1 PETRUS 3:11 - KITAB NU TUMPU ALLA LELE MA'IMAI'

¹¹ Ia tionyo ahi' mompimpali anu ma'idek ka' mombau anu ma'ima'; bala usaha ahi' totu-totu'u na ia da mohumpak paladamean.

1 PETRUS 3:11 ပူးပေါင်းရင်းမြစ်များ

AYUB 1:1

I tano' Us daagi' ko samian na mo'ane anu jinojoong sanggonyo i Ayub. Ia nonsombah Tumpu Allah ka' montuluti hondo Ia. Ia mian anu ma'ima' hondo na kinyonyoanyo ka' madi' hondo lewa' mombau anu ma'idek.

AYUB 2:3

Pinokilawa nu Tumpu, “Pa' totu-totu'u tinoamo nu beleyum na mian-Ku i Ayub? I dunia aiya songko-songko madi' ko mian anu ma'ima' na kinyonyoanyo sumo ia. Ia monsombah Aku ka' totu'u madi' lewa' mombau anu ma'idek. Ia daagi sabole-bole tulu-tulutan hi belengku, maumo oko pagalamo monsale'i Aku da opateimo na ia, mau madi' ia ko sala'nyo.”

AYUB 28:28

Tumpu Allah nompoto'imo hi manusia, “Da ohumpak na kapandean bapikin, Tumpu Allah tionyo ahi' o'adati nu belemiu. Da timbali opangalati'i, kalakuan anu ma'idek tionyo ahi' opimpaliakon jo'o-jo'on.”

MAZMUR 125:4

O, Tumpu, kanonongimo nu mian anu manonong hi mian anu hodi' na kinyonyoanyo.

MAZMUR 34:14

Boli montaeakon potatae anu toto ide-idek ka' boli mongka'ima'i ola saja' mongakali mian.

MAZMUR 37:27

Pala'imo na palabuatan anu ma'idek ka' baumo na anu ma'ima', sahingga sampe toka sidu-sidutu' lee' nu beleyum na monjojoongi tano' aijo'.

AMSAL 16:17

Mian anu manonong matikojo'on ipalabuatan anu ma'idek; mian anu mompalahatikan kantumuu'annyo alati'nyo monjagai butongnyo.

AMSAL 16:6

Mian anu tulu-tulutan hi Tumpu Allah mohumpak ka'ampunan; mia anu tulu-tulutan hi Tumpu madi' mombau palabuatan anu ma'idek.

AMSAL 3:7

Boli monsangka' butong nu belemiu lebe pande molingkuduimo anu memang ahi' sahondo-hondonyo; otuluti na Tumpu ka' opimpali' na anu ma'idek.

MATIUS 5:45

da komiu timbali to ana-anak nu Tuumaum i suluga'. Kalana Tumpu mompobete' batu nu sinaa bau bagi nu mian anu ma'ima' ka' bagi nu mian anu ma'idek. Ia mombee'i ujan hi mian anu mombau ima', ka' hi mian anu mombau idek suele.

MATIUS 5:9

Bila-bilahi na mian anu momboa dame hi sangko mian; Tumpu mongakuije aha sumo to ana-anak-Nyo!

MATIUS 6:13

Boli mompojohok kami kakulangan palesaya tempo'nyo kami o sobai panyo lapasakon na kami i kuasanyo Anu Ma'idek. [Kitamo na Tomundo' anu balakuasa ka' opopodaka' toka sidu-sidutu'. Amin.]’

MARKUS 14:7

Mian kasiasi saja' atina hi komiu. Madi' ko tempo'nyo de komiu mongka'oho'mo, komiu timbali montulungi aha. Panyo Aku madi' saja' tiba komiu.

LUKAS 1:79

sumo aitumo na Ia mombee'i jingka-Nyo hi iwi-iwi' na mian anu tumuu' i uno nu kapintungan ka' i kabuhukan. Ia montaka' kita i jalan anu mokiijo' i kadamean.”

LUKAS 6:35

Sepantasnyo misa' sumo aijo'! Komiu ola ahi' mongkalibosi sampo bali'um, ka' mombau anu ma'ima' hi aha. Komiu tionyo momposabon ka' boli montaha'imani po'ule' osule'akon. Desumo aitu tamboum daka' ka' komiu timbali to ana-anak nu Tumpu Anu Matangkas na Kuasanyo. Kalana Tumpu manonong na kinyonyoanyo hi mian anu madi' monsumbu' momoita talima kaseh, ka' suele hi anu ma'idek.

LUKAS 6:9

Lapas aijo' i Yesus nompokilawa hi to mia-mian anu daagi' i kiijo'. “De koonyo nu agama, apaa na timbali obaunto i sinaa nu Sabat? Mombau anu ma'ima' kabai mombau anu ma'idek? Momposalamat mian kabai monsilakai?”

YOHANES 17:15

Madi' Ku poita da kita Tuuma mongala aha i dunia aiya, panyo Ku poita da kita Tuuma mompimpaliakon aha i Anu Ma'idek.

ROMA 12:18

Hi beleyum olio sabole-boleh na tumuu' dame tiba mian iwi-iwi'.

ROMA 14:17

Kalana de Tumpu mompalentahmo kantumuu'an nu mian toto samian, apaa na anu timbali nukaan kabai o inum, madi'mo penting. Anu penting aijo'mo, mian anu mohongo-hongo pongka'oho' nu Tumpu Allah, mongoa'i sabaan na kinyonyoa, ka' montalima kalame'an anu binee'mo nu Roh nu Tumpu.

ROMA 14:19

Mokonyo aijo' apaa na anu okahanda'i obaunto tionyo ahi' saja' hahan anu mompotimbali posa'angu'an ka' mompaha bango-bangonakon.

ROMA 5:1

Uuka aiya kita po'ule'mo na'ima' tiba Tumpu, kalana kita palesaya. Mokonyo aitu kita tumuu' i uno nu kadamean tiba Tumpu kalana Tumpunto i Yesus Kristus.

ROMA 7:19

Aku madi' mombau anu ma'ima' anu ku ka'ima'i da o bau; ola mule' binaungku anu toto ma'i-ma'idek.

ROMA 7:21

Sahingga aku nongala sa'angu' na kaputusan taalu' atulan aiya na montoongi kuasa; de aku mongka'oho' mombau anu ma'ima' ola mule' anu ma'idek na tonginau' hi belengku.

ROMA 8:6

De pikilanum kinuasanmo nu sipat nu mian, saba' ahennyo kapatean. Panyo de pikilanum kinuasanmo nu Roh nu Tumpu, saba' ahennyo aijo'mo na kantumuu'an ka' kadamean tiba Tumpu Allah.

GALATIA 5:22

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan,

GALATIA 6:10

Jadi' de daagi' ko tempo' hi kita, tionyo ahi' kita mombau anu ma'ima' hi iwi-iwi' na mian, anu talalo hondo, toka hi to Utu-utusto sangko mian anu pinalesayamo totu-totu'u.

KOLOSE 3:15

Anu oputusi miu, tionyo ahi' anu otantukan nu dame anu binee'mo i Kristus i uno nu kinyonyoa miu. Kalana Tumpu nolagamo komiu da timbali sa'angu' na butong, da komiu tumuu' i uno nu kadamean lengkat mae hi Kristus aijo'. Komiu tionyo ahi' montalima kase.

1 TIMOTIUS 6:18

Poita hi aha da mompotoa ka'ima'an, da manjoo' na mombau hahan anu ma'ima', manonong, ka' mongka'ima'i mobagi.

IBRANI 12:14

Bala usaha da tumuu' simbulu tiba to mia-mian. Ka' Bala usaha mule' da tumuu' susi', na palesaya hi Tumpu. Kalana madi' ko samian pe'e na moko ala montoa Tumpu de madi' ia tumuu' sumo aijo'.

IBRANI 13:16

Boli okolilimi na mombau anu ma'ima' ka' mompaha tulu-tulungi, kalana aijo'mo na koloban anu momposanang kinyonyoa nu Tumpu.

YAKOBUS 4:17

Kalana aijo', mian anu monsumbu' apaa na anu ma'ima', anu tionyo obau panyo madi' obau, aijo' baladosa'.

1 PETRUS 3:12

Kalana Tumpu saja' monginau' to mia-mian anu montuluti pongka'oho'-Nyo; ka' Tumpu saja' mohongo iwi-iwi' do'a nu aha; panyo Tumpu mongewa to mia-mian anu mombau ka'idekan.”

3 YOHANES 1:11

Kita Utus anu okanonongi, boli montiho sifat anu ma'idek. O tiho apaa na anu ma'ima'. Mian anu mombau anu ma'ima', ia anumo nu Tumpu. Ka' mian anu mombau anu ma'idek, ma'isa monsumbu' Tumpu.

TO MIA-MIAN KOPIAN 11:14

Lantas po'ule' mule' sinai i Yefta na to mia-mian namba hi tomundo nu Amon.