1 PETRUS 3:1 - KITAB NU TUMPU ALLA LELE MA'IMAI'

¹ Sumo aitumo suele na komiu, to bengke-bengkele' tionyo ahi' obatuki na pongka'oho' nu langkai' nu belemiu, da aha de daagi' ko anu madi' palesaya i lele lengkat mae hi Tumpu, kalakuan nu belemiu na mompotimbali aha da palesaya. Ka' madi' pilenje belemiu montaloakon apa-apaa hi aha,

1 PETRUS 3:1 ပူးပေါင်းရင်းမြစ်များ

KAJADIAN 3:16

Lantas Tumpu notataemo hi boune aijo', “Ku paka posakit na beleyum de beleyum poboamo ka' de beleyum mohampeakonmo. Panyo mau mule' sumo aijo', beleyum daagi' saja' ko kinyonyoa moduhus tiba langkai' nu beleyum, ka' mule' beleyum tionyo tulu-tulutan hi ia.”

AMSAL 11:30

Mian anu palesaya totu-totu'u saidi' mae mohumpakmo kantumuu'an ma'ima; mian anu pande mintuang na anu mombatuki.

AMSAL 18:19

Utus anu ingideanmo na kinyonyoa lebemo susa' na mongohani molingkuduimo kota anu mahoson; painggagan sumomo ponsupati tumban daka' nu kota' anu ko bentengnyo.

MATIUS 18:15

“De utusum baladosa' hi beleyum, lako' hi ia ka' opoto'i na kasala'annyo. Obau na aijo' hoko-hokot, ola posi komiu ua'aha. De ia mombatuki potataeum, saba' ko hasinnyo na beleyum po'ule' nohumpak utusum aijo'.

ROMA 10:16

Panyo madi' iwi-iwi' na mian montalima Lele Ma'ima aijo'. Kalana i Yesaya notataemo, “Kita Tumpu, ihe na palesaya i anu opolele kami?”

ROMA 6:17

Panyo talima kaseh hi Tumpu! Kalana u'utu mae komiu tinimbalimo botuan nu dosa', panyo uuka aiya komiu buke-buke' na kinyonyoa mohongo-hongomo pangajalan anu totu'u, anu binee'mo hi beleyum.

ROMA 7:2

Susumo samian na boune anu ko langkai'nyo sego-segot i atulan nu langkai'nyo, panyo de langkai'nyo aitu daagi' tutuu'. De langkai'nyo matemo bengkele'nyo aijo' bebas i atulan anu monsegoti ia hi langkai'nyo.

1 KORINTUS 11:3

Panyo ku indi da komiu monsumbu' sa'angu' na han mule', aijo'mo saba' anu mongkapalai aha to momo'ane, aijo'mo i Kristus; anu mongkapalai bengkele' aijo'mo langkai'nyo, ka' anu mongkapalai i Kristus aijo'mo Tumpu.

1 KORINTUS 14:34

boune sahanyo ola momohokot de singkabotmo i pogombuan nu jama'at. Aha madi' opobee' basisik. Aha madi' timbali opobee' mongatun; aijo' mompahakona tiba atulan nu agama.

1 KORINTUS 7:16

Kalana kita Utus salaku bengkele' – anu palesayamo hi Tumpu – mosia na kita Utus moko ala monsumbu' totu-totu'u taalu' kita Utus madi' moko ala momposalamat langkai'um? Sumo aitu mule' na kita Utus salaku langkai' Kristen, mosia na kita Utus moko ala monsumbu' totu-totu'u, taalu' aitu kita Utus madi' moko ala momposalamat bengkele'um?

EFESUS 5:33

Panyo ayat nu kitab anu sinanggo aijo' daagi' suele ko tuusanannyo tiba komiu: Maunyo ahi' batu-batu langkai' mongkalibosi bengkele'nyo, sumo ia mongkalibosi posi butongnyo, ka' maunyo ahi' batu-batu bengkele' ko'usaha ahi' mongadati langkai'nyo.

KOLOSE 3:18

To Utu-utus anu tinimbalimo bengkele' nu mian! O tuluti na langkai' miu kalana sumo aijo' sabenanyo na kalakuan miu mian Kristen.

KOLOSE 4:5

I uno nu poboboan miu tiba to mia-mian anu madi' palesaya pande-pande ahi' na komiu tumuu', ka' opake iwi-iwi' na kasampatan ma'i-ma'ima'.

2 TESALONIKA 1:8

ka' ko apunyo anu balea-leak. Ia mintau' da mohukum to mia-mian anu madi' mompajuli Tumpu, ka' anu madi' ka'oho' tumuu' sosok tiba Lele Ma'ima' mongkona i Yesus Tumpunto.

IBRANI 11:8

Kalana bala'iman, sahingga i Abraham tulu-tulutan hondo hi Tumpu, tempo'nyo Tumpu nolagamo ia ka' nonsaimo ia namba i lipu' anu jinanji'mo nu Tumpu hi ia. Lantas i Abraham nambamo, padahan madi' nusumbu' pa' moya na kalambanannyo.

IBRANI 5:9

Sahingga salatan Ia pinotimbalimo anu momposalamat totu-totu'u, Ia tinimbalimo pinolengkatan nu kasalamatan anu sampe toka sidu-sidutu' kona hi iwi-iwi'na mian anu tulu-tulutan hi Ia,

1 PETRUS 1:22

Kalana komiu tulu-tulutan i pangajalan anu lengkat mae hi Tumpu, jadi belemiu mompolomas ahi' butong, ka' halala' ahi' na mongkalibosi to mia-mian anu bubu'mo pokakana na kapalesaya'an. Kalana aijo' tionyo ahi' kinyonyoa miu mompaha kali-kalibosi totu-totu'u samian ka' samian.

1 PETRUS 3:2

kalana aha montoamo kalakuan miu anu sahondo-hondonyo ka' anu palesayamo totu-totu'u.

1 PETRUS 3:7

Ka' komiu mule' suele to langka-langkai' nu mian, tionyo ahi' tumuu' mangalati' totu-totu'u hi bengkele' miu, ka' sinsumbu' saba' aha atina' mian anu madi' mahoson, o adati na mongatun aha, kalana aha mohingga-hinggat tiba belemiu montalimaje balakat kantumuu'an anu mingkaliangan lengkat mae hi Tumpu. Obau na aiya, da belemiu timbali balado'a.

1 PETRUS 4:17

Tinokamo na tempo'nyo Tumpu momputusimo dunia. Ka' mian anu pinalesayamo hi Tumpu na anu o putusi momonanyo. Jadi, de nutampu'unimo nu Tumpu hi kita, mosiamo ahi' na katimbaliannyo saidi' mae tiba to mia-mian anu madi' palesaya i Lele Ma'ima' anu lengkat mae hi Tumpu aijo'?