1 PETRUS 3:12 - KITAB NU TUMPU ALLA LELE MA'IMAI'

¹² Kalana Tumpu saja' monginau' to mia-mian anu montuluti pongka'oho'-Nyo; ka' Tumpu saja' mohongo iwi-iwi' do'a nu aha; panyo Tumpu mongewa to mia-mian anu mombau ka'idekan.”

1 PETRUS 3:12 ပူးပေါင်းရင်းမြစ်များ

2 TAWARIKH 16:9

Tumpu na montoa songko-songko na dunia ka' mombee'i kahosonan kona hi to mia-mian anu tulu-tulutan hi ia. Beleyum nombaumo apa-apaa anu sala', kalana aijo' otampu'uni uuka aiya beleyum saja'mo monta'up pahampatean.”

2 TAWARIKH 7:15

Aku saja' mae mompalahatikan Laigan-Ku aiya ka' saja' mae mohongo do'a nu aha iwi-iwi' anu nupotoka mae nu aha lengkat i tampat aiya.

MAZMUR 11:4

Tumpu kiita' mae i Laigan-Nyo anu susi' hondo, kasuhangan-Nyo kiita' mae i suluga'. Ia lewa' mompotomatakon mian ka' monsumbu' iwi-iwi' apaa na anu nubau nu aha.

MAZMUR 33:18

Tumpu monjagai aha to mia-mian anu tulu-tulutan hondo anu talalo ahi' montaha'imani kalibosan-Nyo.

MAZMUR 65:2

Konanyomo na kami mompuji' Belento, anu kiita' i Sion, o, Tumpu, ka' mongganapimo janji' mami hi Belento.

MAZMUR 80:16

Posalamat mae na mian anu sumomo kau' anggur anu posi Belento na nosu'an, ka' sumpenyo nu anggur anu pinohosonmo nu Belento.

AMSAL 15:29

Tumpu mompotombihing de ko mian anu manonong na balado'a; panyo Ia madi' mompajuli mian anu duluhaka.

AMSAL 15:3

Tumpu montoa iwi-iwi' anu jinadimo iyaya mae na tampat; Ia mompalahatikan iwi-iwi anu ma'ima' kabai anu ma'idek.

AMSAL 15:8

Tumpu montalima do'a nu mian anu manonong; panyo Ia mongka'ideki palasombahan nu mian anu ma'idek na kinyonyoanyo.

YEREMIA 21:10

Noko tantukan-Kumo da mohansunimo kota' aiya ka' madi'mo daagi' mongkalibosi ia. Kota' aiya obee'mo hi tomundo' Babel; da nu papuimo sampe motanggotmo ingko-ingkot. Aku, Tumpu, notataemo.”

YEREMIA 39:12

“Lako' mamba lio na i Yeremia ka' ojagai na ia ima-ima'. Boli opoposia na ia; bau pa' apaa na anu nu poita hi belemiu.”

YEHEZKIEL 15:7

Aku mohukumo aha. Maumo ahi' aha madi' kinaan nu apu, panyo apumo ahi' na monsilakai aha. Sahingga nu sumbu'je nu belemiu taalu' Akumo ahi' na Tumpu.

IMAMAT 17:10

De ko samian na aha Israel kabai samian anu lengkat mae i salipu'an, anu tataapmo jojoong hi aha mian Israel mongkaanmo baso', ia nu hukumo nu Tumpu ka' madi'mo daagi' oposoop mian anu pinalesayamo hi la.

IMAMAT 20:3

Mian anu mongkolobanakon anaknyo hi Molokh, mohumimi'imo Kemah-Ku ka' mongambangimo sanggong-Ku anu susi'. Ia Ku hukumo ka' madi'mo daagi' Ku posoop mian anu pinalesayamo hi beleng-Ku.

IMAMAT 20:6

Mian anu mamba momoita pikilan hi sando anu mompaha sumbu' tiba to santu-santuu' nu mian anu sinilakamo Ku hukumo ka' madi'mo Ku posoop mian anu pinalesayamo hi beleng-Ku.

IMAMAT 26:17

Belemiu Ku hukumo, sahingga belemiu nu patundu'imo nu sampobali' nu belemiu ka' nukuasaimo nu to mia-mian anu mongka'ideki belemiu; Belemiu mabuhukmo hondo sahingga belemiu mopalaimo, maumo madi' ko anu mololoi'.

YOHANES 9:31

Osumbu'to saba' Tumpu madi' mohongo mian baladosa', panyo mian anu mongangga'i Tumpu, ka' mombau pongka'oho'-Nyo.

PO'ULE' INGULIT 11:12

Tumpu Allah nu belemiu na mompotuu' lipu' aijo' ka' monjagai sataun toka sataun.

YAKOBUS 5:16

Kalana aijo', tionyo ahi' komiu mompaha aku-akui kasala'an ka' mompaha do'a-do'akon, da komiu opa'alin. Do'a nu anu montuluti pongka'oho' nu Tumpu, ko kuasanyo Anu Matangkas.