1 PETRUS 3:14 - KITAB NU TUMPU ALLA LELE MA'IMAI'

¹⁴ Panyo mau mule' belemiu tionyo ahi' mongoa'i kasansala'an kalana mombau hahan anu ma'ima', komiu mohumpak dale'! Boli mabuhuk mau pa' hi he, ka' boli bata-bata.

1 PETRUS 3:14 ပူးပေါင်းရင်းမြစ်များ

AMSAL 3:25

Bolimo belemiu mongkabuhuk balaa' anu saintolo-tolo montokaimo mae susumo tombusisi', ka' nontuda'mo to mia-mian anu ma'idek na kinyonyoanyo.

YESAYA 51:12

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

YEREMIA 1:8

Boli mabuhuk hi aha, kalana Ku sangalui ka' Ku jagai na beleyum. Aku, Tumpu notataemo!”

YEREMIA 15:15

Lantas aku notataemo, “O Tumpu, Belento mangalati'. Inau'akon mae ka' tulungiakon mae na aku. Balosakon na aha nololoimo mae ka' mule' nonsakisamo mae aku. Tokolo' talalo monsabaanakon aha sahingga aha saidi' mae timbalimo mompatei aku. Inau'akon mae saba' kalana Belento sahingga ingambanganmo mae na aku.

YEHEZKIEL 3:9

Beleyum Ku potimbalimo sumo batu gahanggan na kohosonnyo ka' kokutnyo sumo intan. Boli mabuhuk hi aha anu saja' motomuhuk aijo'.”

MATIUS 10:28

Boli mabuhuk hi aha anu mompatei butong, panyo madi' ko kuasa mompatei santuu'. Pabuhuk hi Tumpu anu ko kuasa monsilakai mau mule' butong mau mule' santuu' i uno naraka.

MATIUS 10:31

Kalana aijo' boli mabuhuk! Komiu lebe ko angga'nyo molingkudui to tomo-tomonsi' peheet!”

MATIUS 10:39

Mian anu mompagala mompotumuu' kantumuu'annyo tionyo mingkot na kantumuu'annyo, panyo mian anu mingkot na kantumuu'annyo kalana tulut hi beleng-Ku, tionyo mohumpak kantumuu'annyo.”

MATIUS 16:25

Kalana mian anu mongka'oho' montoongi kantumuu'annyo, madi'mo mohumpak kantumuu'annyo. Panyo mian anu mombee' kantumuu'annyo kalana Aku, tionyo mohumpak kantumuu'an.

MATIUS 19:29

Ka' batu-batu mian anu nompala'imo laigan, kabai utus mo'ane, kabai utus boune, kabai tina tuuma, kabai to ana-anak, kabai ale', kalana Aku, mian aijo' montalimaje mule' pinsa'atu lipat. Ka' ia montalimaje mule' kantumuu'an anu talakana' ka' sampe toka sidu-sidutu'.

MARKUS 10:29

Koonyo i Yesus, “Palesayamo: Mian anu nompala'imo auwannyo, kabai utusnyo mo'ane, kabai boune, kabai tinanyo, kabai tuumanyo, kabai to ana-anaknyo, kabai pe'e sawah ale'nyo kalana Aku ka' kalana Lele Ma'ima' lengkat mae hi Tumpu,

MARKUS 8:35

Kalana mian anu mongka'oho' balatahan i kantumuu'annyo, madi' matantu na kantumuu'annyo. Panyo mian anu mongkolobanakon kantumuu'annyo hi belengku ka' bau kapalaluan nu Lele Ma'ima' anu lengkat mae hi Tumpu, momposalamat ia.

YOHANES 14:1

“Boli kinyonyoaum susa',” koonyo i Yesus hi aha. “Palesaya hi Tumpu, ka' palesaya suele na Aku.

YOHANES 14:27

Kabilahian Kupo'una' hi komiu. Posi Kabilahian-Ku na Kubee' hi komiu. Anu kubee' aijo' misa' sumo anu binee' nu dunia hi komiu. Boli susa', boli mabuhuk.

SISIKON NU TO RASUL-RASUL 9:16

Ka' Ku potoaje hi ia iwi-iwi' na kasansala'an anu tionyo nu oa'i kalana Aku.”

2 KORINTUS 12:10

Jadi, lame' na aku i han anu madi' ku poko ala. Aku mule' lame' de kalana i Kristus aku lewa' opobau-bau, aku nonta'up kasusa'an, pinotoitumputan ka' aku nongoa'i kasusa'an madi'mo nahoson. Kalana de aku madi'mo moko ala saba' i kiijo'je na tempo'nyo aku mongoa'imo mahoson.

FILIPI 1:29

Kalana Tumpu nombee'imo balakat hi komiu, misa' ola da palesaya hi Kristus, panyo singkona da mongoa'i sansala kalana i Kristus.

YAKOBUS 1:12

Mohumpak ka'ima'an na mian anu sabaan de ia monta'up soba'an. Kalana de ia moko alamo montahan soba'an aijo', ia mohumpakje tambonyo, aijo'mo kantumuu'an anu jinanji'mo nu Tumpu Allah hi to mia-mian anu mongkalibosi Tumpu.

YAKOBUS 5:11

Aha osanggohi mohumpakmo ka'ima'an kalana aha madi' nompele-pele'. Komiu nohongomo i Ayub sinaban, ka' komiu nonsumbu'mo mosia na Tumpu imihinyo nombalakati ia. Kalana Tumpu talalo hondo mongkalibosi ka' manonong.

1 PETRUS 3:6

I Sara mule' sumo aijo', ia tulu-tulutan hi Abraham ka' monsanggohi ia tuannyo. Kita utus tempo' uuka to ana-anakmo i Sara, de belemiu nombaumo hahan anu ma'ima' ka' madi' mabuhuk hi mau mule' pa' apaa.