1 PETRUS 3:13 - KITAB NU TUMPU ALLA LELE MA'IMAI'

¹³ Ihe na mongka'oho' mombau anu ma'idek hi belemiu, de belemiu sanang na mombau anu ma'ima'?

1 PETRUS 3:13 ပူးပေါင်းရင်းမြစ်များ

MAZMUR 38:20

To mia-mian anu mongewa mae aku da'isan ka' to hoso-hoson, aha mongka'ideki mae jalan nu kantumuu'anku.

AMSAL 12:21

Mian anu manonong madi' toho' nu kona nu balaa'; panyo mian anu ma'idek na kinyonyoanyo saja' nu tokai nu kasusa'an.

AMSAL 15:9

Tumpu mongka'ideki kalakuan nu mian anu duluhaka; panyo Ia mongkalibosi mian anu mompagala mombau apaa na anu Nu kahanda'i.

AMSAL 16:7

De beleyum momposanang kinyonyoa nu Tumpu; iwi-iwi' na sampo bali' nu beleyum Nu potimbali sangalu nu beleyum.

YEREMIA 39:12

“Lako' mamba lio na i Yeremia ka' ojagai na ia ima-ima'. Boli opoposia na ia; bau pa' apaa na anu nu poita hi belemiu.”

ROMA 13:3

Kalana mian anu mombau ma'ima' boli mabuhuk i pamalentah. Ola mian anu mombau anu ma'idek na tionyo mabuhuk. De kita Utus mongindi da kita madi' mongoa'i mabuhuk hi pamalentah, kita Utus tionyo mombau anu ma'ima', sahingga kita Utus o puji'.

ROMA 8:28

Osumbu'to Tumpu monsipatakon iwi-iwi' na han sahingga mohasinakon anu ma'ima' bau bagi nu to mia-mian anu mongkalibosi Ia, ka' anu ilaga-Nyomo pokakana tiba tanga'an-Nyo.

1 KORINTUS 14:1

Tionyo ahi' komiu bala usaha mongkalibosi to mia-mian sangga'at. Ka' bala usaha suele da mohumpak to bala-balakat anu nubee' nu Roh nu Tumpu, ka' anu talalo hondo, da moko ala monsisikakon tanga'an-tanga'an nu Tumpu hi mian.

EFESUS 5:1

Komiu to ana-anak nu Tumpu anu nu Nukalibosi, mokonyo aijo' komiu tionyo bala usaha mombatuki sonto' nu Tumpu.

1 TESALONIKA 5:15

Ojagai da boli ko anu mombalosi ka'idekan nu ka'idekan. Saja' bala usaha mombau anu ma'ima'; samian toka hi sangga'at ka' hi iwi-iwi' na mian.

1 TIMOTIUS 5:10

talasanggo salaku boune anu saja' nombaumo hahan anu ma'ima', salaku sonto'nyo: nompidaka'imo to ana-anaknyo sampe na'ima', sanang na montalima to mia-mian sonso' male' i bonuanyo, montoa kapalaluan nu mian anu pinalesayamo, montulungi to mia-mian anu susa', ka' mombau totu-totu'u iwi-iwi' na ngahan nu kalaja anu ma'ima'.

TITUS 2:14

Ia nongkulubanakonmo butong-Nyo kalana kahanda' mompobebas kita da iwi-iwi' na anu ma'idek bolimo obaunto, ka' mompotimbalimo kita mian anu binebasmo madi'mo ko dosa'nyo ka' samata-mata iamo na tumpu-Nyo, ka' makekemo na mombau anu ma'ima'.

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.