1 PETRUS 2:8 - KITAB NU TUMPU ALLA LELE MA'IMAI'

⁸ ka' “Aijo'mo na batu anu nonsaduakonmo mian tinosumpun, batu anu nonsaduakonmo aha notua'.” Aha tinosumpun kalana aha madi' palesaya i potatae nu Tumpu Allah. Sumo aijo'mo na Tumpu nontantukanmo aha.

1 PETRUS 2:8 ပူးပေါင်းရင်းမြစ်များ

AYUB 23:14

Apaa na anu tinanga'an-Nyomo obau hi belengku, nu baumo, ka' daagi' manjoo'na anu tinanga'an-Nyomo misa' ola aijo'.

NOSABATMO 9:16

Panyo belemiu Ku pobee' tumuu' da timbali Ku potoa na kakuasa'an-Ku hi belemiu, sahingga sanggong-Ku talasanggo i songko-songko na dunia.

YESAYA 37:26

Pa' ma'isa toho' nohongo na beleyum mongkona hahan aijo' iwi-iwi' te misa' polo'mo ahi' tinangka'an-Ku salatanmo pe'e naipuan mae? Ka' tempo uuka aiya Ku baumo ahi'. Akumo aiya na nombee'i beleyum kuasa da mohansunimo iwi-iwi na kota' anu ko bentengnyo sahingga hansunmo.

YESAYA 57:14

Daagi' ko anu notatae, “Baumo ka' posadiamo na jalan da bau kajalanan nu mian anu palesayamo hi beleng-Ku bolimo daagi' ko anu madi' mombau.”

YESAYA 8:14

Kalana Aku susi' hondo, Aku baumo sabab batu tosumpunan nu aha mian da'isan Yehuda ka' Israel ka' timbalimo so'o anu mohakopmo mian anu jojoong i Yerusalem.

LUKAS 2:34

I Simeon nombalakati aha, ka' notatae hi Maria tina nu Anak aijo', “Anak aiya pinile'anmo nu Tumpu da mombahayai ka' momposalamat manjoo' na mian nu Israel. Ia timbalije tanda lengkat mae hi Tumpu, anu nugagakon nu mian da'isan,

ROMA 9:22

Sumo aijo'mo apaa na anu binau nu Tumpu. Ia ko kahanda' molubatakon tambuha'-Nyo ka' mompotoa kuasa-Nyo. Panyo Ia sabaan hi aha anu tionyo o hukum kalana nonsaduakonmo Ia motambuha'.

1 KORINTUS 1:23

Panyo kita aiya ola mompolele i Kristus anu sinilakamo sinalib. Lele aijo' momposumpu kinyonyoa nu mian Yahudi, ka' osangka palasuma nu to mia-mian misa' Yahudi. Ka' mian anu misa' Yahudi monsangka aijo' sa'angu' na kaponga'an.

GALATIA 5:11

Mongkona aku, to Utu-utus, kadaka' aku saja' oka'ideki de aku daagi' mompolele tukoongku atulan nu sunat aijo' daagi' ahi' palalu? De aku memang mompolele sumo aijo', saba' anu ku polele mongkona salib i Kristus madi'mo timbali monsaduakon painggagan.

1 TESALONIKA 5:9

Tumpu nompile'imo kita misa' da o hukum, panyo da o posalamat montului Tumpunto i Yesus Kristus.

1 PETRUS 2:6

Kalana i uno nu Kitab nu Tumpu tinulismo sumo uuka, “Aku nompile'imo sa'angu' na batu anu ko angga'nyo, anu Pino'una'kumo i Sion salaku batu anu penting; ka' mian anu pinalesayamo hi Ia madi' mompele-pele'.”

1 PETRUS 2:7

Batu aijo' ko angga'nyo hondo hi belemiu anu pinalesaya. Panyo bele nu to mia-mian anu madi' pinalesayamo, nukonamo nu to aya-ayat nu Kitab nu Tumpu anu sumo uuka, “Batu anu madi' opake nu to tuka-tukang nu laigan aijo', batumo ahi' ai-aijo' na anu talalo penting,”

2 PETRUS 2:3

Kalana aha mangoa, sahingga to gulu-gulu' anu madi' totu'u aijo' nonsisikakonmo hi belemiu to sisi-sisik anu o posi kalang da bau pohumpakan ka'untungan hi belemiu. Panyo anu momputusi monabu'akonmo hukuman hi aha pininmo na pinosadia, ka' kabinasa'an anu tinantukanmo bau bagi nu aha hau-haunyomo montanda'imo aha.

YUDAS 1:4

Kalana madi' opoko ala osumbu-sumbu'to, daagi' ko to mia-mian anu madi' osumbu'to minsasuluk minsoop hi kita. Aha to mia-mian palaganta anu monggeo-geo'akon lele mongkona balakat nu Tumpunto, da mohumpak kasampatan pompotudunan nu aha napisu. Ka' aha madi' mongakui i Yesus Kristus, aijo'mo na anu Mongkuasai ka' Tumpunto. Salatanmo pe'e naipuan mae hukuman nu aha sinisikakonmo i uno nu Kitab nu Tumpu.