya hi Tumpu,

1 PETRUS 1:17

Komiu monsanggo Tumpu aijo' Tuuma, de komiu balado'a hi Ia. Saba' Tumpumo ai-aijo' na anu momputusi manusia sitimbang tiba anu binau nu toto samian madi' mompile'i pa' ihe. Kalana aitu de belemiu daagi' i dunia aiya, tionyo ahi' belemiu mompopodaka' Tumpu i uno nu kantumuu'an nu belemiu.

1 PETRUS 3:2

kalana aha montoamo kalakuan miu anu sahondo-hondonyo ka' anu palesayamo totu-totu'u.

1 PETRUS 3:4

Panyo belemiu handa tionyo ahi' molengkat mae i uno nu kinyonyoa, kalakuan anu tobos ka' madi' solaa' hengge'; aijo' ahi' na handa anu sampe toka sidu-sidutu' ka' anu talalo ko angga'nyo i pontoan nu Tumpu.

1 SAMUEL 12:7

Uuka aiya boli pe'e mamba. Ku posala' mo na belemiu i ahop nu Tumpu. Soba tutugi na kalibosan nu Tumpu iwi-iwi' anu pinotoa-Nyomo hi belemiu ka' hi mompole' nu belemiu.